គ្រូបង្វឹក​ម៉ាឡេស៊ី​ ​ថា​ ​គូប្រជែង​ពានរង្វាន់​ ​AFF​ ​U18​ ​របស់​គេ​ ​គឺ​ ​ថៃ​ ​វៀតណាម​ ​និង​អូស្ត្រាលី​

July 10, 2019​ ម៉ោង 10:50 am

​គ្រូបង្វឹក​របស់​ក្រុមបាល់ទាត់​ជម្រើសជាតិ​អាយុ​ក្រោម​អាយុ​ ​18ឆ្នាំ​របស់​ម៉ាឡេស៊ី​បាន​ព្រលយ​ពាក្យ​សម្តី​មុននឹង​ការប្រកួត​ឈាន​មកដល់​ថា​ ​ក្រុម​ដែល​ជាគូ​ប្រកួត​របស់​គេ​ក្នុង​ការ​ប្រជែង​ពាន​ក្នុង​ឆ្នាំនេះ​គឺ​ ​ថៃ​ ​អូស្ត្រាលី​ ​និង​វៀតណាម​ ​ខណៈ​ដែល​ក្រុម​រួម​ពូល​ជាមួយនឹង​គេ​ ​2ប្រទេស​ទៀត​គឺ​ ​កម្ពុជា​ ​និង​សិង្ហបុរី​ ​ត្រូវ​បាន​គ្រូបង្វឹក​រូប​នេះ​មិន​ចាត់ទុកជា​គូប្រកួត​ក្នុង​ក្រសែភ្នែក​របស់​លោក​ឡើយ​។​

​ការប្រកួត​ពានរង្វាន់​ ​AFF​ ​Under​ ​18​ ​2019​ ​Championship​ ​ឆ្នាំនេះ​គ្រោង​នឹង​ធ្វើឡើង​នៅ​ប្រទេស​ថៃ​ ​ចាប់ពី​ពាក់កណ្តាល​ខែកក្កដា​នេះ​តទៅ​ ​ហើយ​ម៉ាឡេស៊ី​បាន​ស្ថិតនៅ​ក្នុង​ពូល​ ​B​ ​រួម​ជាមួយនឹង​កម្ពុជា​ ​ថៃ​ ​វៀតណាម​ ​អូស្ត្រាលី​ ​និង​សិង្ហបុរី​៕​