ធ្លាប់​ចាប់អារម្មណ៍​ទេ​! ចូលគេង​យប់​ពេក​ ធ្វើ​ឱ្យ​ទម្ងន់​កាន់តែ​ឡើង​មិនព្រម​ស្រក​សោះ​

ការ​សម្រក​ទម្ងន់​ដោយ​ការ​យកចិត្ត​ទុកដាក់​ចំពោះ​ការ​មិន​ចូលគេង​យប់ជ្រៅ​ពេក​ គឺជា​កត្តា​មួយ​ដែល​អ្នក​មិន​គួរ​មើល​រំលង​។ ការ​មិន​ចូលគេង​យប់ជ្រៅ​ពេក​ នោះ​នឹង​ធ្វើ​ឱ្យ​រាងកាយ​បញ្ចេញ​នូវ​អ័រម៉ូន​លែ​បទី​ន ដែល​ហុច​ផល​ល្អ​ក្នុង​ការ​ដុតរំលាយ​សារធាតុ​ខ្លាញ់​នៅក្នុង​រាងកាយ​ នៅពេល​ដែល​អ្នក​គេងលក់​។ វា​ក៏បាន​ជួយ​គ្រប់គ្រង​ការរំលាយអាហារ​បាន​យ៉ាង​ប្រសើរ​ផង​ដែរ​។ ការ​សម្រក​ទម្ងន់​ មិនមែន​សំដៅលើ​តែ​ការ​តម​អាហារ​នោះ​ទេ​ អ្នក​ត្រូវ​ពិនិត្យមើល​ការសម្រាក​នៃ​ប្រព័ន្ធ​សរសៃប្រសាទ​ផង​ដែរ​ ព្រោះ​ខួរក្បាល​សម្រាក​ទៀងពេល​ នោះ​ការ​បញ្ចេញ​អ័រម៉ូន​ផ្សេង​ៗក៏​ប្រក្រតី​ដូចគ្នា​។

បើ​អ្នកជំនាញ​បាន​ពន្យល់​អះអាង​ថា​ កាលណា​យើង​គេង​មិនបាន​គ្រប់គ្រាន់​ ប្រព័ន្ធ​ប្រសាទ​របស់​យើង​មិន​មានឱកាស​ក្នុង​ការ​ប្តូរ​ផ្លាស់​ប្រតិបត្តិ​ការ​សារ​ជាថ្មី​នោះ​ទេ​ ហើយ​វា​អាច​ធ្វើ​ឱ្យ​ប្រព័ន្ធ​ប្រសាទ​មានដំណើរ​ការ​មិន​ប្រក្រតី​ទៀតផង​។ ជា​មួយ​គ្នា​នេះ​ផង​ដែរ​ វា​បាន​ធ្វើ​ឱ្យ​សរីរាង្គ​មិន​អាច​ប៉ាន់ប្រមាណ​ពី​សេចក្តី​ត្រូវការ​របស់​ខ្លួន​ ដោយ​វា​អាច​ធ្វើ​ឱ្យ​យើង​មាន​អារម្មណ៍​ឃ្លាន​ និង​ញុំា​មិន​ចេះ​ឆ្អែត​។ មូលហេតុ​ទាំងពីរ​នេះ​ ស្ថិតនៅ​លើ​អ័រម៉ូន​អុី​ប៉ូ​ឡា​តា​ម៉ូស​ ដែល​មាន​តួនាទី​ទទួល​ព័ត៌មាន​ពី​សរីរាង្គ​អំពី​ស្ថានភាព​របស់​ការ​បម្រុង​ និង​ការ​ត្រូវ​ការ​នៃ​ថាមពល​សម្រាប់​ការពារ​សរីរាង្គ​។

មួយវិញទៀត​ អុី​ប៉ូ​តា​ឡា​ម៉ុស​ អាច​ធ្វើ​ឱ្យ​ប្រព័ន្ធ​សរសៃប្រសាទ​ខូច​សតិ​ ដូចជា​ ធ្វើ​ឱ្យ​អ្នកមាន​ភាព​តានតឹង​ ធុញថប់​ និង​ហត់នឿយ​។ ដូច្នេះ​ដើម្បី​ជួយ​ឱ្យ​សរសៃប្រសាទ​មាន​ស្ថិរភាព​ឡើងវិញ​ មានតែ​វិធី​គេង​តែ​ម្យ៉ាង​ប៉ុណ្ណោះ​ ដែល​អាច​ជួយ​ឱ្យ​អ្នក​ដែល​មាន​រាង​ធាត់​ល្មម​ ស្រក​ទម្ងន់​បាន​យ៉ាង​ឆាប់រហ័ស​ ក្នុងអំឡុងពេល​ត្រឹមតែ2ទៅ3សប្តាហ៍​។ ចំណែក​ឯអ្នកមាន​រាង​ធាត់​ខ្លាំង​អាច​សម្រក​ទម្ងន់​បាន​ក្នុងរយៈពេល2ទៅ3ខែ​។ អ្នក​ត្រូវ​គេង​តាម​សេចក្តី​ត្រូវការ​របស់​អ្នក​ និង​ឱ្យ​បាន​គ្រប់គ្រង​ដើម្បី​ឱ្យ​ប្រព័ន្ធ​ប្រសាទ​ដំណើរការ​បាន​ល្អ​។ ការ​មិន​គេង​យប់ជ្រៅ​ពេក​ អាច​ជួយ​ឱ្យ​ប្រព័ន្ធ​ប្រាសាទ​របស់​អ្នកមាន​លំនឹង​ឡើងវិញ​។ ដើម្បី​ទទួល​បាន​លទ្ធផល​បែបនេះ​ អ្នក​ត្រូវ​រាប់ម៉ោង​គេង​របស់​អ្នក​ជាមធ្យម​ក្នុង​មួយ​យប់​ សម្រាប់​ថ្ងៃធ្វើការ​ (ដើម​សប្តាហ៍​) សម្រាប់​ថ្ងៃឈប់​សម្រាក​ចុង​សប្តាហ៍​ និង​សម្រាប់​ពេល​វិស្សមកាល​។

បន្ទាប់មក​អ្នក​ត្រូវ​រាប់​ចំនួន​ម៉ោង​ដែល​បាន​គេង​ នៅពេល​ដែល​អ្នក​ភ្ញាក់​ឡើង​ ប៉ុន្តែ​អ្នក​ក៏អាច​គេង​បន្ត​ទៀត​បាន​ដែរ​ ប្រសិនបើ​អ្នកមាន​ពេលទំនេរ​។ អ្នក​ត្រូវ​បូក​លទ្ធផល​ទាំង4បញ្ចូល​គ្នា​ រួច​ចែក​នឹង4​ ហើយ​បន្ទាប់មក​ ត្រូវ​រៀបចំ​កម្មវិធី​ ពេល​គេង​របស់​អ្នកតា​មកា​រប្រែ​ប្រួល​នៃ​ពេល​ភ្ញាក់​ពី​គេង​ និង​ពេល​ងងុយគេង​របស់​អ្នក​។ យ៉ាងហោចណាស់​ អ្នក​ត្រូវ​បរិភោគ​អាហារ​ពេលយប់​ឱ្យ​បាន​2ម៉ោង​ មុន​ពេល​ចូលគេង​ ដើម្បី​ចៀសវាង​ការ​មាន​ទំនាក់ទំនង​គ្នា​ រវាង​ការរំលាយអាហារ​ និង​ការ​ងងុយគេង​៕

Advertisement