វិធី​ការពារ​បញ្ហា​ជ្រុះ​សក់​តាមបែប​ធម្មជាតិ

មនុស្ស​ភាគច្រើន​គិតទៅ​ដល់​ការ​ការពារ​សក់​ជ្រុះ​ នៅពេល​ដែល​ពួកគេ​បាន​ប្រឈម​នឹង​បញ្ហា​ជ្រុះសក់​រួច​ទៅ​ហើយ​ ប៉ុន្តែ​ប្រសិនបើ​អ្នកចាប់​ផ្តើម​ថែរក្សា​ និង​ការពារ​បាន​ឆាប់​ជាង​នេះនោះ​ ធានា​ថា​អ្វី​ៗគ្រប់យ៉ាង​នឹង​កាន់តែ​មាន​ភាព​ងាយស្រួល​ឡើង​។ អនុវត្ត​តាមបែបបទ​នៃ​ជីវិត​ដែល​ពេញដោយ​ផាសុកភាព​ មើលថែ​សក់​ ចៀសវាង​សកម្មភាព​ ឬប្រើ​ផលិតផល​អ្វី​ដែល​ធ្វើ​ឱ្យ​ប៉ះពាល់​ដល់​សក់​ និង​សម្រប​ខ្លួន​ជាមួយនឹង​ការ​ថែរក្សា​សក់​តាម​បែប​ធម្មជាតិ​ គឺជា​អ្វី​ដែល​អ្នក​គួរ​ធ្វើ​ដើម្បី​ឱ្យ​សក់​របស់​អ្នក​ស្គាល់​តែ​ភាពរឹងមាំ​ មិន​ជ្រុះ​ដោយ​ងាយ​ឡើយ​។ សូម​អនុវត្ត​តាមបែបបទ​នៃ​ជីវិត​ដែល​ពេញដោយ​ផាសុកភាព​ នោះ​ធានា​ថា​ សក់​របស់​អ្នក​នឹង​មិន​ជ្រុះ​ឡើយ​។

សក់​ក៏​មិន​ខុស​អី​ពី​ស្បែក​ និង​ក្រចក​ដែរ​ គឺ​វា​ត្រូវការ​ការ​ថែរក្សា​ដែល​ប្រកបដោយ​ផាសុកភាព​។ ប្រសិនបើ​អ្នកជា​មនុស្ស​ដែល​មាន​សុខភាព​ល្អ​បរិបូរ​នោះ​ សក់​របស់​អ្នក​ក៏​មើលទៅ​ស្រស់​ស្អាត​ដែរ​។ បើ​សក់​ជ្រុះ​អាច​ជា​បញ្ហា​ដែល​បណ្តាល​មក​ពី​សុខភាព​របស់​អ្នក​។ ដូច្នេះ​សូម​ចាំ​ថា​ សក់​មាន​សុខភាព​ល្អ​ មិន​ជ្រុះចេញ​ទៅណា​បានទេ​ បើ​សុខភាព​រាងកាយ​ទាំងមូល​របស់​អ្នកដំណើរ​ការ​ទៅ​យ៉ាង​ល្អ​បំផុត​នោះ​។ វីតាមីន​ B ជាតិ​ដែក​ កាល់ស្យូម​ ស័ង្កសី​ ប្រូ​តេ​អីុន​ និង​ទឹក​ គឺជា​ជំនួយការ​ដ៏​សំខាន់​ក្នុង​ការ​ជួយ​ឱ្យ​សក់​មាន​សុខភាព​ល្អ​។

របៀប​មើលថែ​សក់​
សក់ក​ខ្វក់​ គ្មាន​អនាម័យ​ ជាផ្នែក​មួយ​ដែល​នាំ​ឱ្យ​សក់​ជ្រុះ​ ដូច្នេះ​រឿង​មួយទៀត​ដែល​អ្នក​ត្រូវ​ចាំ​នោះ​គឺ​ រក្សា​ភាព​ស្អាត​ឱ្យ​សក់​ជាប់​ជានិច្ច​។ ប្រើ​សាប៊ូកក់​សក់​ និង​ផលិតផល​ថែរក្សា​សក់​ដែល​មានគុណ​ភាពល្អ​។ កាត់តម្រឹម​សក់​ក៏​ជាផ្នែក​ដែល​នាំ​ឱ្យ​សក់​មើលទៅ​មាន​ផាសុកភាព​ និង​កាត់បន្ថយ​សភាព​បែក​ចុង​ដែរ​។

ចៀសវាង​ធ្វើ​ឱ្យ​ប៉ះពាល់​ដល់​សក់​
វា​ជា​រឿង​ដែល​អ្ន​កណាៗ​ក៏​ដឹង​ រហូតដល់​ថ្នាក់​មិន​ចាំបាច់​ត្រូវ​ប្រាប់​ ប៉ុន្តែ​យ៉ាងណា​ក៏​វា​នៅតែ​ជា​ចំណុច​ដែល​អ្នក​ត្រូវតែ​សង្កត់ធ្ងន់​ ព្រោះថា​សម័យ​នេះ​ស្ត្រី​ភាគច្រើន​តែងតែ​ភ្លេចខ្លួន​តាមរយៈ​ការ​អនុវត្ត​វិធី​ខុសឆ្គង​មួយចំនួន​ដូចជា​ ទាញ​ ឬចងសក់​តឹង​ពេក​ អ៊ុត​ត្រង់​ មូរ​រួញ​ និង​ការ​សិតសក់​ទាំង​វា​នៅ​សើម​ជាដើម​។

សម្រប​ខ្លួន​ជាមួយនឹង​ការ​ថែរក្សា​សក់​តាម​បែប​ធម្មជាតិ​
សំដៅ​ដល់​ការ​ថែរក្សា​សក់​តាមវិធី​ធម្មជាតិ​ ដូចជា​ ការ​ជំនួយ​ដោយ​ប្រេង​ពី​ធម្មជាតិ​ និង​ម៉ាស​អប់​សក់​ធម្មជាតិ​ជាដើម​។“ការពារ​ប្រសើរ​ជាង​ព្យាបាល​” សូម​ចាំ​ឱ្យ​ច្បាស់​ប្រយោគ​មួយ​នេះ​ ព្រោះ​វា​ជា​កម្លាំងចិត្ត​ក្នុង​ការ​ជួយ​ឱ្យ​អ្នក​ឆាប់​ចាប់ផ្តើម​យកចិត្ត​ទុកដាក់​ក្នុង​ការ​ការពារ​បញ្ហា​សក់​ជ្រុះ​៕

Advertisement