Charles​ &​ Keith​ ប្រារព្ធ​ខួប​គម្រប់​ 1ឆ្នាំ​ ហាង​ថ្មី​ក្រោយបង្អស់​របស់​ខ្លួន​នៅ​ផ្សារ​ទំនើប​ AEON​ Mall​ Sen​ Sok​

June 12, 2019​ ម៉ោង 10:23 am

ប្រជាជន​ក្នុង​ស្រុក​ប្រហែលជា​បាន​ស្គាល់​រួចមក​ហើយពី​ម៉ាក​ Charles​ &​ Keith​ ជា​ម៉ាក​ដែល​ទទួល​បានការ​ពេញនិយម​បំផុត​ក្នុង​ស្រទាប់​យុវវ័យ​ ហើយ​ជាពិសេស​ Charles​ &​ Keith​ គឺជា​ម៉ាក​តែ​ 1គត់​ដែល​តែងតែ​នាំ​យក​មក​នូវ​ការ​ឌីហ្សា​ញប្លែ​កៗ​ ស្អា​តៗ​ ជាពិសេស​គឺ​ម៉ូដ​ទាន់សម័យ​តាម​តម្រូវការ​អតិថិជន​តែម្តង​។ ចក្ខុវិស័យ​របស់​ Charles​ &​ Keith​ គឺ​ផ្តោត​ទៅលើ​មុខទំនិញ​ដែល​កំពុងពេញនិយម​ និង​ទើបនឹង​មកដល់​ដែល​រួមមាន​ដូចជា​៖ ស្បែកជើង​ កាបូប​ និង​គ្រឿងលម្អ​ ជាច្រើន​ទៀត​ដែល​ជា​តម្រូវការ​របស់​អតិថិជន​ដែល​និយម​ប្រើ​ផលិតផល​ Charles​ &​ Keith​ ហើយ​ម៉ូដ​ទាំងអស់​នោះ​ក៏​ត្រូវ​បាន​ដាក់​តាំង​បង្ហាញ​ជូន​អតិថិជន​ផង​ដែរ​។

ហើយ​កាលពី​ថ្ងៃសៅរ៍​ ទី​8 ខែមិថុនា​ ថ្មី​ៗនេះ​ ម៉ាក​ Charles​ &​ Keith​ បាន​ប្រារព្ធ​ពីធី​គម្រប់​ខួប​ 1ឆ្នាំ​របស់​ខ្លួន​ ក្នុង​ការ​បើក​ដំណើរការ​ហាង​ចុងក្រោយ​គេ​បង្អស់​របស់​ខ្លួន​នៅ​ឯផ្សារ​ទំនើប​ AEON​ Mall​ សែនសុខ​ រួម​ជាមួយ​វត្តមាន​ភ្ញៀវ​ជាតិ​ និង​អន្តរជាតិ​ តារា​កិត្តិយស​ដ៏​ស្រស់​ស្អាត​ជាច្រើន​រូប​ប្រចាំ​ព្រះរាជាណាចក្រ​កម្ពុជា​ផង​ដែរ​ ជាពិសេស​ជាង​នេះ​ទៅទៀត​ គឺ​វត្តមាន​តារា​កិត្តិយស​មក​ពី​ប្រទេស​ថៃ​គឺ​ កញ្ញា​ មីន​ ឆា​លីដា​ (Mint​ Chalida​)។

ការ​បង្ហាញខ្លួន​ដ៏​ស្រស់​ស្អាត​របស់​កញ្ញា​ មីន​ ឆា​លីដា​ (Mint​ Chalida​) រួម​ជាមួយ​កាបូបយួរ​ដៃ​ដ៏​ទាន់សម័យ​ដែល​ឌីហ្សាញ​ឡើង​យ៉ាង​ពិសេស​ដែល​មាន​លក្ខណៈ​ និង​រូបរាង​ជា​ឈើ​ឌីហ្សា​ញនៅ​ត្រង់កន្លែង​ដៃ​យួរ​នៃ​កាបូប​ រួម​ជាមួយនឹង​ម៉ូដ​ស្បែកជើងកែងចោត​សម្រាប់​រដូវ​ក្តៅ​ (Summer​ Collection​ ) ដែល​វា​ជា​ edition​ ថ្មី​ចុងក្រោយ​គេ​បង្អស់​របស់​ Charles​ &​ Keith​ ពិតជា​ធ្វើ​ឱ្យ​កញ្ញា​ មីន​ ឆា​លីដា​ (Mint​ Chalida​) កាន់​ស្រស់​ស្អាត​ឡើង​ថែមទៀត​។

មិន​ត្រឹមតែ​ប៉ុណ្ណោះ​ ក្នុង​កម្មវិធី​គម្រប់​ខួប​ 1ឆ្នាំ​របស់​ Charles​ &​Keith​ ក៏​មានការ​អញ្ជើញ​ចូលរួម​ពី​តារា​កិត្តិយស​ក្នុង​ព្រះរាជាណាចក្រ​កម្ពុជា​ដូចជា​ តារាចម្រៀង​ស្រី​ដ៏​ល្បីឈ្មោះ​ កញ្ញា​ រ៉េ​ត ស៊ូ​ហ្សា​ណា​ និង​តារា​ដែល​មាន​ប្រជាប្រិយ​ភាព​នៅ​តាម​បណ្ដាញ​សង្គម​ជាច្រើន​ ដូចជា​កញ្ញា​ ជេស៊ី​ កា​ កញ្ញា​ នេត​ រក្សា​ កញ្ញា​ នង​ ដេមី​ ​កញ្ញា​ ចាន់​ មិនា​ និង​កញ្ញា​ ដា​លី​ណា​។ កម្មវិធី​គម្រប់​ខួប​ 1ឆ្នាំ​របស់​ Charles​ &​ Keith​ ក៏បាន​នាំមក​នូវ​កាដូ​ពិសេស​បន្ថែម​ទៀត​ជូន​ដល់​ភ្ញៀវ​កិត្តិយស​ដែល​បាន​អញ្ជើញ​ចូលរួម​ក្នុង​កម្មវិធី​ ដោយមាន​ការ​ឌីហ្សាញ​ជា​ខ្សែដៃ​ភ្ជាប់​ជាមួយនឹង​ឈ្មោះ​របស់​អតិថិជន​តែម្តង​។

ភ្ញៀវ​ដែល​បាន​អញ្ជើញ​ចូលរួម​ទាំងអស់​បាន​រីករាយ​ជាមួយនឹង​ការ​ថតរូប​អនុស្សាវរីយ៍​ជាមួយ​កញ្ញា​ មីន​ ឆា​លីដា​ (Mint​ Chalida​) រួម​ជាមួយនឹង​តារា​កិត្តិយស​ជាច្រើន​រូប​ប្រចាំ​ព្រះរាជាណាចក្រ​កម្ពុជា​ផង​ដែរ​ លើស​ពីនោះ​ទៅទៀត​ គឺ​ភ្ញៀវ​បាន​រីករាយ​ជាមួយនឹង​ការ​ទទួលទាន​អាហារសម្រន់​ដ៏​ឆ្ងាញ់​ពិសា​ រួម​ជាមួយនឹង​ការ​ប្រគំ​បទភ្លេង​ពី​ DJ​ អា​ឡិច​ ម៉ាត​ទៀតផង​។