នៅសល់​តែ2ថ្ងៃ​ទៀត​ដល់​ថ្ងៃ​តាំងពិព័រណ៍​ឧត្តម​សិក្សា​ហើយ​ ​កុំ​ភ្លេច​ជួបគ្នា​ណា៎​ ​ប្អូន​ៗ​សិស្សានុសិស្ស​ទាំងអស់​!​

September 12, 2019​ ម៉ោង 10:09 am

​ប្អូន​ៗ​ដែល​ទើបតែ​ប្រឡង​សញ្ញាបត្រ​មធ្យមសិក្សា​ទុតិយភូមិ​ហើយ​ ​នៅពេល​នេះ​បានដឹង​ពី​លទ្ធិ​ផល​របស់​ខ្លួន​ហើយ​មែនទេ​?​ ​តោះ​ចឹង​សូម​ទៅ​ចូលរួម​នៅក្នុង​កម្មវិធី​តាំងពិព័រណ៍​ឧត្តម​សិក្សា​ទាំងអស់គ្នា​ណា៎​ ​ដើម្បី​បាន​ទទួល​ព័ត៌មាន​លម្អិត​ពីសា​លា​រៀន​ល្បី​ៗ​ ​ល្អ​ៗ​នៅក្នុង​ប្រទេស​ ​ក៏ដូចជា​នៅ​ក្រៅប្រទេស​ ​ព្រមទាំង​អាច​ទទួល​ព័ត៌មាន​ពី​កម្មវិធី​សិក្សា​ ​និង​មុខ​វិទ្យា​ដែល​ស្លួ​ន​ស្រឡាញ់​ពី​ពេញចិត្ត​ ​ដើម្បី​ឱ្យ​ប្អូន​ៗ​ងាយស្រួល​ក្នុង​ការ​ជ្រើសរើស​មុខ​វិទ្យា​ ​និង​សាកល​វិទ្យាល័យ​បាន​ត្រឹមត្រូវ​ ​និង​អាច​ចេញពី​ការ​ត្រូវជា​មួយ​នឹង​ចំណង់​ចំណូលចិត្ត​ ​និង​ជំនាញ​របស់​ខ្លួន​នា​ពេល​អនាគត​ផង​ដែរ​។​

​នៅសល់​តែ2ថ្ងែ​ទៀត​តែប៉ុណ្ណោះ​ ​ដល់​កម្មវិធី​ពិព័រណ៍​ឧត្តម​សិក្សា​ហើយ​ ​គឺ​នៅ​ថ្ងៃទី14​-​15​ ​ខែកញ្ញា​ ​ឆ្នាំ2019​ ​ដែល​ការ​តាំងពិព័រណ៍​នេះ​ប្រារព្ធ​ឡើងជា​លើក​ទី2​ ​ត្រូវ​បាន​រៀបចំឡើង​ក្នុង​គោលបំណង​តម្រង់​ទិ​សសិ​ស្សានុ​-​សិស្ស​ក្នុង​ការ​ជ្រើសរើស​មុខជំនាញ​ ​និង​ព័ត៌មាន​ទាក់ទង​នឹង​អាហារូបករណ៍​ដែល​ផ្តល់​ពីសា​កល​វិទ្យាល័យ​ ​និង​ស្ថាប័ន​អប់​រំ​ផ្សេង​ៗ​ ​ដែល​មានវត្តមានក្នុង​កម្មវិធី​។​ ​លើស​ពីនេះ​ទៅទៀត​ក្នុង​កម្មវិធី​ក៏​មាន​វា​គ្មិន​ល្បី​ៗ​មួយ​ដូចជា​លោកគ្រូ​ ​គូ​ ​សុភាព​ ​កញ្ញា​ ​អ៊ុង​ ​ច័ន្ទ​សោភា​ ​វី​ជេ​ ​ណា​ ​ណា​ ​និង​វាគ្មិន​មួយចំនួន​ទៀត​ ​ដើម្បី​ចែករំលែក​ចំណេះដឹង​ ​និង​បទ​ពិសោធ​ន៏​ល្អ​ៗ​ ​ទៅកាន់​អ្នកចូលរួម​ ​ជាពិសេស​សម្រាប់​សិស្សានុសិស្ស​ដែល​ទើបតែ​បញ្ចប់​ការ​ប្រឡង​សញ្ញាបត្រ​មធ្យមសិក្សា​ទុតិយភូមិ​នា​ពេល​ថ្មី​ៗ​នេះ​។​

​ខាងក្រោម​នេះ​ជាហេតុ​ផល​ ​៥យ៉ាងដែល​អ្នក​គួរ​ចូលរួម​ពិព័រណ៍​ឧត្តម​សិក្សា​នៅ​ឆ្នាំនេះ​៖​ ​
​1​.​ ​ទទួល​បាន​ព័ត៌មាន​សំ​ខាន់​ៗ​ពី​ការសិក្សា​នៅ​ថ្នាក់​ឧត្តម​សិក្សា​
​2​.​ ​ស្គាល់​ពីសា​កល​វិទ្យាល័យ​ល្បី​ៗ​នៅក្នុង​ទីក្រុង​ភ្នំពេញ​
​3​.​ ​ទទួល​បទពិសោធន៍​ពី​វា​គ្មិន​ល្អ​ៗ​ ​ជាច្រើន​រូប​ដូចដែល​បាន​រៀបរាប់​ខាងលើ​ ​
​4​.​ ​បង្កើន​ទំនាក់ទំនង​ក្នុង​សង្គម​ ​និង​បង្កើន​ភាព​ជឿជាក់​លើ​ខ្លួនឯង​
​5​.​ ​ទទួល​បាន​ភាព​សប្បាយរីករាយ​ជាមួយ​ល្បែង​កំសាន្ត​ ​និង​ការ​ប្រគំតន្ត្រី​ពីសំណាក់​សិល្បៈ​ករ​ជាច្រើន​រូប​ទៀត​។​ ​
​ការ​តាំងពិព័រណ៍​ឧត្តម​សិក្សា​នេះ​នឹង​ប្រារព្ធ​ឡើង​នៅ​ថ្ងៃទី14​ ​និង​ ​15​ ​ខែកញ្ញា​ ​ឆ្នាំ2019​ ​ដែល​មាន​ទីតាំង​ស្ថិតនៅ​បរិវេណ​ផ្សារ​ទំនើប​អូ​ឡាំ​ព្យា​ ​ជាន់ផ្ទាល់ដី​ ​ចាប់ពី​ម៉ោង9ព្រឹក​ ​ដល់ម៉ោង10យប់​។​ ​
​គួរ​បញ្ជាក់​ផង​ដែរ​ថា​កម្មវិធី​នេះ​ប្រារព្ធ​ឡើង​មួយឆ្នាំ​ម្តង​ ​ដែល​នេះ​ជា​លើក​ទី2ហើយ​ ​បន្ទាប់ពី​លើកទីមួយ​បាន​បាន​ប្រព្រឹត្តទៅ​យ៉ាង​ជោគជ័យ​។​ ​ដូចច្នេះ​ ​ដើម្បី​កុំឱ្យ​ឱកាស​ដ៏​ល្អ​នេះ​រំលង​ផុត​ទៅ​ឱ្យ​សោះ​ណា៎​!​ ​កុំ​ភ្លេច​ចូលរួម​ទាំងអស់គ្នា​!​ ​ ​ជួប​គ្នា​ឆាប់​ៗ​នេះ​នៅ​ផ្សារ​ទំនើប​អូ​ឡាំ​ព្យា​៕​

​សម្រាប់​ព័ត៌មាន​បន្ថែម​សូម​ទំនាក់ទំនង​អ្នកសម្របសម្រួល​កម្មវិធី​
​ឈ្មោះ​៖​ ​កញ្ញា​ ​ហៀម​ ​ចិ​ត្រា​ ​និង​ ​កញ្ញា​ ​តាន់​ ​គឹ​ម​ច័ន្ទ​វាសនា​
​លេខទូរស័ព្ទ​៖​ ​015​ ​935​ ​383​ ​/​ ​093​ ​643​ ​636​