ក្រុមជម្រើសជាតិ​ថៃ​ទទួល​បាន​រង្វាន់​ ​30ម៉ឺន​ដុល្លា​ ​ក្រោយ​ឈ្នះ​ឥណ្ឌូ​នេ​ស៊ីក្នុង​វគ្គ​ជម្រុះ​ ​World​ ​Cup​

September 16, 2019​ ម៉ោង 7:56 pm

​ក្រុមបាល់ទាត់​ជម្រើសជាតិ​នៃ​ប្រទេស​ថៃ​បាន​ទទួល​ប្រាក់​រង្វាន់​ចំនួន​ ​30ម៉ឺន​ដុល្លា​ពី​សហព័ន្ធ​កីឡាបាល់ទាត់​ថៃ​ ​ក្រោយពេល​ដែល​ក្រុម​មួយ​នេះ​បាន​យកឈ្នះ​លើ​ក្រុម​ជម្រើស​ជា​តិ​ឥណ្ឌូ​នេ​ស៊ី​ដោយ​លទ្ធផល​ ​3ទល់នឹង0​ ​នៅ​លើទឹក​ដី​ប្រទេស​ឥណ្ឌូ​នេ​ស៊ីក្នុង​វគ្គ​ជម្រុះ​ ​World​ ​Cup​។​

​ប្រាក់​រង្វាន់​ទាំងអស់​នេះ​ ​គឺ​សហព័ន្ធ​កីឡាបាល់ទាត់​របស់​ប្រទេស​ថៃ​ ​និង​ក្រុមហ៊ុន​ឧបត្ថម្ភ​ ​បាន​សន្យា​ប្រគល់​ឱ្យ​ដោយ​រាប់​តាម​ចំនួន​គ្រាប់​ដែល​បាន​ស៊ុត​ចូល​ទី​ ​គឺ​ក្នុង​ ​1គ្រាប់​ ​10ម៉ឺន​ដុល្លា​។​

​គួរ​បញ្ជាក់​ផង​ដែរ​ថា​ ​ក្រុមបាល់ទាត់​ជម្រើសជាតិ​ថៃ​ស្ថិតនៅ​ក្នុង​ពូល​ ​G​ ​ជាមួយនឹង​ក្រុមជម្រើសជាតិ​នៃ​ប្រទេស​ម៉ាឡេស៊ី​ ​វៀតណាម​ ​ឥណ្ឌូ​នេ​ស៊ី​ ​និង​អារ៉ាប់រួម​៕​