ហោះហើរ​ដើរលេង​សប្បាយ​ តាម​និស្ស័យ​អ្នក​ម្ដាយ​ពពោះ

រៀប​ផែនការ​ប្រុង​ទៅ​ហាន់​នី​មូ​ន​លើក​ទី2 ជាមួយ​ស្វាមី​ជាច្រើន​ខែ​មកហើយ និង​សង្ស័យ​ប្រហែលជា​បេ​ប៊ី​ចង់ទៅ​ដើរលេង​ដែរ​ហើយ​មើលទៅ ទើប​មក​ចាប់កំណើត​ចំពេល​ហ្នឹង​តែម្ដង តែ​ក៏​មិន​ខូចផែនការ​ដែរ… សុំ​ពេល​ឱ្យ​ម៉ាក់​ត្រៀមខ្លួន​ថែម​បន្តិច ម៉ាក់​នឹង​នាំ​កូន(ក្នុង​ផ្ទៃ)ហោះ​ទៅ​ដើរលេង​ជាមួយ​ដែរ​មិន​ខាន។

អ្នកជំនាញ​ខាង​សរសេរ​អត្ថបទ​ស្ត្រី​មាន​ផ្ទៃពោះ និង​ទារ​កបាន​គាំទ្រ​ថា “អ្នកនឹង​គ្មាន​ថ្ងៃ​បានធ្វើ​ដំណើរ​យ៉ាង​ងាយស្រួល និង​មាន​សេចក្ដីសុខ​ស្មើនឹង​ពេលនេះ​ទៀតឡើយ ដូច្នេះ​ចូរ​ទៅ​ដើរលេង​សម្រាក​កម្សាន្ត និង​ធ្វើឱ្យ​ខ្លួនឯង​មានសេចក្ដីសុខ ខណៈដែល​គ្រប់យ៉ាង​នៅ​ល្អប្រសើរ(ពោះ​នៅ​តូច)នៅឡើយ។

បើ​អ្នក​គ្មាន​ចំណុច​អ្វី​គួរឱ្យ​ប្រយ័ត្នប្រយែង​ដែល​នឹង​ធ្វើឱ្យ​មិនគួរ​ធ្វើដំណើរ​ដោយ​យន្តហោះ ដូចជា សភាវ​ស្បូន​ធ្លាក់ចុះ​ទាប មាត់ស្បូន​យារ ឬ​មាន​ប្រវត្តិ​ធ្លាប់​រំខាន​ដោយ​ការ​រលូត​បុត្រ​នោះ ក៏​ទៅ​ប្រឹក្សា​គ្រូពេទ្យ​សម្ភព​ផ្ទាល់ខ្លួន​ម្ដងទៀត រួចហើយ​ត្រៀមខ្លួន​ហោះ​ទៅ​ដើរលេង​កម្សាន្ត​បានតែ​ម្ដង។

អំឡុងពេល
ប៉ាន់ប្រមាណ​អំឡុងពេល​ហោះហើរ​ទៅ​ដើរលេង​កម្សាន្ត​ក្នុង​ចន្លោះ​ត្រីមាស​ទី2 ព្រោះ​ស្ត្រី​មានគភ៌​ភាគច្រើន​នឹង​ចាប់ផ្ដើម​ស៊ាំ​ធ្លាប់​នឹង​ការ​មានគភ៌​ហើយ អាការ​ចាញ់កូន​ក៏​ធូរស្រាល​ចុះ ថែមទាំង​ក្បាលពោះ​ក៏​នៅ​មិនទាន់​ធំ និង​ធ្ងន់​រហូត​ទៅណា​មក​ណា​លំបាក ឬ​ប្រថុយប្រថាន​នឹង​ការ​ប្រសូត​មុន​កំណត់​ដូច​ត្រីមាស​ទី3ដែរ(ក្រុមហ៊ុន​អាកាសចរណ៍ភាគច្រើនច្រើនតែ​ហាម​បម្រើសេវា​ហោះហើរ​ឆ្លង​ប្រទេស​សម្រាប់​ស្ត្រី​តាំង​គភ៌​ចាប់ពី28 – 30សប្ដាហ៍​ឡើងទៅ)។

ប្រវត្តិ / ធានា​សុខភាព
ស្ត្រី​មានគភ៌​គួរ​ដាក់​សៀវភៅ​ប្រវត្តិ​ការតាមដាន​ផ្ទៃពោះ​តាម​ខ្លួន​ទៅជា​មួយ​ផង ដើម្បី​ក្រែងលោ​ឈឺ​ថ្កាត់​អ្វី នឹង​បាន​យក​ប្រវត្តិ​នោះ​ទៅឱ្យ​គ្រូពេទ្យ​នៅក្នុង​ប្រទេស​ដែល​ខ្លួន​ទៅ​សម្រាក​កម្សាន្ត​នោះ​ពិនិត្យមើល​ដើម្បី​ប្រកប​ក្នុងការ​វិនិច្ឆ័យ ហើយបើ​គ្មាន​ពេល​រៀបចំ​ទេនោះ គួរ​យក​លេខ​ទូរស័ព្ទ​របស់លោក​គ្រូពេទ្យ​ដែល​ពិនិត្យ​គភ៌​ជាប្រចាំ​ទៅជា​មួយ​ផង​ក៏បាន។

ជ្រើសរើស​កៅអីអង្គុយ
កៅអីអង្គុយ​ជាប់​ផ្លូវ​ដើរ ជា​ជម្រើស​ដែល​ស័ក្តិសម​បំផុត ព្រោះ​ស្ត្រី​មានគភ៌​នឹងត្រូវ​ក្រោកទៅ​ចូល​បន្ទប់ទឹក​ញឹកញាប់​ជាង​មនុស្ស​ឯទៀត(ខាន​ទស្សនា​ទេសភាព​ដែល​អង្គុយ​នៅជាប់​មាត់​បង្អួច​សិន​ទៅ) និង​បើ​ជ្រើសរើស​បាន គួរ​ជ្រើសរើស​អង្គុយ​កៅអី​ជួរមុខ​ដែល​អាច​សណ្ដូកជើង​បាន​ស្រួល​ផង។ នៅពេល​អង្គុយ​លើ​កៅអី​ហើយ កុំ​ភ្លេច​បំពាក់​ខ្សែក្រវាត់​សុវត្ថិភាព​ក្រោម​ពោះ​ផង។

ការពារ​អាការ​ខ្វះ​ជាតិ​ទឹក
អាកាសធាតុ​នៅក្នុង​យន្តហោះ​នឹង​ស្ងួត​ជាង​ប្រក្រតី ស្ត្រី​មានគភ៌​គួរ​ការពារ​អាការ​ខ្វះ​ជាតិ​ទឹក​ដោយ​ការ​ញ៉ាំ​ទឹក​ឱ្យបាន​ញឹកញាប់ តែបើ​សិន​ខ្លាច​ថា​អ្នកបម្រើ​លើ​យន្តហោះ​ដើរមក​ចាក់ទឹក​ឱ្យ​ញឹកញាប់​នោះ អ្នក​អាចដាក់​តាម​ខ្លួន​នូវ​បំពង់​ទឹកតូច​មួយ​ក្នុង​កាបូបស្ពាយ​ទៅជា​មួយ និង​គ្រាន់តែ​សុំឱ្យ​បុគ្គលិក​លើ​យន្តហោះ​ជួយ​ចាក់ទឹក​ឱ្យ​ពេញ​ទុក​ញ៉ាំ​ក៏បាន។

ការពារ​ប្រគ្រីវកាច់ / ហើមជើង
ស្លៀក​សម្លៀកបំពាក់​ណា​ដែលសប្បាយៗស្រួលខ្លួន ចៀសវាង​ខោ​ណា​ដែល​រឹត​តឹង​ណែន​ភ្លៅ និង​កំភួនជើង ដោះ​ស្បែកជើង​ចេញ ហើយ​ដាក់​ជើង​លើ​ភ្នា​ក់ជើង ឬ​ដាក់​កាបូប​ធ្វើដំណើរ​នៅ​ខាងក្រោម​កៅអី​ខាងមុខ ហើយ​ដាក់​ជើង​គង​សម្រាក​លើ​នោះ​ក៏បាន។ ក្រោក​ឡើង​ដើរទៅ-មក​នៅតាម​ផ្លូវ​ដើរ​ដើម្បី​ផ្លាស់ប្ដូរ​ឥរិយាបថ​រៀងរាល់ 1ម៉ោង​ម្ដង និង​សណ្ដូកជើង​ដើម្បីឱ្យ​យឺត​សរសៃ​រៀងរាល់​កន្លះ​ម៉ោង​ម្ដង។ អ៎! កុំ​ភ្លេច​ត្រៀម​ស្រោមជើងស្ដើងៗ ឬ​ស្បែកជើងផ្ទាត់​ទៅជា​មួយ​ទុក​ពាក់​ដើរទៅ-មក​ផង​ក៏​រឹតតែ​ល្អ​ទៅទៀត៕

Advertisement