Federer ផ្តួល Bedene យ៉ាង​ងាយ ក្នុង ATP Halle

កីឡាករ​វាយកូន​បាល់ Roger Federer បាន​ចាប់​ផ្តើម​សប្តាហ៍​ចុងក្រោយ​នៃ​យុទ្ធ​នា​ការ​មុន​ព្រឹត្តិ​ការណ៍ Wimbledon តាម​រយៈ​ការ​​កត់​ត្រា​ជ័យជម្នះក្នុងលទ្ធ​ផល 6-3 និង​6-4 លើ​កីឡាករ​ស្លូវេ​នី AljazBedene កាល​ពី​ថ្ងៃ​អង្គារ ដើម្បី​ឈាន​ទៅ​ប្រកួត​ជុំ​ទី​2 ​នៃ​ព្រឹត្តិការណ៍​វាល​ស្មៅ ATP Halle​។

កីឡាករ​មាន​ចំណាត់​ថ្នាក់​លេខ​1 ​ក្នុង​ពិភព​លោក​រូបនេះ ត្រូវ​តែ​ប្រជែង​យក​ពាន​​ជាលើក​ទី​10 ​របស់​គេ​​ក្នុង​យុទ្ធ​នា​ការនេះ​នៅថ្ងៃ​អាទិត្យឱ្យបាន ដើម្បី​​រក្សា​ការ​ស្ថិតក្នុង​ចំណាត់​ថ្នាក់​​កំពូល​របស់​ខ្លួន និង​ធ្វើ​ឱ្យ​រូប​គេ​ស្ថិតក្នុង​ចំណាត់ថ្នាក់​​លេខ​1 ​ប្រចាំ​ព្រឹត្តិ​ការណ៍ Wimbledon ដែល​នឹង​ចាប់​ផ្តើម​ក្នុង​រយៈ​ពេល​ 1​សប្តាហ៍​ទៀត​នា​ថ្ងៃ​ចន្ទ​។ Federer បាន​ឱ្យ​ដឹង​ថា៖ «ខ្ញុំ​បាន​​វាយ​​យ៉ាងល្អ ហើយ​ខ្ញុំ​ក៏មាន​អារម្មណ៍​ល្អ​ផងដែរ​​។ នេះ​គឺជា​ទីលាន​ដ៏​ងាយស្រួល​មួយ​ក្នុង​ការ​លេង បើ​ធៀប​ទៅនឹង​សប្តាហ៍មុន​ក្នុង​ទីក្រុង Stuttgart​»​។ កីឡាករ​វាយ​កូន​បាល់​សញ្ជាតិ​ស្វ៊ីស​រូបនេះ បាន​បន្ថែម​ទៀត​ថា៖ «កូន​បាល់​លោត​យ៉ាង​ខ្ពស់​ចូល​មក​កាន់​ទី​តាំង​របស់​ខ្ញុំ​។ ខ្ញុំ​​បាន​វាយ​យ៉ាងល្អ​ត្រឡប់​ទៅ​វិញ ហើយ​​ខ្ញុំ​អាច​ដឹង​ពី​ទិស​នៃ​ការ​វាយ​សេ​វា​របស់​គេ​។ ខ្ញុំ​​លេង​បាន​យ៉ាង​រឹង​នាំ​ក្នុង​សិត​ទី​1 នៅពេល​ដែល​ខ្ញុំ​បាន​រក​ឃើញ​​ពី​របៀប​​ក្នុង​ការ​​បំ​បែក​ទម្រង់​លេង​របស់​គេ​។ ក្នុង​សិតទី​2 ខ្ញុំ​អាច​វាយ​សេវា​បាន​យ៉ាងល្អ​»​៕

ប្រភព​ពី៖ Channel News Asia

Advertisement