រូបមន្ត​ម៉ាស​មុខ​កម្ចាត់​មុន​ ដោយ​បន្លែ​ផ្លែឈើ​ពណ៌ក្រហម​

November 23, 2019​ ម៉ោង 11:00 am

រូបមន្ត​ធ្វើ​ម៉ាស​មុខ​ដែល​បាន​ពី​ធម្មជាតិ​កំពុងតែ​ក្លាយជា​ទី​ពេញនិយម​របស់​កំលោះក្រមុំ​យ៉ាង​ខ្លាំង​ ព្រោះ​ក្រៅពី​មិន​មាន​អា​កា​រប្រ​ត្តិ​កម្ម​ចាញ់​លើ​ផ្ទៃមុខ​ហើយ​នោះ​ រូបមន្ត​បំពោក​ផ្ទៃមុខ​ដោយ​ធម្មជាតិ​នេះ​នៅ​ជួយ​សន្សំប្រាក់​របស់​លោកអ្នក​បាន​ទៀតផង​។ រូបមន្ត​ធ្វើ​ម៉ាស​មុខ​ដោយ​ផលិតផល​ធម្មជាតិ​នេះ​ ភាគច្រើន​នឹង​ជួយ​ឱ្យ​អ្នកមាន​ផ្ទៃមុខ​ស្អាត​ស្រស់ថ្លា​ និង​គ្មាន​ស្លាកស្នាម​ ហើយ​ថ្ងៃនេះ​ ឡា​រ៉ែ​ន មាន​រូបមន្ត​ធ្វើ​ម៉ាស​មុខ​ពី​ធម្មជាតិ​មួយទៀត​ ដែល​ជួយ​ប្រឆាំង​នឹង​ការ​កើតមុន​នៅ​លើ​ផ្ទៃមុខ​មក​ជម្រាប​ជូន​ នោះ​គឺ​រូបមន្ត​ធ្វើ​ម៉ាស​មុខ​ដោយ​បន្លែ​ផ្លែឈើ​ពណ៌ក្រហម​ ព្រោះ​បន្លែ​ និង​ផ្លែឈើ​ពណ៌ក្រហម​មានគុណ​សម្បត្តិ​ជួយ​កាត់បន្ថយ​ភាព​ឡើង​ខ្លាញ់​ កម្ចាត់​កោសិកា​ស្បែក​ដែល​ងាប់​ចេញ​មិន​ឱ្យ​នៅ​ញ៉ុក​ណែន​បង្ក​ជាមុន​ កាត់បន្ថយ​ស្លាកស្នាម​ឱ្យ​រលុប​បាត់​អស់​ដូច​ធម្មជាតិ​ ព្រមទាំង​ថែបំប៉ន​ស្បែក​មុខ​ឱ្យ​មាន​សំណើម​ស្រស់បស់​ទៀតផង​។

– រូបមន្ត​ផ្លែ​ប៉ោម​ទឹកឃ្មុំ​ ការពារ​មុន​ លុប​ស្នាម​អុច​ខ្មៅ​
វិធី​ធ្វើ​ : កិន​ផ្លែ​ប៉ោម​ 1 ផ្លែ​ឱ្យ​ម៉​ដ្ឌ​លាយ​ជាមួយ​ទឹកឃ្មុំ​ 2 ស្លាបព្រា​កាហ្វេ​ រួចហើយ​យក​មក​លាប​បំពោក​នៅ​លើ​កន្លែង​ដែល​កើតមុន​ ទុកចោល​ប្រមាណ​ជា​ 15នាទី​ រួច​សឹម​លាង​ចេញ​ដោយ​ទឹក​ក្តៅ​ឧណ្ហ​ៗ ហើយ​លាង​សម្អាត​ម្ដងទៀត​ដោយ​ទឹក​ធម្មតា​ និង​ជូត​មុខ​ឱ្យ​ស្ងួត​។
– រូបមន្ត​ផ្លែ​ប៉េងប៉ោះ​ កាត់បន្ថយ​ខ្លាញ់​ កម្ចាត់​កោ​សិកា​ខូច​ៗចេញ​

វិធី​ធ្វើ​ : ចិញ្ច្រាំ​ប៉េងប៉ោះ​ 1 ផ្លែ​ឱ្យ​ល្អិត​ យក​មក​លាប​បំពោក​ឱ្យ​សព្វ​ពេញ​ផ្ទៃមុខ​ យក​ម្រាមដៃ​លុញ​ម៉ាស្សា​ជា​រាង​រង្វង់​ថ្នម​ៗ រួច​ទុកចោល​ឱ្យ​រាង​ស្ងួត​បន្តិច​ ឬមាន​អារម្មណ៍​ថា​ស្បែក​មុខ​រាង​តឹង​ សឹម​លាង​ចេញ​ដោយ​ទឹក​ស្អាត​ រួច​ជូត​មុខ​ឱ្យ​ស្ងួត​ជាការស្រេច​។
– រូបមន្ត​ផ្លែ​ឪឡឹក​ បង្កើន​សំណើម​ និង​ភាព​ស្រស់បស់​ដល់​ស្បែក​មុខ​

វិធី​ធ្វើ​ : កិន​សាច់​ឪឡឹក​ 2ដុំ​ធំៗ​ល្មម​ឱ្យ​ល្អិត​រួច​យក​មក​លាប​បំពោក​ឱ្យ​សព្វ​លើ​ផ្ទៃមុខ​ ទុក​ចោល​ប្រមាណ​ 10នាទី​ ឬរហូត​មាន​អារម្មណ៍​ថា​ តឹង​ស្បែក​ សឹម​លាង​ចេញ​ដោយ​ទឹក​ក្តៅ​ឧណ្ហ​ៗ រួច​តាមដោយ​ទឹក​ធម្មតា​ និង​បញ្ចប់​ដោយ​ការ​ជូត​មុខ​ឱ្យ​ស្អាត​។លាប​បំពោក​ថែទាំ​ស្បែក​មុខ​ឆ្លាស់គ្នា​ដោយ​រូបមន្ត​ផ្លែឈើ​ដែល​បាន​ណែនាំ​នេះ​ក្នុង​មួយ​សប្តាហ៍​ 1ដង​ ស្បែក​មុខនឹង​ស្អាត​ភ្លឺ​ថ្លា​ជាក់ជា​មិនខាន​៕