ភាពស្រស់ស្អាតមិនមែនទទួលបានមកតែពីការតុបតែងផ្នែកខាងក្រៅតែមួយមុខនោះទេ ប៉ុន្តែផ្នែកខាងក្នុងនៃអារម្មណ៍ក៏មានសារសំខាន់ណាស់ដែរ។ នៅពេលដែលអ្នកមានអារម្មណ៍មិនសូវល្អ មានភាពខ្វាយខ្វល់ច្រើនពេកនោះ មានន័យថា អ្នកកំពុងតែបើកដៃឱ្យបញ្ហាមួយចំនូនដូចជា ស្បែកស្ងួត ជំងឺមុន ស្នាមជ្រីវជ្រួញ និងបញ្ហាជាំខ្មៅ ចូលមកលុកលុយលើស្បែករបស់អ្នកហើយ។ មូលហេតុនៃបញ្ហាអស់ទាំងនេះកើតឡើងដោយមូលហេតុដូចជា៖
ស្បែកស្ងួត : ដោយសារតែភាពតានតឹងនៅក្នុងអារម្មណ៍រ៉ាំរ៉ៃ បង្កើនការបញ្ចេញអ័រម៉ូនខទីសូល ដែលជាភ្នាក់ងារធ្វើឱ្យស្បែកមិនស្រូបយកជាតិទឹក ទើបបង្កឱ្យស្បែកបាត់បង់ជាតិសំណើម មិនភ្លឺថ្លា។
កើតមុន : ភាពតានតឹងក្នុងអារម្មណ៍ធ្វើឱ្យរលាកស្បែក និងងាយកើត “មុន” ហើយច្រើនតែកើតហើយបាត់ទៅវិញជាញឹកញាប់។
ស្នាមជ្រីវជ្រួញ : អ័រម៉ូនខទីសូលជាភ្នាក់ងារជំរុញឱ្យកម្រិតជាតិស្ករក្នុងឈាមកើនឡើងខ្ពស់ ហើយជាតិស្ករកំណាច ដែលងាកមកបំផ្លាញសរសៃទឹកប្រូតេអ៊ីន និងអ៊ីឡាស្ទីនដែលជាប្រូតេអ៊ីនសំខាន់ក្នុងការជួយឱ្យស្បែកតឹង និងផូរផង់ល្អ ទើបបង្កឱ្យស្បែកងាយកើតស្នាមជ្រីវជ្រួញ។
ឡើងក្រហមជាំ : នៅពេលមានអារម្មណ៍តានតឹង ពេលនោះឈាមនឹងបាញ់ខ្លាំង ជាហេតុនាំឱ្យសរសៃឈាមឆ្មារ រីកមាឌធ្វើឱ្យស្បែកស្តើង ឡើងក្រហម ផ្សារមាស់ ងាយក្រហាយ ហើយបើមានអាការស្បែកឡើងក្រហមយូរជាងធម្មតានោះ សបញ្ជាក់ថា ភាពតានតឹងក្នុងអារម្មណ៍របស់អ្នកបានធ្វើឱ្យប្រព័ន្ធការពារចុះខ្សោយហើយ៕
