នេះជាឱកាសដ៏ពិសេសថ្មីមួយទៀតដែលក្រុមហ៊ុន យីនកុកហ្វូដខប ដែលជាសម្ព័ន្ធក្រុមហ៊ុនទិញសិទ្ធិនាំចូល និងបើកដំណើរការហាងបឺហ្គឺ Lotteria នៅប្រទេសកម្ពុជាបានរៀបចំពិធីសម្ពោធហាងបឺហ្គឺ Lotteria សាខាថ្មីមួយទៀតស្ថិតនៅជិតផ្សារដើមថ្កូវ។
Lotteria គឺជាហាងអាហារទាន់ចិត្តលំដាប់លេខ1មកពីប្រទេសកូរ៉េ ដែលមានលក់បឺហ្គឺរសជាតិឈ្ងុយឆ្ងាញ់គ្រប់ប្រភេទ ជាពិសេសគឺបឺហ្គឺបុលគូគីបែបកូរ៉េ រួមទាំងមាន់បំពង ការ៉េម និងភេសជ្ជៈគ្រប់មុខតាមស្តង់ដារអន្តរជាតិ អមដោយអនាម័យខ្ពស់ សេវាកម្មរហ័សទាន់ចិត្ត និងបរិយាកាសទំនើបទាន់សម័យ។
ក្នុងឱកាសបើកដំណើរការសាខាថ្មីកាលពីថ្ងៃទី21 ខែឧសភា ឆ្នាំ2017 ក៏មានការចូលរួមប្រគំតន្ត្រីយ៉ាងសប្បាយរីករាយពីសំណាក់តារាចម្រៀង Original គឺលោក ថេណា ដែលជាម្ចាស់បទកំពុងល្បី “ខុសជំនាន់” ដោយមានការគាំទ្រយ៉ាងខ្លាំងពីសំណាក់ហ្វេនជាយុវវ័យ។ ទន្ទឹមនឹងនេះអតិថិជនទាំងអស់ក៏ទទួលបានប្រូម៉ូសិនពិសេសភ្លាមៗ គឺរាល់ការទិញបឺហ្គឺ 2ឈុត នឹងមានថែមជូនបឺហ្គឺ 1ឈុតដោយឥតគិតថ្លៃផងដែរ។
គួរបញ្ជាក់ផងដែរថា ក្នុងរយៈពេលបើកដំណើរការជិត 3ឆ្នាំកន្លងមកនេះ ហាងបឺហ្គឺ Lotteria បានបន្តពង្រីកសាខាជាបន្តបន្ទាប់នៅទូទាំងរាជធានីភ្នំពេញ។ បច្ចុប្បន្ននេះ Lotteria មានសាខាសរុបចំនួន5 គឺហាង Lotteria សាខាមហាវិថីព្រះមុនីវង្ស ផ្សារទំនើបអ៉ីអន ផ្សារទំនើបសុរិយា ផ្សារទំនើបសុវណ្ណា និងសាខាផ្សារដើមថ្កូវដែលទើបបើកដំណើរការនេះ។ វត្តមាននៃសាខាទី5 នេះត្រូវបានរំពឹងទុកថានឹងបន្តទទួលបានការគាំទ្រខ្ពស់ពីសំណាក់អតិថិជនដែលនិយមចូលចិត្តអាហារទាន់ចិត្តលំដាប់លេខ 1មកពីប្រទេសកូរ៉េ៕
