ពិធី​តាំងពិព័រណ៍​ស្នាដៃ​កូន​ខ្មែរ រៀបចំ​ដោយ​សណ្ឋាគារ​​លំដាប់​អន្តរជាតិ Rosewood ភ្នំពេញ

April 12, 2018​ ម៉ោង 10:40 am
0

សណ្ឋាគារ Rosewood ភ្នំពេញ ដែលជា​សណ្ឋាគារ​ដ៏​ប្រណីត​លំដាប់​ពិភពលោក ស្ថិតនៅលើ​អគារ Vattanac Capital បានរៀបចំ​កម្មវិធី​សម្ពោធ​បន្ទប់​តាំងពិព័រណ៍​រូបគំនូ​វ​ដ៏​ប្រណីត​របស់ខ្លួន ជាមួយនឹង​ការ​ផ្តល់ឱកាស​ឱ្យ​វិចិត្រករ​ខ្មែរ​មកពី​រាជធានី​ភ្នំពេញ ខេត្តបាត់ដំបង និង​ខេត្តសៀមរាប​បាន​តាំង​ពិ​ព័រ​ណ៌​រូបគំនូរ​របស់ខ្លួន​ជាច្រើន​ផ្ទាំង ព្រមទាំង​រូបចម្លាក់ ដែល​ប្រកបដោយ​រចនាបទ​ដ៏​វិចិត្រ​បែប​ខ្មែរ និង​បង្កប់​ដោយ​អត្ថន័យ​ដ៏​ជ្រាលជ្រៅពី​សំណាក់​វិចិត្រករ​ដូចជា លោក ឈើន ចាន់នី, លោកស្រី ឆន ឌី​ណា, លោក លឹមមួយ ​ធាម, លោកស្រី Madeline Green និងលោក ឆាយ សារ៉ុន, លោក អុ៊ក ជីម​វិចិត្រ និង​លោក ស្រី បណ្តូល។ ការតាំង​ពិព័រណ៍​​ទាំងអស់​នឹងត្រូវ​ធ្វើការ​ផ្លាស់ប្តូរ​ជា​រៀងរាល់3ខែម្តង ដើម្បី​បើកឱកាស​ឱ្យ​វិចិត្រករ​ខ្មែរ និង​បរទេស​ទាំងអស់​អា​ចប​ង្ហា​ញ​ពី​ស្នាដៃ និង​ការច្នៃប្រឌិត​របស់​ពួកគេ​ដល់​គ្រប់​អតិថិជន ដែល​អញ្ជើញ​មក​សណ្ឋាគារ Rosewood ភ្នំពេញ បាន​ទស្សនា និង​ជាវ​យកទៅ​តាំង​លម្អ​​នៅ​គេហដ្ឋាន ក៏ដូចជា​នៅភោជនីយដ្ឋាន ឬ​សណ្ឋាគារ​របស់​ពួកគេ​ជាដើម។ វិចិត្រសាល​ដ៏​ប្រណីត​នេះ ស្ថិតនៅ​ជាន់​ទី35នៃ​សណ្ឋាគារ Rosewood ភ្នំពេញ ហើយ​ភ្ញៀវ​ជាតិ និង​អន្តរជាតិ​ទាំងអស់​អាច​ចូលមក​ទស្សនា​បាន​ដោយ​សេរី និង​ទទួលបាន​នូវ​ការ​ស្វាគមន៍​យ៉ាង​កក់ក្តៅ​ពី​សំណាក់​បុគ្គលិក​នៃ​សណ្ឋាគារ Rosewood ភ្នំពេញ គ្រប់ពេលវេលា និង​ជា​រៀងរាល់ថ្ងៃ៕

ចែករំលែក

គាំទ្រកាសែតឡារ៉ែនពាណិជ្ជ សូមជូយចុច Like & Share Facebook Page ខាងក្រោម

គាំទ្រទស្សនាវដ្ដីឡារ៉ែន សូមជូយចុច Like & Share Facebook Page ខាងក្រោម