ថៃ ជួបវិបត្តិពិបាករកគ្រូបង្វឹកបរទេសមកដឹកនាំ (ខុសដាច់ពីកម្ពុជា)

April 11, 2019​ ម៉ោង 12:51 pm

ក្រុមបាល់ទាត់ជម្រើសជាតិថៃនៅពេលនេះ មិនទាន់រកបានគ្រូបង្វឹកដែលល្អសម្រាប់ដឹកនាំក្រុមដំរីសឹករបស់ខ្លួនបាននៅឡើយទេ ខណៈដែលគ្រូបង្វឹកបណ្តោះអាសន្ន គឺជាជនជាតិថៃ និងជាអតីតអ្នកចាត់ការក្រុមជម្រើសជាតិថៃ។

សហព័ន្ធកីឡាបាល់ទាត់ថៃបានទាក់ទងគ្រូបង្វឹកសញ្ជាតិផ្សេងៗគ្នាចំនួន 4នាក់ហើយ មានដូចជា ក្រូអាត អាល្លីម៉ង់ អេស្ប៉ាញ និងអង់គ្លេស ប៉ុន្តែមិនទទួលបានលទ្ធផលវិជ្ជមានឡើយ តែទោះជាយ៉ាងណា សហព័ន្ធកីឡាបាល់ទាត់ថៃបានប្តេជ្ញាចិត្តថា នឹងស្វែងរកគ្រូបង្វឹកដែលល្បីល្បាញ និងខ្លាំងពូកែមកដឹកនាំក្រុមបាល់ទាត់ជម្រើសជាតិរបស់គេឱ្យបាន។

គួររំឭកផងដែរថា សហព័ន្ធកីឡាបាល់ទាត់ថៃបានដកគ្រូបង្វឹករបស់ខ្លួនចេញពីតំណែងភ្លាមៗក្នុងព្រឹត្តិការណ៍បាល់ទាត់អាស៊ី AFC ASIAN CUP ក្រោយចាញ់ក្រុមឥណ្ឌាយ៉ាងទក់សាច់ 4ទល់នឹង1៕