រលាក​កូនកណ្ដុរ​ជំងឺ​ដែល​កើត​បាន​គ្រប់​វ័យ​ គ្រប់​ភេទ​

November 26, 2019​ ម៉ោង 4:51 pm

គ្រូពេទ្យ​ជំនាញ​បាន​អះអាង​ថា​ អាការ​ហើម​កូនកណ្តុរ​កើតមានឡើង​ដោយសារ​មានការ​ឆ្លង​មេរោគ​ប្រភេទ​បាក់តេរី​ ឬវីរុស​។ ជាទូទៅ​ កូនកណ្តុរ​នៅក្នុង​ខ្លួន​របស់​អ្នក​ មានមុខ​ងារ​របស់​វា​ ដែល​វា​មាន​សមត្ថភាព​វាយប្រហារ​វីរុស​ បាក់តេរី​ និង​មូលហេតុ​ដទៃទៀត​នៃ​ជំងឺ​។

កូនកណ្តុរ​គឺ​មាន​ទំហំ​តូច​ រាង​មូល​ និង​រាង​ដូច​គ្រាប់​សណ្តែក​នៃ​កោសិកា​ ត្រូវ​បាន​គ្រប​ដោយ​ស្រោម​នៃជា​លិកា​តភ្ជាប់​គ្នា​។ កោសិកា​នេះ​ គឺជា​ការ​បូក​បញ្ចូល​គ្នា​នៃ​ឡាំផូស៊ីត​ដែល​ផលិត​ជា​គ្រាប់​ប្រូ​តេ​អុីន​ ដែល​ចាប់​អ្នក​ដែល​ឈ្លានពាន​ដូចជា​ វីរុស​ និង​ម៉ា​ក្រូ​ហ្វា​ស ហើយ​កម្ទេច​សារធាតុ​ដែល​ចាប់បាន​នោះ​ចោល​។ ឡាំផូស៊ីត​ និង​ម៉ាក្រូ​ហ្វា​សត្រូវ​បាន​ច្រោះ​ជា​ទឹ​ករ​ង៉ៃ​របស់​អ្នក​នៅពេល​ដែល​វា​ធ្វើដំណើរ​នៅក្នុង​ខ្លួន​របស់​អ្នក​ និង​ការពារ​អ្នក​ដោយ​ការបំផ្លាញ​ពី​ពពួក​វីរុស​។

កូនកណ្តុរ​ស្ថិតនៅ​ម្តុំ​ និង​ក្រុម​នី​មួយ​ៗចាត់​ទៅតាម​ទីតាំង​ជាក់លាក់​នៅក្នុង​ខ្លួន​របស់​អ្នក​។ អ្នក​អាច​មាន​អារម្មណ៍​ថា​ ហើម​នៅក្នុង​តំបន់​មួយចំនួន​ដូចជា​ កូនកណ្តុរ​នៅនឹង​ក ក្រោម​ចង្ការ​ ក្លៀក​ និង​ក្រ​លាន​ជាដើម​។ ទីតាំង​នៃ​ការ​ហើម​អាច​ជួយ​កំនត់​ពី​មូលហេតុ​បាន​។

អាការ​ហើម​កូនកណ្តុរ​អាច​ក្លាយទៅជា​រលាក​បើ​រលាក​ខ្លាំង​អាច​ឈាន​ដល់​ការ​ប្រឈម​នឹង​ជំងឺមហារីក​។ ការ​ព្យាបាល​ចំពោះ​ការ​រលាក​កូន​កណ្តុរ​នេះ​វា​អាស្រ័យ​ទៅលើ​មូលហេតុ​របស់​វា​។ ក្នុងករណី​ខ្លះ​ ការ​ចំណាយពេល​ និង​ថ្នាំ​បំបាត់​ការឈឺចាប់​ និង​ការ​ស្អំ​ក្រណាត់​ក្តៅ​ឧណ្ហ​ៗអាច​ជា​តម្រូវការ​ក្នុង​ការ​ព្យាបាល​ការ​ហើម​កូនកណ្តុរ​នេះ​។ ចំពោះ​ករណី​ធ្ងន់ធ្ងរ​វិញ​ ការ​ព្យាបាល​នៃ​ការ​ហើម​កូនកណ្តុរ​ទាក់ទង​ទៅ​នឹង​ការ​ព្យាបាល​ទៅលើ​មូលហេតុ​ផ្ទាល់​របស់​វា​។

មូលហេតុ​ទូទៅ​បំផុត​នៃ​ការ​ហើម​រលាក​កូន​កណ្តុរ​ គឺ​ការ​ឆ្លង​មេរោគ​ ជាពិសេស​ការ​ឆ្លង​មេរោគ​ពី​ពពួក​វីរុស​ ដូចជា​ការ​ផ្តាសាយ​ជាដើម​។ ទោះជា​យ៉ាងណាក៏ដោយ​ មាន​ប្រភេទ​ផ្សេងទៀត​នៃ​ការ​ឆ្លង​មេរោគ​នេះ​រួមមាន​ ពពួក​ផ្សិត​ និង​បាក់តេរី​ និង​មូលហេតុ​ផ្សេងទៀត​ ដែល​អាច​កើតមាន​ការ​ហើម​កូនកណ្តុរ​នេះ​ឡើង​។

មូលហេតុ​នៃ​ការ​ឆ្លង​មេរោគ​ទូទៅ
​- ឈឺក​ ដោយសារ​មេ​រោ​គស្ត្រិប​តូ​កុក​
– មេ​រោ​គកញ្ច្រឹល​
– ឆ្លង​មេរោគ​តាម​ត្រចៀក​
– ខ្ទុះ​នៅនឹង​អញ្ចាញធ្មេញ​
– ឆ្លង​មេរោគ​នៅនឹង​ស្បែក​
– មេរោគ​អេដស៍​ជាដើម​។

ការ​ឆ្លង​មេរោគ​ដែល​កម្រ​
– ជំងឺរបេង​
– ជំងឺឆ្លង​តាម​ការ​រួមភេទ​ ដូចជា​ ជំងឺស្វាយ​
– ជំងឺ​សត្វល្អិត​ ជា​ការ​ឆ្លង​មេរោគ​ ដែល​ជា​លទ្ធផល​ពី​ការ​ប៉ះពាល់​នឹង​លាមក​របស់​សត្វ​ឆ្មា​ ដែល​មាន​មេរោគ​ ឬទទួលទាន​សាច់​ដែល​មិន​ឆ្អិន​ល្អ​
– គ្រុនក្តៅ​ ដោយសារ​ឆ្មា​ខាំ​។

ជំងឺ​ទៅលើ​ប្រព័ន្ធ​ភាព​សុំា​
– ជំងឺរើម​ ជា​ជំងឺ​រលាក​រ៉ាំរ៉ៃ​ ដែល​អាច​មានផល​ប៉ះពាល់​ទៅដល់​សន្លាក់​, ស្បែក​, តម្រងនោម​, កោសិកា​ឈាម​, បេះដូង​ និង​សួត​
– ជំងឺ​រលាក​សន្លាក់ឆ្អឹង​ ជា​ជំងឺ​រលាក​រ៉ាំរ៉ៃ​ ដែល​មានផល​ប៉ះពាល់​ទៅដល់​ជាលិកា​ដែល​ទ្រាប់​នឹង​សន្លាក់​ (ទឹក​សន្លាក់​)
– មហារីក​លើ​ប្រព័ន្ធ​ទឹ​ករ​ង៉ៃ​
– មហារីក​ឈាម​
– មហារីក​ដទៃទៀត​ ដែល​បាន​រាលដាល​ទៅកាន់​កូនកណ្តុរ​។

រោគសញ្ញា​សំ​ខាន់​ៗនៃ​ជំងឺ​រលាក​កូនកណ្ដុរ
​គ្រូពេទ្យ​ជំនាញ​បាន​ប្រាប់​ឱ្យ​ដឹង​ថា​ រោគសញ្ញា​នៃ​ជំងឺ​រលាក​កូនកណ្ដុរ​ គឺ​អាស្រ័យ​លើ​មូលហេតុ​រោគ​ និង​តំបន់​ដែល​មាន​រោគសញ្ញា​សំខាន់​។
– កូនកណ្តុរ​ហើម​រីក​ធំ​ ពេល​សង្កត់​ មាន​អារម្មណ៍​ឈឺចាប់​
– កើត​អាការ​រឹងខ្លួន​ ឬស្បែក​ខ្លួន​ចាប់ផ្ដើម​ប្រែប្រួល​ខុសប្រក្រតី​ ស្បែក​ឡើង​រមាស់​ រលាក​ ក្រហម​ ឬហើម​
– មាន​រោគ​ប្រមេះ​កូនកណ្តុរ​
– វា​អាច​មាន​រោគសញ្ញា​ផ្សេងទៀត​ដូចជា​ គ្រុនក្តៅ​ ហៀរសំបោរ​ ឈឺបំពង់ក​ ហើម​ដៃ​ ឬហើមជើង​
– បែកញើស​ពេល​កំពុង​គេង​
– កើតមុន​ ឬដំបៅ​រលាក​នៅ​លើ​បរិវេណ​ស្បែក​មុខ​
– ធ្មេញ​ពុក​ ឬរលាក​អញ្ចាញធ្មេញ​។

វិធីការ​ពារ​មិន​ឱ្យ​កើតជំងឺ​រលាក​កូនកណ្ដុរ​
– បរិភោគ​ក្រុម​អាហារ​ទាំង5ប្រភេទ​ក្រុម​
– ធ្វើលំ​ហាត់ប្រាណ​ឱ្យ​បាន​ទៀងទាត់​
– យកចិត្ត​ទុកដាក់​ធ្វើ​អនាម័យ​ ស្បែក​ ក្រចក​ និង​ប្រអប់មាត់​
– ប្រុងប្រយ័ត្ន​កុំឱ្យ​ឆ្លង​មេរោគ​ ឬដាច់​របួស​
– គ្រប់គ្រង​ទម្ងន់​ខ្លួន​ទៅតាម​លក្ខណៈ​វិនិច្ឆ័យ​ត្រឹមត្រូវ​
– ឱសថ​រុក្ខជាតិ​ ដូចជា​ ខ្ទឹមស​ មាន​លក្ខណៈ​សម្បត្តិ​ប្រឆាំង​នឹង​ការ​រលាក​ និង​បាក់តេរី​ ដែល​អាច​ជួយ​ប្រយុទ្ធ​ប្រឆាំង​នឹង​ការ​ឆ្លង​មេរោគ​ ហើយ​វា​ថែមទាំង​ជួយ​បង្កើន​ប្រព័ន្ធ​ភាពស៊ាំ​ទៀតផង​។ នោះ​ហើយ​ជា​មូលហេតុ​ដែល​វា​អាច​ជួយ​កាត់​បន្ថយ​ការ​ហើម​ និង​ការ​រលាក​បាន​។
– ចៀសវាង​ការប្រើ​ថ្នាំ​ដែល​មិន​ចាំបាច់​ ឬមិន​ពិគ្រោះ​ជាមួយ​វេជ្ជបណ្ឌិត​ជាមុន​។

វិធី​ល្អ​បំផុត​ គឺ​អ្នក​ត្រូវ​ពិគ្រោះ​ជាមួយនឹង​វេជ្ជ​បណ្ឌិត​ ប៉ុន្តែ​អ្នក​អាច​សាកល្បង​ឱថសបុ​រា​ណមួយចំនួន​បាន​៕