បើគិតមកទល់នឹងពេលនេះ កីឡាករខ្សែក្រវាត់ WBA Asia កម្ពុជា អេរិក ប៉ែនភារុន មិនទាន់ស្គាល់ពាក្យថា ចាញ់នៅឡើយទេ ដោយរូបគេប្រកួតបាន 4លើក ឈ្នះទាំង 4លើក។
យ៉ាងណាមិញ ការប្រកួតកាលពីពេលថ្មីៗនេះមួយទៀតនាចុងសប្តាហ៍កន្លងទៅ កីឡាករកម្ពុជា អេរិក ប៉ែនភារុន បានផ្តួលកីឡាករជើងខ្លាំងមកពីឥណ្ឌូនេស៊ី David Koswara ឱ្យសន្លប់ក្នុងទឹកទី1 ក្នុងការប្រកួតក្នុងប្រភេទទម្ងន់ធ្ងន់ 100គីឡូក្រាមនៅឯប្រទេសហ្វីលីពីន។
អ្នកប្រដាល់វ័យ 26ឆ្នាំរូបនេះបានបន្ថែមទៀតថា បើទោះជាការប្រកួតប៉ុន្មានថ្ងៃមុននេះ ជាការប្រកួតធម្មតា មិនមែនជាការពារខ្សែក្រវាត់ក៏ដោយ ប៉ុន្តែវាជាការប្រកួតសំខាន់ជានិច្ចសម្រាប់រូបគេ ហើយគេគិតថា ការប្រកួតលើកក្រោយៗរបស់គេ អាចជាការប្រកួតធំជាងនេះ ឬអាចជាការប្រកួតដណ្តើមខ្សែក្រវាត់ពិភពលោកតែម្ដងក៏អាចថាបានដែរ៕
