គន្លឹះ​ថែរក្សា​ថ្នាំលាបក្រចក​ឱ្យ​ជាប់​បានយូរ មិន​ងាយ​របក និង​ភ្លឺរលោង​ចែងចាំង​ជានិច្ច

0
Manicures

ក៏​ព្រោះតែ​ភាពស្រស់ស្អាត​គឺជា​គូ​ជាមួយនឹង​នារី​យើង​ហើយ​ទាមទារ​ឱ្យនារីៗទាំងអស់​ស្វែ​ករក​នូវ​គន្លឹះ​ក្នុងការ​ថែរក្សា​សម្រស់​ឱ្យនៅ​គង់វង្ស​ជាមួយនឹង​ខ្លួន​អ្នក ដូច្នេះហើយ​បានជានារីៗយើង​តែងតែ​ស្វែងរក​របស់​នេះ​បន្ដិច​របស់​នោះ​បន្ដិច​មក​បន្ថែម​នៅលើ​រូបរាង​របស់ខ្លួន ដើម្បីឱ្យ​មើលទៅ​មាន​ភាពស្រស់ស្អាត និង​ជាទី​ចាប់អារម្មណ៍​ពី​ក្រសែភ្នែក​អ្នកដទៃ​ដែល​គេ​បាន​សម្លឹង​មក​មើលរូប​អ្នក។ មិនមែនជា​រឿង​អ្វី​ប្លែក​នោះទេ ការ​លាបថ្នាំ​ក្រចក ក៏​ជា​រឿង​សំខាន់​មួយ​ក្នុង​ការបន្ថែម​នូវ​ភាពស្រស់ស្អាត និង​ជួយ​លើក​សម្រស់នារីៗយើង​ផងដែរ។ ហើយក៏​មាននារីៗមួយចំនួនទៀត​ដែលនិយម​លេង​ម៉ូដ​ក្រចក​គ្រប់​ពណ៌ ក៏ប៉ុន្ដែ​ទន្ទឹមនឹង​ទទួលបាន​នូវ​ភាពស្រស់ស្អាត​ហើយ​នោះ ក៏​អាចធ្វើឱ្យនារីៗយើង​ខកចិត្ត​ដែរ បើ​មិនដឹង​ពី​ទិ​កនិច​ក្នុងការ​ថែរក្សា​ពណ៌​ក្រចក​ឱ្យ​ភ្លឺ​ចែងចាំង​បានយូរ។

នៅពេលដែលនារីៗចូលទៅ​ធ្វើ​ក្រចក​នៅក្នុង​ហាង​សាឡ​ន​ជា​ញឹកញាប់ នោះ​កាបូប​លុយ​របស់​អ្នក​ក៏​កាន់តែ​ស្រាល​ទៅ​ដែរ ជម្រើស​ដ៏​ល្អ​គឺ​មានតែ​ទិញ​ថ្នាំ​ក្រចក​យកមក​លាប​ដោយ​ខ្លួនឯង​នៅឯ​ផ្ទះ​វិញ។ សូមកុំ​ព្រួយបារម្ភ​ថា ការដែល​លាបថ្នាំ​ក្រចក​នៅផ្ទះ​ដោយ​ខ្លួនឯង នឹងធ្វើ​ឱ្យ​ក្រចក​របស់​អ្នក​មិន​ស្រស់ស្អាត​ដូច​នៅក្នុង​ហាងធំៗឱ្យសោះ សាកល្បង​អាន​អត្ថបទ​នេះហើយ អនុវត្តតាម ធានាថា​នឹងមិន​ខកបំណង​ឡើយ ពោលគឺ ក្រចក​របស់​អ្នកនឹង​ស្រស់ស្អាត ហើយ​ថែមទាំង​ភ្លឺរលោង​ចែងចាំង​ដូចជា ពេលធ្វើ​ក្រចក​នៅក្នុង​ហាងថ្លៃៗអី​ុ​ចឹ​ង​ដែរ។ ថ្ងៃនេះ​ទស្សនា​វ​ដ្តីឡា​រ៉ែ​ន សូម​ជម្រាបជូន​នូវ​វិធីសាស្ត្រ​ក្នុងការ​លាបថ្នាំ​ក្រចក ដែល​អាច​រក្សា​គុណភាព​ទឹក​ថ្នាំ​ឱ្យ​ជាប់​ក្នុង​រយៈពេល​យូរ មិន​ងាយ​ប្រះ របក ឬ​ហើរ​ពណ៌​ឡើយ ផ្ទុយទៅវិញ​គឺមាន​សភាព​ស្រស់ស្អាត ហើយ​ចំណេញ​ថវិកា​ទៀតផង។

របស់​ដែល​អ្នក​ត្រូវ​ត្រៀម​មានដូចជា៖

  1. ក្រូចឆ្មារ 1 ផ្លែ
  2. ចានគោម​ធំ 1
  3. ថ្នាំលាបក្រចក
  4. កន្សែង​ជូត​ដៃ
  5. ទឹកកក​អនាម័យ 1 ថង់

វិធី​អនុវត្តន៍

  1. ដំបូង​អ្នក​ត្រូវ​សម្អាត​ក្រចក​របស់​អ្នក​ឱ្យបាន​ស្អាត​ជាមួយ​ក្រូច​ឆា្ម​រ​ជាមុនសិន។
  1. បន្ទាប់មក​ត្រូវ​លាង​ក្រចក​ចេញ​ដោយ​ទឹកស្អាត និង​ជូត​ដោយ​កន្សែង​ជូត​ដៃ​ឱ្យ​ស្ងួត​ល្អ។
  1. ជំហាន​បន្ទាប់​គឺ អ្នក​ត្រូវ​លាបថ្នាំ​ក្រចក​តាម​ពណ៌​ដែល​អ្នក​ចូលចិត្ត​គ្រប់​ម្រាមដៃ។
  2. រួច​ចាក់​ទឹកកក​ចូលទៅក្នុង​ចានគោម​ដែលមានទឹក​សម្រាប់​ត្រាំ​ក្រចកដៃ។
  3. ក្រោយពី​បាន​លាបថ្នាំ​ក្រចក​រួចហើយ អ្នក​មិនបាច់​រង់ចាំ​ឱ្យ​ថ្នាំ​ក្រចក​ស្ងួត​នោះទេ ពោលគឺ អ្នក​អាច​យក​ម្រាមដៃ​ដាក់​ត្រាំ​នៅក្នុង​ទឹកកក រួច​ត្រាំ​រយៈពេល​ពី2-3នាទី ជាការ​ស្រេច។
  4. បន្ទាប់ពី​បាន​ត្រាំ​ជាមួយ​ទឹកកក​ហើយ នោះ​អ្នកនឹង​សង្កេតឃើញថា​ថ្នាំ​ក្រចក​គឺ​ស្ងួត​លឿន​ណាស់ ហើយ​មាន​សភាព​ភ្លឺរលោង​ចែងចាំង​តែម្ដង ថែមទាំង​រក្សា​ភាពជា​ប់​បាន​រយៈពេល​យូរ​ទៀតផង។

សូមកុំ​ភ្លេច​សាកល្បង​អនុវត្ត​នៅផ្ទះ​ទាំងអស់គ្នា​ណា៎!

ចែករំលែក