ក្នុងពេលបច្ចុប្បន្ននេះ ស្ថិតិការលែងលះកើនឡើងយ៉ាងខ្លាំង ព្រោះថាការរស់នៅ និងដំណើរជីវិតរបស់មនុស្សម្នាក់ៗខុសប្លែកពីគ្នា និងមិននឹកគិតក្នុងការសម្របសម្រួលចូលរកគ្នាហ្នឹងឯង ដូច្នេះថ្ងៃនេះយើងសាកល្បងនាំគ្នាមកមើលពីគោលការណ៍សំខាន់ដែលអ្នកគួរតែប្រតិបត្តិជាមួយមនុស្សក្នុងក្រុមគ្រួសារ ដើម្បីក្រុមគ្រួសារមានសេចក្តីសុខសុភមង្គល ស្ថិតស្ថេរ និងរឹងមាំយ៉ាងពិតប្រាកដ។
– មើលថែទាំគ្នាទៅវិញទៅមក : គឺជារឿងដែលយើងហ្នឹងមិនអាចព្រងើយកន្តើយបានឡើយ ព្រោះដោយសារតែការមើលថែ ទាំយកចិត្តទុកដាក់មនុស្សដែលយើងស្រឡាញ់ និងគ្រប់គ្នាក្នុងក្រុមគ្រួសារ ជាកត្តាមូលដ្ឋានដែលធ្វើក្រុមគ្រួសាររបស់អ្នកមានអារម្មណ៍កក់ក្តៅខ្លាំងឡើងហើយលទ្ធផលពីការមើលថែទាំមនុស្សក្នុងក្រុមគ្រួសារយ៉ាងល្អល្អះនេះ នឹងធ្វើឱ្យជីវិតស្នេហារបស់អ្នកល្អ រលូន និងគ្មានបញ្ហាយ៉ាងពិតប្រាកដ។
– ជួយគ្នារកស៊ី : ក្នុងសភាវសេដ្ឋកិច្ចតឹងតែងបែបនេះ រឿងដែលអ្នកគួរធ្វើនោះគឺ ជួយគ្នាសន្សំសំចៃ និងរកប្រាក់ចំណូលបន្ថែម ដើម្បីសាងគ្រោងគ្រឹះខាងផ្នែកឋានៈហិរញ្ញវត្ថុដល់គ្រួសាររបស់អ្នក ព្រោះយ៉ាងណាក៏ប្រាក់គឺជាបច្ច័យសំខាន់ក្នុងការរស់នៅ និងដំណើរការជីវិតរបស់មនុស្សគ្រប់រូបដែរ បើអ្នកនៅតែចាយវាយបែបខ្ជះខ្ជាយនោះ ប្រាកដណាស់ថា វាមិនមានផលល្អចំពោះខ្លួនអ្នកយ៉ាងពិតប្រាកដ។
– យកចិត្តគេមកដាក់ចិត្កយើង : បើកឱកាសឱ្យមនុស្សគ្រប់រូបក្នុងគ្រួសាររបស់អ្នកបានរិះគិត និងបញ្ចេញគំនិតយោបល់ ព្រមទាំងដោះដូរគំនិតគ្នាទៅវិញទៅមកជាប់ជានិច្ច។ អ្នកមិនគួរធ្វើជាអ្នកបញ្ជាការលើគ្រប់ជីវិតរបស់សមាជិកគ្រប់រូបក្នុងក្រុមគ្រួសារនោះទេ តែប្តូរមកបើកឱកាសដល់គ្នាទៅវិញទៅមកវិញ ត្រឹមតែប៉ុណ្ណឹងមនុស្សគ្រប់រូបនៅក្នុងផ្ទះក៏មានសេចក្តីសុខណាស់ទៅហើយ។
– ជនទីបី : បើអ្នកធ្វើបានតាមចំណុចទាំង3ចំណុចខាងលើដូចដែលបានរៀបរាប់មកហើយនោះ បញ្ហារឿងជនទីបីក៏ពិបាកនឹងកើតឡើងណាស់ តែក៏នៅតែមិនអាចជឿទុកចិត្តបានដដែលវិធីដែលល្អអ្នកគួរធ្វើខ្លួនឱ្យគួរឱ្យស្រឡាញ់ជានិច្ចព្យាយាមមើលថែទាំខ្លួនឱ្យមើលមកស្អាតគ្រប់ពេលវេលា ដើម្បីកុំឱ្យស្វាមី ឬភរិយារបស់អ្នកមាននៅសល់បេះដូងទៅសម្លឹងមើលនារី ឬបុរសណាផ្សេង។
ដូច្នេះមិនថា ចង់គិត និងចង់ធ្វើអ្វីមួយក៏ដោយក៏សូមឱ្យនឹកដល់ដួងចិត្តរបស់មនុស្សក្នុងក្រុមគ្រួសាររបស់អ្នកជារឿងសំខាន់ជាប់ជានិច្ច និងនៅចាំមើលថែទាំគ្នា ព្រមទាំងរកកិច្ចការងារពេលទំនេរធ្វើរួមគ្នាឱ្យបានញឹកញាប់ ព្រោះវានឹងធ្វើឱ្យសម្ព័ន្ធភាពក្នុងក្រុមគ្រួសារស្ថិតស្ថេរ រឹងមាំឡើងហ្នឹងឯង៕
