សមាគមន៍សឹង្ហបុរីប្រចាំកម្ពុជា ប្រារព្ធពិធីបុណ្យសែនព្រះខែនៅសណ្ឋាគារហ៊ីម៉ាវ៉ារី

September 15, 2019​ ម៉ោង 6:51 am

នៅថ្ងៃទី ១២ ខែកញ្ញាឆ្នាំ ២០១៩ សមាគមន៍សឹង្ហបុរីប្រចាំកម្ពុជា ជាថ្មីម្តងទៀតបានប្រារព្ធពីធីបុណ្យសែនព្រះខែដោយមានការអញ្ជើញចូលរួមដោយប្រធាន និងសមាជិកសមាគមន៍សឹង្ហបុរីប្រចាំកម្ពុជា គ្រួសារជនជាតិសឹង្ហបុរីដែលមកធ្វើជំនួញ ឬ ធ្វើការស្នាក់នៅអចិន្ត្រៃយ៍ មកជួបជុំកម្សាន្ដដើម្បីបង្ហើតទំនាក់ទំនងល្អជាលក្ខណៈគ្រួសារសឹង្ហបុរី និងជួយយកអាសារគ្នាទៅវិញទៅមក។

កម្មវិធីមានការអញ្ជើញចូលរួមពីសំណាក់ ប្រជាជនកម្ពុជាផងដែរដោយកម្មវិធីរួមមាន ការសម្តែងភ្លេង របាំ នឹងចម្រៀងចិន បរិភោគអាហារ ញាំនំព្រះខែ បង្ហោះប៉េងប៉ោង ហើយក៏មានការ បង្រៀនកុមារតូចៗធ្វើគោមក្រដាស ធ្វើនំសែនព្រះខែ នឹងស្តាប់រឿងនិទាអំពីបុណ្យសែនព្រះខែនេះផងដែរ។

បុណ្យសែនេព្រះខែត្រូវាបានគេធ្វើឡើងជាង ៣០០០ឆ្នាំមុននៅប្រទេសចិន ពិធីនេះធ្វើឡើងដើម្បី ជួបជុំគ្រួសារមិត្តជិតឆ្ងាយ ហើយក៏ជាពិធីបុណ្យប្រមូលផលពេញនិយមមួយ ដែលត្រូវបានប្រារព្ធឡើងដោយជនជាតិចិន រហូតដល់ពេលបច្ចុប្បន្ន កម្មវិធីនេះត្រូវបានប្រារព្ធឡើង នៅតាមបណ្តាលប្រទេសផ្សេងៗមួយចំនួនទៀតផងនៅអាស៊ីដូចជា សិង្ហបុរី តៃវ៉ាន់ ហុងកុង វៀតណាម នឹង ប្រទេសកម្ពុជា ដែលឆ្នាំនេះ គេប្រារព្ធនៅថ្ងៃទី ១៣ កញ្ញា។