ទទួលទាន​ប្រេងដូង​ល្អ​ចំពោះ​សុខភាព​ដែរឬទេ?

June 11, 2019​ ម៉ោង 9:54 am

ប្រិយមិត្ត​អ្នកអាន​ប្រហែលជា​បាន​ជ្រាប​ខ្លះ​ហើយ​ថា​ ការ​ទទួលទាន​ប្រេងដូង​ផ្ដល់​នូវ​សុខភាព​ល្អ​ ប៉ុន្តែ​ប្រេងដូង​ជាទូទៅ​មិន​ត្រូវ​បាន​ណែនាំ​សម្រាប់​អ្នកមាន​បញ្ហា​សុខភាព​បេះដូង​នោះ​ទេ​។ សារធាតុ​ដែល​ធ្វើ​ឱ្យ​ប៉ះពាល់​ដល់​សុខភាព​នោះ​ គឺជា​តិ​ខ្លាញ់​ឆ្អែត​។ ប្រេងដូង​ 82​% គឺ​មាន​ជាតិ​ខ្លាញ់​ឆ្អែត​ 1 ស្លាបព្រា​ មាន​ខ្លាញ់​ឆ្អែត​ 12ក្រាម​ (14​ ក្រាម​ជាតិ​ខ្លាញ់​សរុប​)។ នៅពេល​កូ​ឡេ​ស្តេ​រ៉ូល​ខ្ពស់​ អាច​ធ្វើ​ឱ្យ​អ្នកប្រឈម​នឹង​ជំងឺបេះដូង​។ ដើម្បី​កាត់បន្ថយ​កូ​ឡេ​ស្តេ​រ៉ូល​ដ៏​អាក្រក់​នេះ​ អ្នក​គួរតែ​កំណត់​កម្រិត​នៃ​ការ​ទទួលទាន​ជាតិ​ខ្លាញ់​ឆ្អែត​ក្នុង​ប្រមាណ​តិច​ជាង​ 6% នៃ​កាឡូរី​ ក្នុង​របប​អាហារ​ប្រចាំថ្ងៃ​របស់​អ្នក​ ឬអាច​ប្រមាណ​ជា12ក្រាម​នៃជា​តិ​ខ្លាញ់​ឆ្អែត​ក្នុង​មួយថ្ងៃ​ (របប​អាហារ​ 1800កាឡូរី​)។

ប្រភេទ​ប្រេងសណ្តែកដី
ប្រភេទ​ប្រេងសណ្តែកដី

ប្រេងដូង​តាំងពីដើមមក​ ត្រូវ​បាន​ស្ត្រីជា​ច្រើន​និយម​ចូលចិត្ត​ប្រើ​ ទាំង​ក្នុង​ការថែទាំ​សម្ផស្ស​ និង​ចម្អិនម្ហូប​អាហារ​ ប៉ុន្តែ​ការ​ស្រាវ​ជ្រាវ​ថ្មី​ៗនេះ​ បែរ​ជា​បង្ហាញថា​ ប្រភេទ​ប្រេង​នេះ​មិនល្អ​ចំពោះ​សុខភាព​នោះ​ទេ​។ អ្នកស្រាវជ្រាវ​របស់​អា​មេ​រិក​ថ្មី​ៗនេះ​ បានឱ្យ​ដឹង​អំពី​គ្រោះថ្នាក់​របស់​ប្រេងដូង​ចំពោះ​សុខភាព​ជាច្រើន​។ ជាតិ​ខ្លាញ់​ក្នុង​អាហារ​ និង​ជំងឺ​បេះដូង​បាន​វាស់​អត្រា​ជាតិ​ខ្លាញ់​ឆ្អែត​ក្នុង​ពពួក​ប្រេង​។ តាមរយៈ​ការស្រាវជ្រាវ​បង្ហាញថា​ ប្រេងដូង​ធ្វើ​ឱ្យ​កើន​អត្រា​ កូ​ឡេ​ស្តេ​រ៉ូ​លក្នុង​ឈាម​ ។ ជាក់ស្តែង​ ជាតិ​ខ្លាញ់​ឆ្អែត​មាននៅ​ក្នុង​ប្រេងដូង​ 82​% គឺ​ខ្ពស់​ជាង​ បើ​ប្រៀបធៀប​នឹង​ផ្លែ​ប៊័រ​ ដែល​មាន​ខ្លាញ់​ឆ្អែត​ 63​% សាច់គោ​មាន​ខ្លាញ់​ឆ្អែត​ 50​% និង​ខ្លាញ់ជ្រូក​មាន​ជាតិ​ខ្លាញ់​ឆ្អែត​ 39​%។

ប្រភេទ​ប្រេងអូលីវ
ប្រភេទ​ប្រេងអូលីវ

ប្រេង​ដែល​ល្អ​បំផុត​សម្រាប់​សុខភាព​បេះដូង​របស់​អ្នក​ គឺ​ប្រភេទ​ប្រេង​ Monounsaturated​ និង​ប្រេង​ polyunsaturated​ អ្នក​អាច​ប្រើ​ប្រេង​អូ​លីវ​សុទ្ធ​បន្ថែម​ (EVOO​)ក៏បាន​។ ការសិក្សា​មួយចំនួន​លើ​របប​អាហារ​បាន​បង្ហាញ​ពីអ​ត្ថ​ប្រយោជន៍​របស់​ប្រេង​ទាំងពីរ​នេះ​ចំពោះ​សុខភាព​បេះដូង​។ដើម្បី​បង្កើន​តម្លៃ​អាហារូបត្ថម្ភ​ និង​អត្ថ​ប្រយោជន៍​នៃ​វីតាមីន​ចូរ​ចៀសវាង​ការ​ចម្អិន​ប្រេង​នៅក្នុង​សីតុណ្ហភាព​ខ្ពស់​ លើស​ពី​ 375​ អង្សា​សេ​។ ប្រេង​ចម្រាញ់​មាន​ជាច្រើន​ទៀត​ដូចជា​ ប្រេងសណ្តែក​ដី​ និង​ប្រេង​ផ្កាឈូករ័ត្ន​ ក៏អាច​ប្រើ​បាន​ដែរ​ ប្រសិន​បើ​អ្នក​ត្រូវការ​ចម្អិន​ក្នុង​កម្ដៅ​ខ្ពស់​។ ការអនុវត្ត​តាម​គន្លឹះ​ទាំង​ប៉​ន្មា​នខា​ងលើ​នេះ​នឹង​ជួយ​អ្នក​ឱ្យ​ទទួល​បាន​នូវ​សារៈ​ប្រយោជន៍​ពី​ប្រភេទ​ប្រេង​ ដើម្បី​ផ្ដល់​ឱ្យ​បេះដូង​របស់​អ្នកមាន​សុខភាព​ល្អ​៕

ប្រភេទ​ប្រេង​ផ្កាឈូករ័ត
ប្រភេទ​ប្រេង​ផ្កាឈូករ័ត