AFC​ ​U19​ ​ប្រកួត​លើក​ទី2​ ​កម្ពុជា​ត្រូវ​ជួប​ជាមួយនឹង​កោះ​ម៉ា​រី​ណា​ខាងជើង​

November 4, 2019​ ម៉ោង 4:17 pm

​កាលពី​ថ្ងៃ​សៅរ៏​ ​ទី2​ ​ខែវិច្ឆិកា​ ​ឆ្នាំ2019​ ​យុវជន​គោព្រៃ​កម្ពុជា​ ​បាន​ប្រកួត​ចាញ់​ក្រុម​ខ្លារខិន​ម៉ាឡេស៊ី​ ​ដោយ​លទ្ធផល​ ​4​ ​ទល់នឹង5​ ​ទោះបីជា​ក្រុម​ម៉ាឡេស៊ី​ទទួលរង​កាត​ក្រហម2​ ​និង​នៅសល់​កីឡាករ​តែ​ ​9នាក់​លេង​ទល់នឹង​កម្ពុជា​ ​11នាក់​ក៏ដោយ​។​

​ចំណែក​ឯ​ល្ងាច​ថ្ងៃទី8​ ​ខែវិច្ឆិកា​ ​ឆ្នាំ2019​ ​ខាងមុខ​វិញ​ ​ក្រុមបាល់ទាត់​ជម្រើសជាតិ​យុវជន​អាយុ​ក្រោម​ ​19ឆ្នាំ​កម្ពុជា​ ​នឹង​ត្រូវ​ជួប​ជាមួយនឹង​ក្រុម​កោះ​ម៉ា​រី​ណា​ខាងជើង​ជា​បន្ត​នៅ​ពហុ​កីឡដ្ឋាន​ជាតិ​ ​ចាប់ពី​វេលា​ម៉ោង6​ ​និង30នាទី​ ​ល្ងាច​តទៅ​។​
​គួរ​រំឭក​ដែរ​ថា​ ​កម្ពុជា​កំពុង​ធ្វើជា​ម្ចាស់ផ្ទះ​វគ្គ​ជម្រុះ​ពានរង្វាន់​ ​AFC​ ​U​-​19​ ​Championship​ ​2019​ ​ពូល​ ​C​ ​ដែល​មាន​ប្រទេស​ចូលរួម​ចំនួន5​ ​គឺ​ថៃ​ ​ម៉ាឡេស៊ី​ ​ប្រ៊ុយណេ​ ​កោះ​ម៉ា​រី​ណា​ខាងជើង​ ​និង​ម្ចាស់ផ្ទះ​កម្ពុជា​៕​