គ្រោះថ្នាក់​សាហាវ​នៃ​ជំងឺ​ធាត់​ជ្រុល​ប្រឈម​នឹង​ជំងឺ​កាច​សាហាវ​អ្វីខ្លះ​?

November 22, 2019​ ម៉ោង 4:37 pm

ធាត់​ជ្រុល​ ធាត់​ឡើង​ចុក​ខ្លាញ់​ជា​ជំងឺ​មួយ​ប្រភេទ​ ដែល​ចំនួន​មនុស្ស​កើតជំងឺ​នេះ​ បាន​កើនឡើង​យ៉ាង​ឆាប់រហ័ស​គួរ​ឱ្យ​ព្រួយបារម្ភ​ ជាពិសេស​កុមារ​ នា​សម័យ​ទំនើប​ចុងក្រោយ​នេះ​។ ដូច្នេះ​ការ​ការពារ​ការ​កើតជំងឺ​ធាត់​ជ្រុល​ តាំងពី​នៅ​វ័យ​កុមារភាព​ ជា​កត្តាចាំបាច់​បំផុត​ក្នុង​ការ​បញ្ចៀស​ កុំឱ្យ​មាន​ជំងឺ​ធាត់​ចុក​ខ្លាញ់​ និង​ជំ​ងឺ​ផ្សេង​ៗទៀត​។ ជាទូទៅ​ អ្នកជំងឺ​ធាត់​ជ្រុល​ ច្រើនតែ​ជួបប្រទះ​នូវ​បញ្ហា​មួយចំនួន​ដូចជា​ គេង​ស្រមុក​ បែកញើស​ខ្លាំង​ ពិបាក​ដកដង្ហើម​ រាងកាយ​ពិបាកធ្វើ​ចលនា​ ឆាប់​ឈឺចង្កេះ​ ឈឺខ្នង​ ប្រឈម​នឹង​ជំងឺផ្លូវចិត្ត​ ឆាប់​អស់កម្លាំង​ និង​មាន​អារម្មណ៍​មិនសូវ​ស្រណុក​ក្នុង​ខ្លួន​។ មិន​ត្រឹមតែ​បញ្ហា​ខាងលើ​នោះ​ទេ​ អ្នក​ធាត់​ជ្រុល​ ក៏​ប្រឈម​នឹង​ជំងឺ​កាច​សាហាវ​មួយចំនួន​ថែមទៀត​ផង​។ ថ្ងៃនេះ​ ឡា​រ៉ែ​ន សូមជម្រាប​អំពី​អាការ​ជំងឺ​ធាត់​ជ្រុល​ ប្រឈមមុខនឹង​ជំងឺ​កាច​សាហាវ​អ្វីខ្លះ​?

1. សម្ពាធ​ឈាម​ឡើង​ខ្ពស់​
មនុស្ស​ធាត់​ បើសិនជា​អ្នក​ធាត់​ជ្រុល​ ឬមាន​ទម្ងន់​ លើស​ពី​ធម្មតា​នោះ​ អ្នក​គប្បី​រក​វិធី​បញ្ចុះទម្ងន់​ ពីព្រោះ​ការ​លើស​ទម្ងន់​ ឬធាត់​ជ្រុល​ គឺជា​កត្ដា​ហានិភ័យ​មួយ​ដែល​អ្នក​អាច​នឹង​កើតមាន​ជំងឺលើសឈាម​បាន​យ៉ាង​ងាយ​។ នៅ​ពេល​ដែល​ខ្លួន​ថា​កាន់តែ​ធាត់​ សម្ពាធ​ឈាម​នឹង​កើនឡើង​ដូចគ្នា​ដែរ​។ ជាទូទៅ​ការ​ធាត់​ជ្រុល​ គឺ​គេ​វាស់​ដឹង​នៅពេល​ដែល​សន្ទស្សន៍​ម៉ាស​ខ្លួនមនុស្ស​ (BMI​) ធំជាង30​។ ចំណែក​សន្ទស្សន៍​ម៉ាស​ខ្លួន​ចន្លោះ​ពី25ទៅ30​ គឺ​ចាត់ទុកថា​លើស​ទម្ងន់​ហើយ​។

2. ជំងឺលើសឈាម​
មនុស្ស​ធាត់​ជ្រុល​ងាយ​ប្រឈម​នឹង​ជំងឺលើសឈាម​ ដែល​ខណៈ​សម្ពាធ​ឈាម​មាន​សកម្មភាព​ប្រឆាំង​នឹង​សរសៃឈាម​នៅពេល​ដែល​បេះដូង​ច្របាច់​។ សម្ពាធ​ឈាម​នេះ​កើនឡើង​នៅពេល​ដែល​បេះដូង​កន្ត្រាក់​ និង​រុញ​ឈាម​ទៅកាន់​សរសៃឈាម​ និង​បន្ថយ​នៅពេល​ដែល​បេះដូង​រលាម​កវិញ​ ប៉ុន្តែ​វា​តែងតែមាន​បរិមាណ​មួយចំនួន​នៃ​សម្ពាធ​ឈាម​កើតមាន​លំ​ហូវិ​លមិ​នប្រ​ក្រ​តី​នៅក្នុង​សរសៃឈាម​។ ជំងឺលើសឈាម​ត្រូវ​បាន​បង្ក​ពី​បេះដូង​នៅពេល​ដែល​វា​ច្របាច់​ឈាម​ទៅ​ក្នុង​សរសៃឈាម​ និង​ចូល​ទៅ​ក្នុង​ចរន្តឈាម​ទាំងមូល​ និង​មួយផ្សេងទៀត​បាន​ពី​សរសៃឈាម​អារ​ទែ​ នៅពេល​ដែល​វា​ត្បៀត​លំហូរ​ឈាម​។ សម្ពាធ​ឈាម​ប្រែប្រួល​ពី​មួយ​នាទី​ទៅ​មួយ​នាទី​ ដោយ​រង​ឥទ្ធិពល​ពី​សកម្មភាព​, ការសម្រាក​, សីតុណ្ហភាព​រាងកាយ​, ចំណីអាហារ​, អារម្មណ៍​, ទីតាំង​ និង​ថ្នាំ​ដែល​អ្នកប្រើ​ជាដើម​។

3. ជំងឺហឺត​
អ្នកស្រាវជ្រាវ​បាន​ពិនិត្យមើល​កត្តា​វិវត្ត​ប្រែប្រួល​ធ្ងន់ធ្ងរ​របស់​ជំងឺ​ផ្តាសាយ​ដូចជា​ រលាក​សួត​ និង​រក​ឃើញថា​ អាការ​ធាត់​ជា​កត្តា​ហានិភ័យ​សំខាន់​មួយ​ចំពោះ​លទ្ធភាព​បាត់បង់ជីវិត​ ដោយសារ​មហន្តរាយ​នៃ​ជំងឺ​ផ្តាសាយ​ ឬផ្តាសាយ​តាម​រដូវ​។ ក្រៅពី​ នេះ​អ្នក​កើតជំងឺ​សរសៃឈាម​បេះដូង​ ឬសាច់ដុំ​សរសៃប្រសាទ​ក៏​មានការ​ប្រឈម​នៃ​វិវត្ត​ប្រែប្រួល​ពី​ជំងឺ​ផ្តាសាយ​ខ្ពស់​ជាង​ផង​ដែរ​ ដែល​បណ្តាល​ឱ្យ​ពួកគេ​ត្រូវ​ស្ថិត​ក្នុងចំណោម​ក្រុម​អាទិភាព​ដែល​ត្រូវការ​ចាក់​វ៉ាក់សាំង​ និង​ព្យាបាល​ប្រឆាំង​វីរុស​ផ្តាសាយ​នេះ​ជាចាំបាច់​។ ធាត់​លើស​ទម្ងន់​នឹង​មាន​ឥទ្ធិពល​ដល់​សួត​ និង​ធ្វើ​ឱ្យ​អ្នក​ជំងឺ​ងាយ​ឆ្លង​ជំ​ងឺ​ផ្សេង​ៗ វីរុស​ឆ្លងតាម​ផ្លូវដង្ហើម​ ក្នុង​នោះ​ក៏​មាន​វីរុស​ផ្តាសាយ​ផង​ដែរ​។ ជាង​នេះ​ទៀត​សម្ពាធ​កើនឡើង​របស់​ប្រអប់ទ្រូង​ និង​ពោះ​ផ្នែក​ខាងក្នុង​ ប្រសិនបើ​អ្នក​ធាត់​ខ្លាំង​ អាច​រារាំង​សកម្មភាព​ដំណក​ដង្ហើម​ និង​បំប្លែង​ខ្យល់​របស់​សួត​មិនបាន​ល្អ​ថែមទៀត​ផង​។4. ជំងឺ​ទឹកនោមផ្អែម​
អ្នក​ដែល​មាន​ជំងឺ​ធាត់​ជ្រុល​ ទំហំ​ចង្កេះ​របស់​ពួកគេ​ចាប់ពី90សង់ទីម៉ែត្រ​ចំពោះ​បុរស​ ហើយ​ចំពោះ​ស្ត្រី​ គឺ80សង់ទីម៉ែត្រ​ឡើង​ទៅ​ ហាក់ដូចជា​វិវត្ត​ទៅ​រក​ជំងឺ​ទឹកនោមផ្អែម​ប្រភេទ​ទី2​។ នៅ​ពេល​ដែល​រាងកាយ​របស់​មនុស្សយើង​ត្រូវការ​ជាតិ​ខ្លាញ់​ច្រើន​ កម្រិត​អាំង​ស៊ុយ​លី​ននៅ​ក្នុង​ខ្លួន​ និង​ប្រព័ន្ធ​អង់​ដូ​គ្រី​ម ត្រូវ​បាន​បំផ្លាញ​ គឺ​ងាយ​កើតជំងឺ​ទឹកនោមផ្អែម​បំផុត​។

5. ជំងឺ​ក្រពះ​ពោះវៀន​
អ្នក​វិទ្យាសាស្ត្រ​បាន​អះអាង​ថា​ ក្រុម​មនុស្ស​ដែល​មាន​ជំងឺ​ធាត់​ជ្រុល​ងាយ​ជួបប្រទះ​បញ្ហា​សុខភាព​ក្រពះ​ពោះវៀន​ខ្លាំង​ណាស់​។ ហេតុនេះ​ហើយ​ បញ្ហា​ស្ត្រេស​ ការ​គិត​ច្រើនពេក​ និង​ធុញថប់​ក្នុង​អារម្មណ៍​ ក៏អាច​ធ្វើ​ឱ្យ​មនុស្ស​ធាត់​ដុះ​ក្បាលពោះ​ជួបប្រទះ​នឹង​បញ្ហា​រលាក​ក្រពះ​ពោះវៀន​ខ្លាំង​ណាស់​ដែរ​ ដូចជា​ ជំងឺ​ដំបៅ​ក្រពះ​ ឈឺក្រពះ​ និង​រោគសញ្ញា​ទាក់ទង​នឹង​ផ្លូវ​ពោះវៀន​មួយចំនួន​ទៀត​។ នេះ​ហើយដែល​ជា​មូលហេតុ​ធ្វើ​ឱ្យ​មនុស្ស​ធាត់​ជ្រុល​មាន​អាការ​ឈឺចុក​ចាប់​ក្នុង​ពោះ​ ហើយ​ពេលខ្លះ​អាច​មាន​បញ្ហា​ក្អួតចង្អោរ​ក៏មានដែរ​។

6. ប្រឈម​នឹង​ការ​មិន​មានកូន​
ការស្រាវជ្រាវ​របស់​គ្រូពេទ្យ​កន្លងមក​បាន​បញ្ជាក់​ថា​ ធ្លាប់​មានការ​ព្យាបាល​ជាច្រើន​ករណី​ចំពោះ​ស្ត្រី​ដែល​មាន​ទម្ងន់​ខ្លួន​លើស​គឺ​ប្រឈម​នឹង​បញ្ហា​មិន​មានកូន​ច្រើនជាង​ស្ត្រី​ទូទៅ​ ក៏ប៉ុន្តែ​ក៏​មាន​ភាព​ងាយស្រួល​ក្នុង​ការ​ព្យាបាល​ជាង​បុ​រសៗ​ផង​ដែរ​។ ដើម្បី​បង្ការ​ចំពោះ​បញ្ហា​នេះ​ គ្រូពេទ្យ​បាន​ណែនាំ​ថា​ គូ​ស្វាមីភរិយា​ដែល​លំបាក​ក្នុង​ការ​មានកូន​ ត្រូវ​បញ្ឈប់​ការ​ជក់បារី​ និង​កុំ​ទទួល​ទាន​ស្រា​ច្រើនពេក​ ត្រូវ​បញ្ចុះទម្ងន់​ខ្លួន​កុំឱ្យ​ធាត់​ពេក​ ពីព្រោះ​វា​អាច​ប៉ះពាល់​ដល់​ការផលិត​មេ​ជីវិត​របស់​ស្ត្រី​។

7. ជំងឺ​រលាក​សន្លាក់ឆ្អឹង​
ភាពធាត់​ជ្រុល​លើស​ទម្ងន់​ (Obesity​) បាន​ដាក់​សម្ពាធ​ និង​សង្កត់​យ៉ាង​ធ្ងន់ទៅលើ​សន្លាក់​ដែល​បង្កើន​ការ​ដាច់​រហែក​ និង​ប្រឈមមុខ​ទៅ​នឹង​ជំងឺ​រលាក​សន្លាក់​។

8. ជំងឺថ្លើម​
តាមលំដាប់​កត្តា​ហានិភ័យ​នៃ​ការ​កើតជំងឺ​រលាក​ថ្លើម​គ្រប់​ប្រភេទ​ចំពោះ​ប្រទេស​នៅ​អាស៊ី​ ករណី​ដែល​ជួប​ច្រើន​គឺ​បណ្តាល​មក​ពី​ការ​ឆ្លង​មេរោគ​រលាក​ថ្លើម​ប្រភេទ​ B និង​ C ការ​ទទួលទាន​គ្រឿងស្រវឹង​ មាន​ខ្លាញ់កក​ក្នុង​ថ្លើម​ រួម​ទាំង​ការ​រលាក​ថ្លើម​ជាដើម​។ ជំងឺ​ទាំងនេះ​មិនបាន​បង្ហាញ​រោគសញ្ញា​ឱ្យ​អ្នកជំងឺ​ដឹងខ្លួន​ជាមុន​ទេ​ថា​ ពួកគេ​កំពុង​ប្រឈមមុខនឹង​ការ​កើតជំងឺ​មហារីក​ថ្លើម​ បើសិនជា​គេ​មិនបាន​ទៅ​ពិភាក្សា​ជាមួយ​គ្រូពេទ្យ​យ៉ាង​ទៀងទាត់​។ តែ​ការដែល​សំខាន់​ អ្នកជំងឺ​ធាត់​ គឺ​មិន​មាន​រោគសញ្ញា​ច្បាស់លាស់​នោះ​ទេ​ ដែល​ធ្វើ​ឱ្យ​ពិបាក​ក្នុង​ការ​ធ្វើ​ការវិនិច្ឆ័យ​ជា​ខ្លាំង​។ អាការ​មនុស្ស​ធាត់​ គឺ​ឈឺពោះ​ត្រង់​ចុង​ដង្ហើម​បែប​ឈឺ​បា​ត់ៗ​ ហើយ​នៅពេល​ជំងឺ​កាន់តែ​ធ្ងន់ធ្ងរ​អាច​មាន​អាការ​ខ្លួន​លឿង​ ភ្នែក​លឿង​ និង​ឈឺពោះ​ខ្លាំង​។ ចំពោះ​មនុស្ស​ធាត់​ដែល​អាច​ប្រឈមមុខនឹង​ការ​កើតជំងឺ​មហារីក​ថ្លើម​ត្រូវ​ប្រញាប់​មក​ពិភាក្សា​ជាមួយ​គ្រូពេទ្យ​ជំនាញ​ជាបន្ទាន់​។ តែ​ក្នុង​ដំណាក់កាល​នេះ​ការ​ព្យាបាល​ឱ្យ​ជា​ដាច់​ក៏​លំបាក​ដូចគ្នា​ដែរ​។

9. ជំងឺ​តម្រងនោម​
មនុស្ស​ធាត់​ជ្រុល​ភាគច្រើន​តែង​មាន​ជំងឺ​ខ្សោយ​តម្រងនោម ដែល​ជំងឺ​នេះ​កំពុងតែ​កើនឡើង​គួរ​ឱ្យ​កត់សម្គាល់​ពី​មួយថ្ងៃ​ទៅ​មួយថ្ងៃ​ ដោយសារតែ​ជំងឺ​នេះ​មិន​មាន​រោគសញ្ញា​ណាមួយ​ស្ដែង​ចេញ​ឡើង​ជាក់ច្បាស់​នោះ​ទេ​ ហើយ​នៅពេល​ដែល​មាន​រោគ​សញ្ញា​លេចចេញ​ឡើង​មក​គឺ​ វា​អាច​ស្ថិតនៅ​ដំណាក់កាល​ធ្ងន់​ធ្ងរ​ ឬដំណាក់កាល​ចុងក្រោយ​បាត់​ទៅ​ហើយ​។ ដំណាក់កាល​នេះ​គឺជា​ដំណាក់កាល​ដ៏​គ្រោះថ្នាក់​ អាច​ប៉ះពាល់​ដល់អាយុ​ជីវិត​ ដែល​លោកអ្នក​ត្រូវ​ចាំបាច់​ធ្វើការ​លាង​ឈាម​ ដើម្បី​ជួយសង្គ្រោះ​អ្នកជំងឺ​ និង​ជំ​ហ៊ាន​បន្ទាប់​គឺ​ឈាន​ដល់​ការ​ត្រៀម​ប្តូរ​តំ​រង​នោម​ដើម្បី​បន្ត​នូវ​គុណភាព​ជីវិត​មួយ​ដ៏​ប្រសើរ​។ ដើម្បី​ដឹង​នៅមុខ​ងារ​តម្រងនោម​ គឺ​យើង​ត្រូវ​មើល​ឈាម​ពី​ Créatinine​។ Créa​tinine​ គឺជា​ការផលិត​ចុងក្រោយ​នៃ​កាតាបូលីស​របស់​សាច់ដុំ​ វា​បញ្ចេញចោល​តាម​តម្រងនោម​ ប្រសិនបើ​តម្រងនោម​ខ្សោយ​ វា​នឹង​កើនឡើង​។ ដូច្នេះ​អ្នក​មិន​គួរ​បណ្ដោយ​ខ្លួន​ឱ្យ​ធាត់​ជ្រុល​នោះ​ទេ​ ហើយ​គួរតែ​រក​វិធី​សាស្រ្ត​ទប់ស្កាត់​កុំឱ្យ​ឡើង​ទម្ងន់​ខ្លាំង​ និង​ស្រក​ទម្ងន់​ខ្លាំង​។ បើ​អ្នក​ឡើង​ទម្ងន់​ខុសពី​ធម្មតា​ គួរ​ប្រញាប់​ទៅ​ជួប​ជាមួយ​គ្រូពេទ្យ​ ដើម្បី​ធ្វើការ​ប្រឹក្សា​យោបល់​ឱ្យ​បាន​ទាន់ពេល​វេលា​ ព្រោះថា​ការ​ឡើង​ទម្ងន់​ខ្លាំង​ខុសពី​ធម្មតា​ ច្រើនតែ​ទាក់ទង​នឹង​ការ​កើតជំងឺ​ទឹកនោមផ្អែម​៕