នេះជារូបមន្តដ៏អស្ចារ្យសម្រាប់បុរសសក់មិនក្រាស់ ឬក្បាលទំពែក

បុរសជាច្រើនរមែងតែងជួបប្រទះបញ្ហាសក់ជ្រុះច្រើន និងមិនដឹងថា ត្រូវព្យាបាលដោយរបៀបណា និងត្រូវព្យាបាលតាមវិធីណាដើម្បីកុំឱ្យអស់ថវិកាច្រើន។ បញ្ហានេះបណ្ដាលមកពីដំណើរវិវឌ្ឍន៍នៃវ័យចំណាស់ដែលស្របទៅតាមដំណើរធម្មជាតិ។ ថ្ងៃនេះទស្សនាវដ្តី និងគេហទំព័រឡារ៉ែនសូមនាំមកជូននូវវិធីសាស្ត្រល្អៗ សម្រាប់ព្យាបាលបញ្ហាសក់ជ្រុះខ្លាំងចំពោះបុរសតាមវិធីបែបធម្មជាតិ ព្រមទាំងធ្វើឱ្យសក់លូតលាស់ឡើងវិញ ហើយមានសភាពក្រាស់ជាងមុន ដែលកាន់តែធ្វើឱ្យបុរសមានភាពក្មេងជាងវ័យទៀតផង។

ដំណោះស្រាយ និងវិធីដែលយើងនឹងបង្ហាញនៅថ្ងៃនេះគឺ ទឹកឃ្មុំ ខ្ទឹមស ក្រូចឆ្មារ សម្រាប់ព្យាបាលបញ្ហាក្បាលទំពែករបស់បុរស។

គ្រឿងផ្សំមាន៖
ទឹកឃ្មុំ 1 គីឡូក្រាម
ខ្ទឹមស 3 មើម
ក្រូចឆ្មារ 4 ផ្លែ
ប្រេង flaxseed oil 200 ក្រាម

វិធីធ្វើ៖
យកគ្រឿងផ្សំទាំងអស់ដូចជា ទឹកឃ្មុំ ខ្ទឹមស ក្រូចឆ្មារ និងប្រេង flaxseed oil មកចាក់ចូលម៉ាស៊ីនទឹកក្រឡុក រួចក្រឡុកឱ្យហ្មត់ជាល្បាយស្មើសាច់តែមួយ ហើយចាក់ដាក់ចូលក្នុងដប ក្លាស្សេទុកក្នុងទូទឹកកក។ ពិសាម្ដង 1 ស្លាបព្រាកាហ្វេ មុនពេលទទួលទានអាហារទាំង3ពេល 30 នាទីជារៀងរាល់ថ្ងៃ។
រូបមន្ដនេះនឹងធ្វើឱ្យសក់របស់អ្នកដុះឡើងវិញហើយក្រាស់ជាមុន ដែលជាទីគាប់ចិត្តសម្រាប់បុរសគ្រប់រូប លែងមានកង្វល់រឿងបញ្ហាជ្រុះសក់៕