ស្ត្រីមានផ្ទៃពោះ​ ឃ្លាន​ញឹកញាប់​ គួរ​ញ៉ាំ​អ្វី​ក្រៅពី​ពេលបាយ​?

March 31, 2019​ ម៉ោង 9:53 pm

អាហារ​ក្រៅពី​ពេលបាយ​សម្រាប់​ស្រ្តី​មាន​ផ្ទៃពោះ​ តើ​គួរ​ទទួលទាន​អ្វី​ល្អ​ដើម្បី​ជួយ​បំប៉ន​រាង​-កាយ​របស់​ខ្លួនឯង​ និង​កូន​ក្នុង​ផ្ទៃ​? ខាងក្រោម​នេះ​គឺ​ អាហារ4យ៉ាងដែល​ស្រ្តី​មានផ្ទៃពោះ​គួរ​ទទួល​ទាន​…។

1. នំ​ឃុក​គី​ ឬនំ​ក្រេក​គើរ​
សម្រាប់​ស្ត្រីមានផ្ទៃពោះ​ នំ​ឃុក​គី​ដែល​ចង់​ណែនាំ​គឺ​ នំ​ពពួក​ស្រូវ​អូក​ ឬនំ​ឃុក​គី​ដែល​លាយ​ជាមួយ​ធញ្ញ​ជា​តិ​ផ្សេង​ៗ ដូចជា​ អាល់​ម៉ុន​ ឬគ្រាប់ស្វាយ​ចន្ទី​ ព្រោះស្ត្រីមានផ្ទៃពោះ​នឹង​បាន​ទទួលគុណ​ប្រយោជន៍​ខាង​អាហារ​ពី​ម្សៅ​នៅក្នុង​អង្ករ​ស្រូវ​អូក​ រួម​ទាំង​ប្រូ​តេ​អុី​នពី​គ្រាប់សណ្ដែក​ ឬធញ្ញជាតិ​ប្រភេទ​ផ្សេង​ៗទៀតផង​។

2. អាហារ​ប្រភេទ​ស៊ី​រៀល​
ស៊ី​រៀល​ជា​អាហារ​ដែល​ផ្ដល់​កម្លាំងថាមពល​ និង​ហ្វូ​លេ​តខ្ពស់​ មាន​វីតាមីន​ និង​សារធាតុ​រ៉ែ​ដែល​ចាំបាច់​សម្រាប់​ស្ត្រីមានគភ៌​ ជាពិសេស​ក្នុងអំឡុងពេល​ចាញ់កូន​ ញ៉ាំ​អ្វី​មិនសូវ​បាន​។

3. យ៉ា​អួ​
ស្ត្រីមានគភ៌​អាច​ជ្រើសរើស​ទទួលទានទឹក​ដោះ​គោ​ជូរ​ ឬយ៉ា​អួ​ក្រៅពី​ពេល​អា​ហារ​ចម្បង​ៗបាន​ ពេល​មាន​អារម្មណ៍​ថា​ខ្លួនឯង​ឃ្លាន​ ដោយសារតែ​នៅក្នុង​យ៉ា​អួ​មាន​កាល់ស្យូម​ដែល​ជាផ្នែក​សំខាន់​ក្នុង​ការ​សាង​ឆ្អឹង​ និង​ធ្មេញ​ឱ្យ​រឹងមាំ​ទាំង​សម្រាប់​កូនតូច​ក្នុង​ផ្ទៃ​ និង​អ្នកម្ដាយ​ខ្លួនឯង​ផង​ ក្រៅពី​នេះ​ យ៉ា​អួ​នៅ​ជួយ​ធ្វើ​ឱ្យ​ប្រព័ន្ធ​រំលាយអាហារ​របស់​ស្រ្តី​មានគភ៌​ធ្វើការ​បាន​ល្អ​ឡើង​ទៀតផង​។

4. បន្លែ​ និង​ផ្លែឈើ​
បន្លែ​ និង​ផ្លែឈើ​ គឺជា​អ្វី​ដែល​ស្ត្រីមានផ្ទៃពោះ​គួរ​ទទួលទាន​យ៉ាង​មិន​អាច​ចៀសវាង​បាន​ ជាពិសេស​បំផុត​ផ្លែ​លម៉ើ​ ស្រកានាគ​ ផ្លែ​ល្ហុង​ទុំ​ ផ្លែ​ប៉ោម​ ម្នាស់​ បន្លែ​ពណ៌បៃតង​ចាស់​ ប៉េងប៉ោះ​-ល- ដើម្បី​ឱ្យ​រាងកាយ​បាន​ទទួល​វីតាមីន​ និង​សារធាតុ​រ៉ែ​យ៉ាង​គ្រប់គ្រាន់​ ដើម្បី​បង្កើន​ប្រសិទ្ធភាព​ប្រព័ន្ធ​ប្រឆាំង​ជំងឺ​ឱ្យ​រឹងមាំ​ឡើង​៕