វិធី​ការពារ​ជំងឺមហារីក​ស្បែកសម្រាប់បុរសៗ

May 11, 2018​ ម៉ោង 10:25 am
0

មហារីក​ស្បែក ភាគច្រើន​កើត​ចំពោះ​បុរស​ដែលមាន​ស្បែក​ខូច ដូចជា ស្បែក​រលាក ស្បែក​ខ្នង​ឡើង​មុន​ច្រើន ឬ​កន្ទួល​ក្រហម​នៅលើ​ស្បែក និង​អាច​កើតមាន​ចំពោះ​មនុស្ស​ប្រុស​ដែលមាន​ជំងឺ​ប្រចាំកាយ​រាល់ថ្ងៃ ដែល​ធ្វើឱ្យ​លោកអ្នក​ខាតបង់​ថវិកា​ជាច្រើន​ក្នុង​ការពិត​និត្យ និង​ព្យាបាល​ជំងឺ។ ការ​ហុច​ផល​ចំពោះ​សុខភាព​នៅពេល​បច្ចុប្បន្ន​នេះ អាច​បណ្ដាលមកពី​ស្បែក​ដែល​ខូច​ដោយសារ​កាំរស្មីព្រះអាទិត្យ។ មាន​មនុស្ស​ជាច្រើន​បាន​ប្រើប្រាស់​ក្រែ​ម​ការពារ​កម្ដៅថ្ងៃ ដែល​អាច​ការពារ​ស្បែក​បាន​មួយកម្រិត​តែប៉ុណ្ណោះ តែ​វា​មិនអាច​ការពារ​ស្បែក​បាន​ទាំងអស់​នោះទេ។ ការ​លាប​ឡេ​ការពារ​កម្ដៅថ្ងៃ វា​អាចមាន​ប្រសិទ្ធភាព​ការពារ​បាន​ក្នុង​មួយ​ម៉ោង និង​អាច​ការពារ​បានតែ​កាំរស្មីព្រះអាទិត្យ​តែប៉ុណ្ណោះ វា​មិនបាន​ជួយ​ការពារ​ស្បែក​មិនឱ្យ​កើត​ជំងឺ​មហា​ស្បែក​បានឡើយ។

ជាការ​ពិតណាស់ កាំរស្មីព្រះអាទិត្យ​ក៏បានផ្ដល់​វីតាមីន​មួយចំនួន​ដល់​ស្បែក​យើង​បានដែរតែ​ចំពោះតែ​កាំរស្មី​ដែលមាន​កម្ដៅខ្សោយស្រាលៗទេ (កាំរស្មីព្រះអាទិត្យ​នៅមុន​ម៉ោង9ព្រឹក) មិនមែនជា​កាំរស្មី​ដែល​ក្ដៅ​ខ្លាំង​នោះទេ។ កាលណា​ស្បែក​ត្រូវ​កម្ដៅ​កាំរស្មី​ខ្លាំងពេក អាច​បណ្ដាលឱ្យមាន​គ្រោះថ្នាក់​ដល់​ស្បែក និង​ហុច​ផល​មិនល្អ​ចំពោះ​សុខភាព​ស្បែក ដូចជា ការ​អាំង​ស្បែក​នៅក្រោម​ពន្លឺ​ថ្ងៃ​ក្ដៅ​ខ្លាំង​ជាដើម។

បុរស​គួរតែ​ការពារ​ស្បែក​របស់ខ្លួនឱ្យបានល្អ គឺត្រូវថែឱ្យបានខ្ជាប់ខ្ជួនដូចនារីៗដែរ ព្រោះ​គ្រោះថ្នាក់​នៃ​ជំងឺ​មហា​រីកស្បែក​គឺអាច​កើតមាន​ចំពោះ​បុរស​ច្រើនជាង​នារីៗ ដោយសារ​ទង្វើ​ធ្វេ​ស​ប្រហែស​របស់​ពួកគេ។ កត្តា​ដែល​លោកអ្នកគួរ​ដឹង​ពី​វិធី​ការពារ​ស្បែក និង​មូលហេតុនៃការបង្ក​ឱ្យ​កើត​ជំងឺមហារីក​ស្បែក និងវិធីការពារ​ស្បែក​របស់បុរសមិនឱ្យ​កើតជំងឺ​មហារីក​ស្បែក​តាមបែប​ធម្មជាតិរួមមានដូចជា ៖

1. ភាព​តានតឹង: សូមកុំកង្វល់​ថា បុរស​មិនអាច​ប្រើ​ឡេ​លាប​ការពារ​កម្ដៅថ្ងៃ​ឱ្យសោះ ភាព​តានតឹង​មួយ​នេះ​កាន់តែ​ធ្វើឱ្យ​លោកអ្នក​មាន​កង្វល់​នៅក្នុង​ចិត្ត​ទៅ​វិញ​ទេ ហើយវាក៏​ជា​កម្លាំង​ជំរុញ​មួយ​ឱ្យ​កើតមានជំងឺមហារីក​ស្បែ​កបាន​យ៉ាង​ងាយ​ផងដែរ។

2. សារធាតុ​អង់​ទី​អុកស៊ីដ​ង់: សារធាតុ​ដែល​អាច​ការពារ​ការ​ហុច​ផល​ពី​អង់​ទី​អុកស៊ីដ​ង់​រួមមាន ផ្លែឈើ បន្លែ ជាពិសេស​បន្លែ​ស្លឹក​ប្រភេទ​ខ្លះដែល​មាន​ផ្ទុក​នូវ​សារធាតុ​ការពារ​អង់​ទី​អុកស៊ីដ​ង់​។

3. ទទួលទានវីតាមីនល្អចំពោះសុខភាពស្បែក: ទទួលទាន​អាហារ​ដែលមាន​សា​ធាតុ​ចិញ្ចឹម​ឱ្យបាន​គ្រប់គ្រាន់​ដូចជា វីតាមីន C និង E ដែល​វា​អាច​ការពារ​ស្បែក​របស់​លោកអ្នក​បាន ហើយអ្វីដែលកាន់តែ​ពិសេស​ជាងនេះទៅទៀតនោះ​គឺ ទទួលទាន​អាហារណាដែលមានសារធាតុ អូ​មេ​ហ្កា 3 ឱ្យបានច្រើន។

4. ចៀសវាងសារធាតុគីមី: ចៀសវាង​ការប្រើប្រាស់សារធាតុ​គីមី​ដែលមាន​គ្រោះថ្នាក់ចំពោះ​ស្បែក ដូចជា ឡេ​លាយ សាប៊ូ​ផុត​អាយុ​កំណត់ជាដើម ព្រោះ​វា​មាន​គ្រោះថ្នាក់​ខ្លាំង​ចំពោះ​សុខភាព​ស្បែក។

5. ចៀសវាងស្ថិតក្រោមកម្តៅថ្ងៃរយៈពេលយូរ: ចៀសវាង​ការអនុញ្ញាតឱ្យស្បែករបស់លោកអ្នក​ត្រូវជាមួយនឹងកម្ដៅថ្ងៃ​ខ្លាំង ឬ​ស្ថិតនៅក្រោមកម្តៅថ្ងៃក្នុង​រយៈពេល​យូរជាដើម៕

គាំទ្រកាសែតឡារ៉ែនពាណិជ្ជ សូមជូយចុច Like & Share Facebook Page ខាងក្រោម

គាំទ្រទស្សនាវដ្ដីឡារ៉ែន សូមជូយចុច Like & Share Facebook Page ខាងក្រោម