ទេសភាពវាលស្រែ «ផ្កាស្នោ» តំបន់ទេសចរណ៍បែបស្រុកស្រែកំពុងល្បីខ្លាំងនៅក្នុងប្រទេសថៃ

September 11, 2018​ ម៉ោង 4:23 pm
0

ភ្លៀងធ្លាក់ជោកជាំ!! ផ្គរលាន់ក្ដុងក្ដាំង!! ហ៊ីងយំអឺងកង!! តើបងប្អូនទាំងអស់ត្រៀមខ្លួនហើយឬនៅ? យើងនឹងនាំអារម្មណ៍អ្នកទាំងអស់គ្នាទៅដើរកម្សាន្ដនៅតំបន់ទេសចរណ៍ស្រុកស្រែបែបប្លែកភ្នែក និងមានខ្យល់អាកាសបរិសុទ្ធត្រជាក់ល្អ…ទីនោះគឺ «វាលស្រែផ្កាស្នោ ប៉ៈធុមថានី -បាងប៉ៈហាន់» ដែលកំពុងតែបង្អួតខ្លួនយ៉ាងល្បីល្បាញនៅក្នុងប្រទេសថៃ។

វាលស្រែផ្កាស្នោ មួយនេះមានទីតាំងស្ថិតនៅលើផ្លូវ374 ស្រុកប៉ៈធុមថានី -បាងប៉ៈហាន់ ខេត្តអយុថ្យា។ កសិករម្នាក់បានចំណាយដីស្រែប្រមាណជាង 5រ៉ៃដាំដើមស្នោឱ្យក្លាយជាវាលស្រែដើមស្នោ និងតុបតែងលម្អដោយខ្ទមក្យូស និងកៅអីបង់សម្រាប់អង្គុយលេង ទទួលភ្ញៀវទេសចរក្នុងមួយថ្ងៃៗជាច្រើននាក់ដែលចូលមកថតរូបលេងកម្សាន្ដ។

បើតាមការបញ្ជាក់របស់គេទំព័រ Mthai បានឱ្យដឹងថា ភ្ញៀវទេសចរដែលមកកាន់វាលស្នោពណ៌ស្រស់បំព្រងនេះ ត្រូវចំណាយថវិកាទិញសំបុត្រអស់ 40បាត ហើយភាគច្រើនគេសង្កេតឃើញមានភ្ញៀវមកតែពេលព្រឹកព្រលឹម និងពេលរសៀលត្រជាក់ៗតែប៉ុណ្ណោះ។

មុនពេលដើរទៅកាន់វាលស្នោនោះ លោកអ្នកនឹងបានឃើញរូបសត្វក្របីធំៗ 2ក្បាល មានពណ៌ផ្កាឈូក និងពណ៌ត្នោត ញញឹមមកកាន់លោកអ្នក ដោយមានអក្សរសរសេរថា «សូមស្វាគមន៍»។

ចង់ដឹងថា តើទេសភាពស្រស់ត្រកាលបែបណានោះ សូមទស្សនារូបភាពខាងក្រោមនេះ ៖

ចែករំលែក

គាំទ្រកាសែតឡារ៉ែនពាណិជ្ជ សូមជូយចុច Like & Share Facebook Page ខាងក្រោម

គាំទ្រទស្សនាវដ្ដីឡារ៉ែន សូមជូយចុច Like & Share Facebook Page ខាងក្រោម