ប្រយ័ត្ន! កូនរៀនច្រើន អាចកើតជំងឺ “គិតដដែលៗ ធ្វើដដែលៗ”

អាការ​នៃជំងឺ “គិតដដែលៗ ធ្វើដដែលៗ” ជា​អាការ​ដែល​អ្នក​មិន​ធ្លាប់​សង្កេត​ខ្លួនឯង​ថា កំពុងតែ​កើត ឬ​មិន​បានកើត រហូតដល់​មនុស្ស​នៅ​ជុំវិញខ្លួន​អ្នកជា​អ្នក​ប្រាប់​នូវ​សញ្ញាប្លែកៗ ដែល​អ្នក​បាន​បញ្ចេញ​មក​ខាងក្រៅ​ឱ្យបាន​ឃើញ។ នាពេលបច្ចុប្បន្ន​នេះ ការប្រកួតប្រជែង​គឺមាន​ច្រើនយ៉ាង ជាពិសេស​នៅក្នុង​វ័យ​សិក្សា កូនៗរបស់​អ្នក​ក៏ត្រូវចូលរួមនៅក្នុង​ការប្រកួតប្រជែង​នានាជាច្រើនផងដែរ ហើយ​រាល់​កិច្ច​ការសាលា​ដែល​គ្រូ​បានដាក់​ឱ្យធ្វើ​ ពួកគេក៏​ព្យាយាម​ចង់ទទួលបាន​ពិន្ទុ​ល្អ​ផងដែរ។ ការប្រើ​កម្លាំង​ខួរក្បាល​ច្រើនទទួលស្គាល់ថា មានគុណ​ប្រយោជន៍​ចំពោះ​ការសិក្សា តែ​មានផលល្អចំពោះកូនៗ​ដែលមាន​សុខភាព​ល្អ​តែ​ប៉ុណ្ណោះ។ ចំពោះក្មេង​ដែលមាន​សុខភាព​ខួរក្បាល​មិនសូវ​ល្អឬ​មានការ​ចង់ចាំ​មិនសូវ​ល្អ អ្នកក៏​មិនអាច​បង្ខំកូនៗ​ឱ្យ​រៀន​ច្រើន​បានដែរ ព្រោះវាអាចផ្តល់នូវផលអវិជ្ជមានត្រឡប់មកវិញ។ តើផលអវិជ្ជមានទាំងនេះមានលក្ខណៈដូចម្តេចខ្លះ? សូមស្វែងយល់ទាំងអស់គ្នា។

កូនៗរបស់​អ្នក​អាច​កើតមាន​អាការ​ជំងឺ “គិតដ​ដែល ធ្វើ​ដ​ដែល” ឬ​ភាសា​អង់គ្លេស​ហៅថា OCD​ (Obsessive Compulsive Disorder) គឺជា​ជំងឺ​ដែល​កើតចេញពី​ការគិត​ខុស តាមរយៈ​ផ្លូវ​គំនិត​នៃ​បុគ្គលភាព ដែល​អាច​កើតឡើង​បាន​គ្រប់​វ័យ គ្រប់​ភេទ ដោយ​ទទួលរង​នូវ​ការប៉ះពាល់ខ្លាំងខាងផ្នែក​ប្រព័ន្ធ​ប្រសាទ ហ្ស៊ែ​ន បរិស្ថាន​ជុំវិញខ្លួន និង​ហេតុការណ៍​រន្ធត់​កើតមាន​ក្នុងការ​ចងចាំនៃ​រឿងរ៉ាវ​ពី​អតីតកាល។

អ្នក​អាចធ្វើ​ការសង្កេត​លក្ខណៈ​ខុសប្លែក​របស់​កូន​ៗរបស់អ្នកថាកំពុងកើត​ជំងឺ​នេះ បាន​តាមរយៈ​លក្ខណៈខាងក្រោម​នេះ៖

1. ការគិត​ដដែលៗ
• ភាគច្រើន​ស្ដែង​ចេញពី​ការគិត​រឿង​តូចតាច រឿង​មិនគួរ​គិតតែ​ភ័យខ្លាច​រហូតដល់​ថ្នាក់រ​វើរ​វាយ​ជាដើម។
• ខ្លាច​វត្ថុ​អ្វីមួយ​ដែលនាំឱ្យ​គិត​ច្រើន រហូតដល់​ខ្លាច​កាន់តែខ្លាំងឡើង។ ខ្លះទៀត​អាច​កើត​អាការ​វិកល​ក៏មាន​ដែរ។
• នៅក្នុង​ខួរក្បាល​អាចគិត​តែ​រឿង​ដែល​មិន​សមរម្យ ដូចជា រឿង​សាសនា សីលធម៌ ផ្លូវភេទ និង​ក្ដីកង្វល់​ជ្រុលជាដើម។
• កើតមាន​អាការ​ហួងហែង​របស់​ផ្ទាល់ខ្លួន​ខ្លាំងហួសហេតុពេក។
• រ​វើ​រ​វាយ​ដល់​តែ​រឿង​ដែល​គួរឱ្យ​ភ័យខ្លាច​ ហើយមានពេលខ្លះ​ស្រែក​ឡើង​ខ្លាំងៗ​នៅពេល​យប់​ជាដើម។
• មានគំនិត​ធ្វើ​អាក្រក់​ចំពោះ​អ្នកដទៃ ឬ​ខ្លួនឯង​នៅពេល​ខ្លះ។

2. ធ្វើ​ទង្វើ​ដដែលៗ
• លាងដៃ ឬ​សម្អាត​ទីកន្លែងដដែលៗច្រើនដង ច្រើនសា។
• ព្យាយាម​និយាយ ឬ​ទៅរក​កន្លែង​ ឬទី-តាំង​ដដែរៗ។
• គិតថា ខ្លួនឯង​ធ្វើ​រឿង​អី​ក៏ខុស ហើយ​ត្រឡប់​ទៅធ្វើ​រឿង​ដដែលៗឡើង​វិញ។
• តែងតែ​ភ្លេច​ភ្លាំច្រើន ឬភ្លេចលឿន និង​កើត​អាការ​សង្ស័យ​ច្រើន​ខុស​ទំនង។
• ចូលចិត្តសួរ​ខ្លួនឯង និង​និយាយ​អ្វី​ផ្ដេសផ្ដាស​តែ​ម្នាក់ឯ​នៅពេលខ្លះ។
• និយាយ​អ្វីដដែលៗច្រើនដង​ច្រើនសា-ល-៕

Advertisement