ធារី​ ​ចន្ថា​ប៊ី​ន​ ​ទាត់​បាល់​ហ្វ្​រ៊ី​ឃិក​បញ្ចូល​ទី​យ៉ាង​ល្អ​ ​នៅ​ឯ​លី​ក​កំពូល​ម៉ាឡេស៊ី​

June 20, 2019​ ម៉ោង 2:43 pm

​ធារី​ ​ចន្ថា​ប៊ី​ន​ ​ដែល​កំពុង​ប្រកប​អាជីព​បាល់ទាត់​នៅ​ឯ​លី​ក​កំពូល​របស់​ម៉ាឡេស៊ី​ ​បាន​ទាត់បាល់​ស៊ុត​បញ្ចូល​ទី​បាន​ ​1គ្រាប់​ហើយ​សម្រាប់​រដូវ​កាល2019​ ​ដែល​នេះ​ក៏​ជាគ្រាប់​ទី2​ ​ដែរ​ក្នុង​ការ​ប្រកប​អាជីព​របស់​គេ​នៅ​ឯ​លី​ក​កំពូល​ម៉ាឡេស៊ី​។

កាលពី​រដូវ​កាលមុន​(​ឆ្នាំ2018​)​ ​ធារី​ ​ចន្ថា​ប៊ី​ន​ ​ក៏​រក​គ្រាប់​បាល់​បាន​ ​1គ្រាប់​ផង​ដែរ​។​ ​ដូចនេះ​បើ​គិត​មកទល់​ពេលនេះ​ ​កីឡាករ​ខ្សែការពារ​ម្នាក់​នេះ​ ​រក​គ្រាប់​បាល់​បាន​សរុប​ ​2គ្រាប់​ហើយ​ ​ដោយ​បាន​ឈរ​ជា​កីឡាករ​កម្ពុជា​ដែល​រក​គ្រាប់​បាល់​បាន​ច្រើនជាង​គេ​នៅក្នុង​លី​ក​កំពូល​របស់​ម៉ាឡេស៊ី​ ​បន្ទាប់ពី​ចាន់​ ​វឌ្ឍនា​កា​ ​(​ខ្សែបម្រើ​-​ប្រយុទ្ធ​)​ ​ដែល​រកបាន​សរុប​ ​3គ្រាប់​។

​សរុប​មក​មាន​កីឡាករ​កម្ពុជា​ចំនួន​ ​4រូប​ហើយដែល​ទៅ​ប្រកប​អាជីព​នៅ​ម៉ាឡេស៊ី​ ​និង​មាន​កីឡាករ​ ​3រូប​ដែល​អាច​រក​គ្រាប់​បាល់​បាន​ដែល​រួមមាន​ ​ចាន់​ ​វឌ្ឍនា​កា​ ​(​3គ្រាប់​)​ ​ធារី​ ​ចន្ថា​ប៊ី​ន​ ​(​2គ្រាប់​)​ ​និង​កែវ​ ​សុខ​ផេង​ ​(​1គ្រាប់​)​៕​