ផ្លែឈើសំខាន់ៗ ជំនួយ​ដល់​ស្បែកនៅក្នុង​រដូវក្ដៅ

នៅក្នុង​រដូវក្ដៅ​ អ្នក​ប្រាកដជា​មានការ​លំបាក​ក្នុង​ការថែទាំ​សុខភាព​ស្បែក​ ប៉ុន្ដែ​អ្នក​មិន​ចាំបាច់​បារម្ភ​នោះ​ទេ​ បន្លែ​ផ្លែឈើ​ខាងក្រោម​នឹង​ជួយ​ឱ្យ​ស្បែក​របស់​អ្នក​បាន​ស្រស់ថ្លា​ក្នុង​រដូវក្ដៅ​នេះ​។ រដូវ​ក្ដៅ​ គឺជា​រដូវ​របស់​ផ្លែឈើ​ជាច្រើន​ប្រភេទ​។ ខាង​ក្រោម​នេះ​ គឺជា​ផ្លែឈើ​ទាំង6ប្រភេទ​ ដែល​អាច​ជួយ​ឱ្យ​អ្នក​ពោរពេញ​ដោយ​ថាមពល​ និង​ភាព​ស្រស់​ស្អាត​ដល់​ស្បែក​របស់​អ្នក​នៅក្នុង​រដូវក្ដៅ​នេះ​។

1. ផ្លែ​ប៉េងប៉ោះ​
កម្រិត​អាស៊ីត​នៅក្នុង​ផ្លែ​ប៉េងប៉ោះ​អាច​ជួយ​ធ្វើ​ឱ្យ​កម្រិត​ PH​ របស់​ស្បែក​មាន​តុល្យភាព​។ ប្រសិនបើ​ស្បែក​របស់​អ្នក​ខ្មៅ​ និង​ស្ងួត​ អ្នក​អាច​ប្រើ​ទឹក​ប៉េងប៉ោះ​កៀប​ ដើម្បី​ធ្វើជា​ម៉ាស​បិទមុខ​ ក្នុងរយៈពេល15នាទី​ ក្រោយមក​លាង​ជម្រះ​ឱ្យ​ស្អាត​ជាការស្រេច​។ វិធី​នេះ​អាច​ជួយ​កម្ចាត់​ស្បែ​កងាប់​ៗនៅ​លើ​ផ្ទៃមុខ​បាន​យ៉ាង​ល្អ​។ ផ្លែ​ប៉េងប៉ោះ​ ក៏​ជា​បន្លែ​មួយ​ប្រភេទ​ ដែល​មាន​កម្រិត​វីតាមីន​ C ខ្ពស់​ផង​ដែរ​។ ការ​បិទមុខ​ដោយ​ទឹក​ប៉េងប៉ោះ​កៀប​ លាយ​ជាមួយ​ទឹកឃ្មុំ​ ក្នុងរយៈពេល10នាទី​ជា​រៀងរាល់ថ្ងៃ​ ក្រោយមក​លាង​ជម្រះ​ ដោយ​ទឹក​ធម្មតា​ នឹង​ជួយ​បំបាត់ស្នាម​ជាំ​ខ្មៅ​ និង​ធ្វើ​ឱ្យ​ស្បែក​ស្រស់ថ្លា​ឡើងវិញ​។

2. ផ្លែ​សេរី
​ក្រៅពី​ផ្ទុក​ដោយ​វីតាមីន​ C ផ្លែ​សេរី​ក៏​មាន​ផ្ទុក​នូវ​ជាតិ​ស្ករ​ ប្រូ​តេ​អុីន​ បេតា​កា​រ៉ូ​ទីន​ និង​ជាតិ​ដែក​ផង​ដែរ​។ កម្រិត​ជាតិ​ដែក​ នៅក្នុង​ផ្លែ​សេរី​ គឺ​ច្រើនជាង​ផ្លែ​ព័រ​ (pear​) ដល់​ទៅ20​ ទៅ30ដង​ ហើយ​ជាតិ​ដែក​ គឺជា​សារជាតិ​ដ៏​សំខាន់​សម្រាប់​គ្រាប់​ឈាម​ ដូច្នេះ​វា​នឹង​ជួយ​ឱ្យ​ស្បែក​របស់​អ្ន​កស​-ភ្លឺ​ថ្លា​។ ផ្លែ​សេរី​ ក៏​មាន​សារជាតិ​កា​រ៉ូ​ទីន​ និង​វីតាមីន​ C ដែល​ជួយ​ឱ្យ​ស្បែក​ម៉ដ្ឋ​រលោង​ស្អាត​។ មិន​ត្រឹមតែ​ប៉ុណ្ណោះ​ ផ្លែ​សេរី​ គឺ​ប្រភេទ​ផ្លែឈើ​ ដែល​មានកម្រិត​ជាតិ​ដែក​ និង​បេតា​កា​រ៉ូ​ទី​នខ្ពស់​ នាំមក​នូវ​ប្រសិទ្ធភាព​ក្នុង​ការ​បំប៉ន​ដល់​តម្រងនោម​ និង​បំប៉ន​គ្រាប់​ឈាម​។ មុន​ពេល​ទទួលទាន​អាហារ​ ចូរ​ទទួលទាន​ផ្លែ​សេរី​ឱ្យ​បាន200ទៅ​ 300ក្រាម​ នឹង​ជួយ​ឱ្យ​ក្រពះ​របស់​អ្នកដំណើរ​ការបាន​ល្អ​។

3. ផ្លែក្រូច​ពោធិ៍សាត់
​ផ្លែក្រូច​មាន​ផ្ទុក​វីតាមីន​ C និង​កាល​ស្យូម​ដ៏​សម្បូរ​បែប​។ នេះ​ក៏​ជា​ប្រភព​វត្ថុធាតុ​ ដែល​ត្រូវ​បាន​គេ​យក​ទៅ​ធ្វើជា​គ្រឿងសម្អាង​ជាច្រើន​ប្រភេទ​ ដើម្បី​បំប៉ន​ស្បែក​។ អ្នក​អាចយ​កផ្លែក្រូច​លាប​ស្បែក​ ឬបរិភោគ​ទឹក​វា​ក៏បាន​ ដើម្បី​ធ្វើ​ឱ្យ​ស្បែក​បាន​ស្រស់​ស្អាត​។ ប្រសិទ្ធភាព​របស់​ផ្លែក្រូច​ គឺ​ធ្វើ​ឱ្យ​ស្បែក​កាន់តែ​-ស កម្ចាត់​ស្នាម​ជាំ​ ធ្វើ​ឱ្យ​ស្បែក​ម៉ដ្ឋ​ និង​ទប់ទល់​នឹង​ភាព​ចាស់​។ក្រៅពី​នេះ​ កម្រិត​ BHA​ ដ៏​សម្បូរ​បែប​ ដែល​មាន​នៅក្នុង​ផ្លែក្រូច​អាច​ធ្វើ​ឱ្យ​កោសិកា​ស្បែក​បាន​ស្អាត​ ជួយ​ជម្រុ​ញឱ្យ​ដំណើរ​ផ្លាស់ប្ដូរ​ការលូតលាស់​នៃ​កោសិកា​ស្បែក​បាន​ល្អ​។ អ្នក​អាចយ​កទឹកក្រូច​ 1ស្លាបព្រា​កាហ្វេ​ និង​ទឹកឃ្មុំ​ 1ស្លាបព្រា​កាហ្វេ​ មក​លាយ​បញ្ចូល​គ្នា​ ក្រោយមក​សឹម​យក​មក​លាប​នៅ​លើ​ជង្គង់​ កែងដៃ​ កែងជើង​ និង​ម៉ាស្សា​ក្នុងរយៈពេល10នាទី​ ក្រោយមក​ត្រូវ​លាង​សម្អាត​វិញ​ដោយ​ទឹក​ក្ដៅ​ឧណ្ហ​ៗ។ ធ្វើ​យ៉ាងនេះ​ ក្នុងរយៈពេល​វែង​នឹង​ជួយ​ឱ្យ​ស្បែក​ជង្គង់​ កែងដៃ​ និង​កែងជើង​បាន​ស្រស់ថ្លា​ល្អ​។

4. ក្រូចថ្លុង​
នៅក្នុង​ផ្លែក្រូច​ថ្លុង100ក្រាម​ គឺ​មាន​ផ្ទុក​នូវ​វីតាមីន​ C ចំនួន123មី​លី​ក្រាម​។ ក្រុម​អ្នកជំនាញ​ការ​ផ្នែក​សម្រស់​បានឱ្យ​ដឹង​ថា​ ការ​ប្រើប្រាស់​ផ្លែក្រូច​ថ្លុង​លាយ​ជាមួយនឹង​ទឹកឃ្មុំ​ ក្នុងរយៈពេល3ខែ​ អាច​ជួយ​ឱ្យ​មានការ​ផ្លាស់ប្ដូរ​ទៅ​រក​ភាពល្អ​ប្រសើរ​នៃ​រាងកាយ​ និង​ស្បែក​បាន​។

5. ផ្លែ​ស្ដ្រូ​ប៊ឺ​រី​
ជាតិ​ស្ករ​ដែល​មាននៅ​ក្នុង​ផ្លែ​មួយ​ប្រភេទ​នេះ​គឺ​ ពី6​%ទៅ10​% វា​ក៏​មាន​វីតាមីន​និង​ជាតិរ៉ែ​ដ៏​សម្បូរ​បែប​ ដែល​ជួយ​ធ្វើ​ឱ្យ​ស្បែក​តឹងណែន​ រក្សា​ជាតិ​សំណើម​ និង​បង្កើន​ភាព​ស្រស់ថ្លា​ដល់​ស្បែក​។ នៅក្នុង​ផ្លែ​ស្ដ្រូ​ប៊ឺ​រី​ក៏​មាន​ផ្ទុក​នូវ​វីតាមីន​ A និង​ប៉ូតាស្យូម​ដ៏​សម្បូរ​បែប​ ដូច្នេះ​វា​មានគុណ​ប្រយោជន៍​ច្រើន​ផង​ដែរ​សម្រាប់​សុខភាព​។ ការ​ទទួលទាន​ទឹ​កស្ដ្រូ​ប៊ឺ​រី​មួយ​ពែង​ មុន​ពេល​ចូលគេង​នឹង​ធ្វើ​ឱ្យ​អ្នក​បាន​ធូរស្រាល​ក្នុង​អារម្មណ៍​ កម្ចាត់​ភាព​តប់ប្រមល់​។

6. ផ្លែ​គី​វី
នៅក្នុង​ផ្លែ​គី​វី​ 1គីឡូក្រាម​ គឺ​មាន​វីតាមីន​ C 95.7មី​លី​ក្រាម​ វា​មិន​ត្រឹមតែ​ជួយ​ឱ្យ​ស្បែក​បាន​ស្រស់​ស្អាត​នោះ​ទេ​ តែ​វា​ក៏​មាន​ប្រសិទ្ធភាព​ទប់ទល់​នឹង​អ៊ុ​កស៊ី​តកម្ម​ផង​ដែរ​។ ក្រៅពី​នេះ​ វា​ក៏អាច​ជួយ​កម្ចាត់​ស្នាម​ជាំ​នៅ​លើ​ស្បែក​យ៉ាង​មានប្រសិទ្ធភាព​ផង​ដែរ​៕

Advertisement