ក្តៅ​ៗ​ ​លទ្ធផល​ចាប់​ពូល​ពានរង្វាន់​ ​AFC​ ​U16​ ​Championship​ ​កម្ពុជា​ស្ថិតនៅ​ក្នុង​ពូល​ ​J​

May 21, 2019​ ម៉ោង 10:24 am

​កាលពី​ពេល​ថ្មី​ៗ​នេះ​ ​សហព័ន្ធ​កីឡាបាល់ទាត់​ទ្វីបអាស៊ី​ ​បាន​ធ្វើការ​ចាប់​ពូល​សម្រាប់​ការប្រកួត​វគ្គ​ជម្រុះ​នៃ​ពានរង្វាន់​យុវជន​អាស៊ី​អាយុ​ក្រោម​ ​16ឆ្នាំ​ ​និង​ជា​លទ្ធផល​ ​ក្រុមជម្រើសជាតិ​កម្ពុជា​អាយុ​ក្រោម​ ​16ឆ្នាំ​បាន​ស្ថិតនៅ​ក្នុង​ពូល​ ​J​ ​ជាមួយ​ម្ចាស់ផ្ទះ​ឡាវ​ ​ក្រុម​ខ្លាំង​ជប៉ុន​ ​និង​ម៉ាឡេស៊ី​។​

​តាម​ការ​គ្រោងទុក​ ​ការប្រកួត​វគ្គ​ជម្រុះ​ពានរង្វាន់​យុវជន​អាស៊ី​អាយុ​ក្រោម​ ​16ឆ្នាំនេះ​ ​គ្រោង​នឹង​ធ្វើឡើង​នៅ​ខែកញ្ញា​ ​ដោយ​ចម្រាញ់​យក​ក្រុម​លេខ1​ ​ប្រចាំ​ពូល​នី​មួយ​ៗ​ ​បូក​ជាមួយនឹង​ក្រុម​លេខ2​ ​ល្អ​បំផុត​ចំនួន​ ​5ក្រុម​ទៀត​ ​ដើម្បី​កក់​កៅអី​ទៅ​វគ្គ​ចាប់​ពូល​បន្ត​ទៀត​នៃ​ការប្រកួត​ពានរង្វាន់​យុវជន​អាស៊ី​អាយុ​ក្រោម​ ​16ឆ្នាំ​ ​ដែល​នឹង​ត្រូវ​ធ្វើឡើង​នា​ឆ្នាំ2020​ ​នៅ​លើទឹក​ដី​ប្រទេស​សិង្ហបុរី​៕​