រឿង6យ៉ាង​ដែល​ត្រូវ​យកចិត្តទុកដាក់ ដើម្បី​ភាពរលូន​ក្នុង “បន្ទប់​ចង្ក្រាន​បាយ”

0

បន្ទប់​ចង្ក្រាន​បាយ អាច​រាប់បាន​ថា ជា​បន្ទប់​មួយ​នៅក្នុង​ផ្ទះ​ដែល​អ្នក​គួរតែ​ច្នៃ​ម៉ូដ​ឡើង​ ដើម្បីឱ្យ​អាច​ប្រើការ​បាន​យ៉ាង​គ្រប់គ្រឿង​បំផុត ជាពិសេស​សម្រាប់​ផ្ទះ​ដែលមាន​ទីធ្លា​ក្នុង​បន្ទប់​ចង្ក្រាន​បាយ​មិនសូវ​ជាធំ​ប៉ុន្មាន ដូច្នេះ​បើ​យើង​ចង់​ចេញ​ម៉ូដ​បន្ទប់​ចង្ក្រាន​បាយ អ្នកគួរតែមាន​ការរៀប​ផែនការ និង​នឹក​ដល់​បច្ច័យផ្សេងៗឱ្យបាន​ល្អិតល្អន់​ជាមុនសិន។ តើ​បច្ច័យ​ទាំងអស់នោះ​មាន​អ្វី​ខ្លះទៅ?

1. ម៉ូដ និង​ប្លង់​បន្ទប់​ចង្ក្រាន​បាយ
រឿង​ដែល​គួរ​ធ្វើ​ក៏​គឺ ការត្រួត​ឆែក​មើល​ម៉ូដ និង​ប្លង់​បន្ទប់​ចង្ក្រាន​បាយ​ឱ្យបាន​ល្អិតល្អន់​ថា តើ​មាន​អង្គ​ប្រកប​គ្រប់គ្រឿង និង​អាច​ប្រើការ​បាន​យ៉ាង​ងាយស្រួល​ដែរឬទេ? ដូចជា​ កន្លែង​ទុកដាក់​របស់របរ​ឧបករណ៍ប្រើប្រាស់​ក្នុង​ផ្ទះបាយ ទីតាំង​ដាក់​ទូទឹកកក និងទីកន្លែង​សម្រាប់​ចម្អិន​អាហារជាដើម។ល។ ទាំងអស់នេះ​គួរតែ​ប្រឹក្សា​ជាមួយ​ស្ថាបនិក ឬ​អ្នកចេញ​ម៉ូដ​ខាង​ក្នុងផ្ទះ ដែល​ពួកគេ​នឹង​ផ្ដល់​ការ​ណែនាំ​បាន​យ៉ាង​ល្អ​ដល់​អ្នក។

2. ឧបករណ៍​ក្រាល​ក្នុង​ផ្ទៃ​បន្ទប់​ច​ង្ក្រាន​បាយ
ដើម្បី​ភាពងាយស្រួល និង​ក្ដី​សប្បាយចិត្ត​ក្នុងការ​សម្អាត​ឧបករណ៍​ដែល​ក្រាល​លើ​ផ្ទៃ​បន្ទប់​ផ្ទះបាយ គួ​តែ​ជា​ប្រភេទ​កម្រាល​ដែល​ងាយស្រួល​សម្អាត ដោយ​អ្នកជំនាញ​ណែនាំ​ឱ្យប្រើ​ឥដ្ឋការ៉ូ​ណា​ដែល​ស័ក្តិសម​បំផុត តែ​បើសិនជា​អ្នក​ត្រូវ​ប្រើ​ជើង​ទទេរ​ដើរ​នៅលើ​កម្រាល​ក្នុង​បន្ទប់​ចង្ក្រាន​បាយ​រយៈពេល​យូរ​នោះ អ្នក​អាច​នឹង​ជ្រើសរើស​ប្រើ​ជា​កម្រាល​ឈើ​ធម្មជាតិ​ក៏បាន ​ដើម្បីឱ្យ​អ្នក​បាន​ស្រួល​បាតជើង។

3. ទីកន្លែង​ទុកដាក់​របស់របរ
មិន​ថា​ជា​បន្ទប់​ផ្ទះបាយ​តូច​មួយ ឬ​ធំ​ប៉ុនណា​ក៏ដោយ អ្នក​ត្រូវ​ប្រាកដ​ក្នុង​ចិត្ត​ថា បន្ទប់​ចង្ក្រាន​បាយ​របស់​អ្នកនោះ​មាន​ទីកន្លែង​សម្រាប់​ទុកដាក់​របស់របរ​គ្រប់គ្រាន់ និង​ងាយស្រួល​ដល់​ការចាប់​យកមកប្រើ​ការ ដូចជា អាច​ជ្រើសរើស​ប្រើ​តុ​ខោ​នធើរ​ដែលមាន​ទូ ឬ​ថត ឬ​ធ្នើរថ្នាក់ៗសម្រាប់​ដាក់​របស់រប​រ​ជាប់​នឹង​ជញ្ជាំង​ក៏បាន។

4. កន្លែង​ទទួលទាន​អាហារ
បើ​ផ្ទះ​របស់​អ្នក​ប្រើ​បន្ទប់​ចង្ក្រាន​បាយ​ធ្វើជា​កន្លែង​ទទួលទាន​អាហារ​ផងដែរ​នោះ ការរៀបចំ​បែងចែក​ទីកន្លែង​សម្រាប់​ទទួលទាន​​អាហារ​គឺជា​រឿង​ដែល​មិនអាច​ចៀសវាង​បានឡើយ។ លោកអ្នក​អាច​នឹង​ជ្រើសរើស​ប្រើ​តុ​ទទួលទាន​អាហារ​បែប​ជាប់​នឹង​ជញ្ជាំង ឬ​ជា​តុ​ដែល​តាំងនៅ​កណ្ដាល​បន្ទប់​ដែល​ដាក់​នៅ​បន្ទាប់ពី​តុ​ខោ​ន​ធើរ​ធ្វើ​ម្ហូប​ក៏បាន ដោយ​ទាំងអស់នេះ​អាស្រ័យ​លើ​ការសម្រេចចិត្ត​ដែល​ស័ក្តិសម​នឹង​ទីកន្លែង​នៅក្នុង​បន្ទប់​ផ្ទះបាយ​របស់អ្នក​បំផុត។

5. ពន្លឺ
ក្រៅពី​ពន្លឺ​របស់​អំពូល​ភ្លើង​ដែល​ព្យួរ ឬ​បំពាក់​នៅលើ​ពិតាន​ហើយ គួរតែមាន​ពន្លឺភ្លើង​បំពាក់​នៅលើ​ទីកន្លែង​ធ្វើ​ម្ហូប​ដូចជា តុ​ខោ​ន​ធើរ​ធ្វើ​ម្ហូប​ផង ដើ​ម្ប​ឱ្យ​ងាយស្រួល​ក្នុងការ​មើលឃើញអ្វីផ្សេងៗក្នុងការ​ចម្អិន​ម្ហូបអាហារ ដូចជា​ សៀវភៅ​ប្រាប់​ពី​វិធី​ធ្វើ​ម្ហូប និង​គ្រឿងគ្រៅផ្សេងៗដែល​អុ្នក​ត្រូវ​ប្រើ​ក្នុង​ការធ្វើ​ម្ហូប​ផងដែរ។

6. គ្រឿង​ប្រើប្រាស់​អគ្គិសនីផ្សេងៗ
ក្នុងការ​ជ្រើសរើស​ប្រើ​ឧបករណ៍​អគ្គិសនី​សម្រាប់​បន្ទប់​ចង្ក្រាន​បាយ មិនថាតែ​ទូទឹកកក ចង្ក្រាន​ម៉ៃ​ក្រូ​វេ​ហ្វ ចង្ក្រាន​ចម្អិន និង​ឧបករណ៍​លាងចាន​នោះទេ អ្វីដែល​ត្រូវ​នឹក​ដល់​នោះ​គឺ ការប្រើប្រាស់​ឱ្យ​រួច​តម្លៃ​របស់​វា មិនថាតែ​ឧបករណ៍​អគ្គិសនី​ដែលមាន​គុណភាពកម្រិតស្តង់ដារ ស្អាត​មាន​អនាម័យ និង​មាន​ការធានា​ដែល​អាច​ប្រើការ​បានយូរ​អង្វែង​ជាដើម។

បើ​អ្នក​ត្រូវការ​បន្ថែម​ទីកន្លែង​ប្រើប្រាស់​ក្នុង​បន្ទប់​ចង្ក្រាន​បាយ ចូរ​សាកល្បង​ដាក់​ចង្ក្រាន​ម៉ៃ​ក្រូ​វេ​ហ្វ​នៅក្រោម​តុ​ខោ​ន​ធើរ​ធ្វើ​ម្ហូប​ដើម្បី​ឱ្យមាន​ទីកន្លែង​ត្រៀម​ចម្អិន​អាហារ​ច្រើនឡើង ហើយកុំ​ភ្លេច​ជ្រើសរើស​ប្រើ​ទូទឹកកក​ដែលមាន​ទំហំ​សមល្មម​សម្រាប់តែ​សមាជិក​ក្នុង​គ្រួសារ​បាន​ហើយ។

មុននឹង​ចេញ​ម៉ូដ​បន្ទប់​ចង្ក្រាន​បាយ​សម្រាប់​ផ្ទះ​ថ្មី ចូរ​កុំ​ភ្លេច​នឹក​ដល់​រឿងផ្សេងៗដែល​បាន​រៀបរាប់​មក​ខាងលើ​នោះ​ផង ដើម្បី​កុំឱ្យ​មក​អង្គុយ​នឹក​ស្ដាយ ឬ​កែកុន​ថែមថយ​នាំឱ្យ​រញ៉េរញ៉ៃ និង​មិន​សប្បាយចិត្ត​នៅពេល​ក្រោយ៕

ចែករំលែក