មនុស្សមួយចំនួនតែងតែគិតថា ជើងគឺជាផ្នែកខាងក្រោមបំផុត ឬអាចនិយាយថាជាចំណុចចុងក្រោយគេដែល ត្រូវបានបុរសៗមួយចំនួនលួចពិនិត្យមើល តែក៏មិនមែនបានន័យថា អ្នកត្រូវបោះបង់វាចោលទាំងស្រុងនោះទេ។ ចំណាយពេលតែបន្តិចក្នុងមួយថ្ងៃ មើលថែសម្រស់ជើងរបស់អ្នក ហើយបន្ទាប់ពីនោះអ្នកពិតជាទទួលបាននូវជើងដ៏ស្រឡូនស្អាតដូចបំណងមិនខាន។
ខាត់ស្បែក និងផ្តល់សំណើមដល់ជើង: ជាការអនុវត្តដើម្បីកម្ចាត់ស្បែកចាស់ដែលឡើងគ្រើមរឹង ឬក្រិនស្បែកជាដើម។ ធ្វើរាល់ថ្ងៃនោះឱកាសនៃសភាពស្បែកបែបអាក្រក់ទាំងនោះនឹងមានកាន់តែតិចបំផុត។
សម្អាតជើងរាល់ថ្ងៃ: មុខ ដងខ្លួន ស្បែកដៃជើង ឬខ្មងជើងជាដើម អ្នកអាចធ្វើការសម្អាតបានជាប្រចាំរួចជាស្រេចហើយមែនទេ ចុះរឿងអីដែលថាគ្រាន់តែបង្ហួសទៅកាន់កែងជើង ឬប្រអប់ជើងតែបន្តិចទៀតនោះអ្នកធ្វើមិនបាននោះ មែនទេ? សូមសម្អាតជើងរបស់អ្នកឱ្យបានស្អាតជារៀងរាល់ថ្ងៃ ដើម្បីសម្រស់ជើងដ៏ស្រស់ស្អាត។
ឱ្យជើងសម្រាក: ស្បែកជើងកែងអាចធ្វើឱ្យជើងមើលទៅស្អាតសិចស៊ី ប៉ុន្តែអ្នកមិនគួរចង់បានភាពសិចស៊ីជ្រុលហួសរហូតមិនព្រមដោះស្បែកជើងកែងចោទខ្ពស់ៗចោល ដើម្បីឱ្យជើងបានសម្រាកសោះនោះទេ។ បើមិនចាំបាច់ទេ សូមពាក់ស្បែកជើងផ្ទាត់ខ្លះក៏ល្អដែរ។
ស្តារស្ថានភាពស្ងួតនៃជើងដោយប្រេងដូង: កែងជើងដែលមើលទៅមានសភាពស្ងួត អាចជួយស្រោចស្រង់បានដោយប្រេងដូង។ លាបប្រេងដូងលើកែងជើងមុនពេលចូលគេង រួចពាក់ស្រោមជើងពីលើជាការស្រេច។
រឿងផ្សេងៗទៀតដែលអ្នកអាចជួយស្រោចស្រង់ខ្លួនអ្នកពីបញ្ហាជើងមិនស្រស់ស្អាតដូចជា ដើរជើងទទេពេលខ្លះ ពិនិត្យមើលជើងឱ្យទៀងទាត់ បន្ថែមភាពភ្លឺដល់កែងជើងដោយក្រូចឆ្មារ ពាក់ស្បែកជើងដែលត្រូវនឹងជើងរបស់អ្នក សម្អាតជើងដោយផ្លែចេក (ត្រដុសជើងជាមួយចេកទុំ) និងការត្រាំជើងជាមួយទឹកក្តៅតិចៗឱ្យបានម្តងក្នុងមួយសប្តាហ៍។ល៕
