គុណប្រយោជន៍​ស្ករត្នោត​ចំពោះ​សម្រស់​

ស្ករត្នោត​ដែល​ធ្លាប់តែ​ប្រើប្រាស់​ជា​គ្រឿងផ្សំ​ដាក់​ក្នុង​អាហារ​ ​;និង​បង្អែម​នោះ​ វា​ក៏​ត្រូវ​បាន​គេ​ប្រើប្រាស់​ដើម្បី​ថែរក្សា​សម្រស់​ផ្ទៃមុខ​ផង​ដែរ​។ វិធី​ផ្សំ​ផលិតផល​ថែរក្សា​សម្រស់​បែប​ធម្មជាតិ​នេះ​ អ្នក​គ្រាន់តែ​យក​ស្ករត្នោត​ មួយ​ស្លាបព្រាបាយ​ដាក់​ក្នុង​កូនចាន​តូច​មួយ​ ហើយ​បន្ថែម​ទឹក​បន្តិច​ច្របល់​បញ្ចូល​គ្នា​ឱ្យ​សព្វ​ រួច​យក​មក​លាប​លើ​ផ្ទៃមុខ​ និង​ម៉ាស្សា​ក្នុង​ចលនា​ជា​រង្វង់​ថ្នម​ៗ ហើយ​លាង​ជម្រះ​ចេញ​ជាមួយ​ទឹក​ក្តៅ​ឧណ្ហ​ៗជា​ការ​ស្រេច​។ អ្នកចាំ​បាច់​ត្រូវ​ម៉ាស្សា​ ដើម្បី​ជម្រុះ​កោសិកា​ស្បែក​ដែ​លងាប់ៗ​ចេញ​ ព្រោះ​វា​ជា​មូលហេតុ​ធ្វើ​ឱ្យ​ស្បែក​របស់​អ្នក​ស្រអាប់​។ ហើយ​អ្នក​ក៏អាច​ប្រើប្រាស់​ស្ករត្នោត​ដើម្បី​ធ្វើ​ជាស្ក្រាប់​បាន​ផង​ដែរ​។

1. ស្ក្រាប់​បបូរមាត់​ ដើម្បី​ឱ្យ​បបូរមាត់​ទន់​រលោង​
ស្ក្រាប់​លាប​បបូរមាត់​ ដែល​ផ្សំ​ពី​ស្ករ​ត្នោត​នេះ​ អាច​ជួយ​ឱ្យ​បបូរមាត់​មាន​សំណើម​ រលោង​ និង​មាន​ពណ៌​បែប​ធម្មជាតិ​។
គ្រឿងផ្សំ​
– ស្ករត្នោត​ចំនួន​ 4ស្លាបព្រាបាយ​
– ប្រេងដូង​ ទឹកឃ្មុំ​ និង​ម្សៅ​សម្បកឈើ​អែម​1ស្លាបព្រាបាយ​
វិធី​ធ្វើ​
– ជាមួយនឹង​វិធី​នេះ​ អ្នក​ត្រូវ​យក​ស្ករត្នោត​ចំនួន​ 4ស្លាបព្រាបាយ​ ប្រេងដូង​ ទឹកឃ្មុំ​ និង​ម្សៅ​សម្បកឈើ​អែម​ (រក​ទិញ​នៅ​តាម​ផ្សារ​ទំនើប​) ចំនួន​ 1ស្លាបព្រាបាយ​ស្មើគ្នា​ ដោយ​ចាក់​លាយ​គ្រឿងផ្សំ​ទាំងបួន​មុខ​នេះ​ចូលគ្នា​ឱ្យ​សព្វ​ល្អ​។
– បន្ទាប់មក​យក​វា​មក​ត្រ​ដុស​ថ្នម​ៗនៅ​លើ​បបូរមាត់​របស់​អ្នកមួយ​សន្ទុះ​ រួចហើយ​លាង​សម្អាត​បបូរមាត់​ចេញ​ជា​ធម្មតា​។ ចំណែក​ឯល្បាយ​ដែល​នៅសល់​ អ្នក​អាច​រក្សាទុក​ឱ្យ​បាន​ត្រឹមត្រូវ​ក្នុង​ក្រឡ​បិទ​ជិត​ ហើយ​ទុក​នៅក្នុង​ទូទឹកកក​ ដើម្បី​ទុក​ប្រើប្រាស់​នៅពេល​ក្រោយ​ទៀត​។

2. ស្ក្រាប់​ស្បែក​មុខ​ ជួយ​ឱ្យ​ស្បែក​ទន់​ និង​មាន​សំណើម​

វិធី​នេះ​អាច​ជួយ​ឱ្យ​ស្បែក​មុខ​របស់​អ្នក​មាន​ភាព​ទន់​រលោង​ និង​ផ្តល់​សំណើម​ដល់​ស្បែក​មុខ​បាន​យ៉ាង​ល្អ​ប្រសើរ​។
គ្រឿងផ្សំ​
-ចេកទុំ​ 1ផ្លែ​
-ស្ករត្នោត​ 2ស្លាបព្រាបាយ​
វិធី​ធ្វើ​
– វិធី​នេះ​ ជំហាន​ដំបូង​អ្នក​ត្រូវ​យក​ផ្លែ​ចេក​
– ទុំ​កិន​វា​ឱ្យ​ម៉ដ្ឋ​ល្អ​ (ចេកទុំ​មួយ​ផ្លែ​) រួច​យក​ស្ករ​
– ត្នោត​ចំនួន​ 2ស្លាបព្រាបាយ​ចាក់​លាយ​ចូលគ្នា​រហូតដល់​សព្វ​ល្អ​ ដើម្បី​ចៀសវាង​នៅ​ដុំ​ៗ។
– បន្ទាប់មក​លាប​ល្បាយ​នេះ​នៅ​លើ​ផ្ទៃមុខ​របស់​អ្នក​ រួច​ទុក​ប្រហែល5នាទី​ ទើប​លាង​សម្អាត​ចេញ​ជាមួយនឹង​ទឹក​ធម្មតា​ និង​ជូត​ឱ្យ​ស្ងួត​ជាការស្រេច​។
គួរ​បញ្ជាក់​ផង​ដែរ​ថា​ វិធី​ទី2នេះ​មាន​ប្រសិទ្ធ​ភាព​ជួយ​ឱ្យ​ស្បែក​មុខ​មាន​ភាព​ទន់​រលោង​ និង​ផ្តល់​សំណើម​ដល់​ស្បែក​មុខ​របស់​អ្នក​យ៉ាង​មាន​ប្រសិទ្ធភាព​។

3. ស្ក្រាប់​ដុស​មុខ​ កម្ចាត់​ស្លាកស្នាម​ និង​បន្តឹង​ស្បែក​មុខ​
ចំណែក​វិធី​មួយ​នេះ​វិញ​មិន​ត្រឹមតែ​អាច​កម្ចាត់​ស្នាម​ប្រហោង​នៅ​លើ​ផ្ទៃមុខ​ ដែល​បណ្តាល​មក​ពី​ការ​កើតមុន​ប៉ុណ្ណោះទេ​ វា​ថែមទាំង​អាច​បន្តឹង​ស្បែក​មុខ​ឱ្យ​តឹងណែន​ស្អាត​ទៀតផង​។
គ្រឿងផ្សំ​
– ស្ករត្នោត​ចំនួន​ 2ស្លាបព្រាបាយ​
– យ៉ា​អួ​ 1កំប៉ុង​
វិធី​ធ្វើ​
– ជាដំបូង​អ្នក​ត្រូវ​យក​ស្ករត្នោត​ចំនួន​ 2ស្លាបព្រាបាយ​ លាយ​ជាមួយនឹង​យ៉ា​អួ​ កន្លះ​ពែង​ កូរ​ចូលគ្នា​ឱ្យ​សព្វ​ល្អ​។
– បន្ទាប់មក​យក​វា​មក​លាប​នៅ​លើ​ផ្ទៃមុខ​ ដោយ​ដុស​រាង​ជា​រង្វង់​ថ្នម​ៗប្រហែល​ 5នាទី​ ទើប​លាង​សម្អាត​ចេញ​ជាមួយនឹង​ទឹក​ធម្មតា​ រួច​ជូត​មុខ​ឱ្យ​ស្ងួត​ជាការស្រេច​

4. ស្ក្រាប់​ដុស​ប្រអប់ជើង​ ឬប្រអប់ដៃ​ ឱ្យ​ទន់​រលោង​ បំបាត់​អាការ​រលាក​
ចំពោះ​វិធី​នេះ​ វា​អាច​ជួយ​សម្អាត​ស្បែក​របស់​អ្នក​បាន​ស្អាត​ល្អ​ និង​ជួយ​ព្យាបាល​ស្បែក​ពី​ការ​រលាក​ ឱ្យ​ឆាប់​ជាសះស្បើយ​។
គ្រឿងផ្សំ​
– ស្ករត្នោត​ 1ពែង​
– ប្រេង​អូ​លីវ​ ឬប្រេងដូង​ 1/4ពែង​ – ស្ករស​ 1/4ពែង​
វិធី​ធ្វើ​
– ជាដំបូង​ អ្នក​ត្រូវ​យក​ស្ករត្នោត​ 1ពែង​លាយ​ជាមួយនឹង​ស្ករស​ 1/4ពែង​ និង​ប្រេង​អូ​លីវ​ ឬប្រេងដូង​ 1/4ពែង​ ដោយ​កូរ​វា​ឱ្យ​រលាយ​ចូលគ្នា​បាន​សព្វ​ល្អ​ ទើប​យក​ល្បាយ​នោះ​មក​លាប​នៅ​លើ​ប្រអប់ជើង​ ឬប្រអប់ដៃ​ ហើយ​ធ្វើការ​ម៉ាស្សា​ថ្នម​ៗ ប្រហែល5​ ទៅ10នាទី​ ទើប​លាង​សម្អាត​ចេញ​ជាការស្រេច​។
– ប្រសិនបើ​ល្បាយ​នេះ​នៅសល់​ អ្នក​អាច​រក្សាទុក​នៅក្នុង​ក្រឡ​បិទ​ជិត​ល្អ​ ដោយ​ដាក់​នៅក្នុង​ទូទឹកកក​ ដើម្បី​រក្សា​បាន​យូរ​សម្រាប់​ប្រើប្រាស់​នៅពេល​ក្រោយ​ក៏បាន​៕

Advertisement