ស៊ីហ្គេមលើកទី30 ឆ្នាំ2019 នៅប្រទេសហ្វីលីពីនលើកនេះ ក្រៅពីបញ្ហាកីឡដ្ឋានដែលត្រូវរៀបចំការប្រកួត ស្ថិតនៅក្នុងស្ថានភាពកំពុងសាងសង់ស្ទើរតែទាំងស្រុង លើកលែងតែទីលានបាល់ទាត់ និងកន្លែងទស្សនាហើយនោះ ក្នុងនោះដែរគេសង្កេតឃើញផ្នែកបន្ទប់ទឹកនារីនៅក្នុងកីឡដ្ឋាន Rizal Memorial Stadium ដែលកម្ពុជាត្រូវប្រកួតទល់នឹងម្ចាស់ផ្ទះហ្វីលីពីនកាលពីយប់មិញនេះ ក៏នៅមិនទាន់បានសាងសង់រួចរាល់ហើយដែរ និងថែមទាំងមិនមានទ្វារ ឬអ្វីសម្រាប់ឃាំងឱ្យដាច់ដោយឡែកពីគ្នាទៀតផង។
គួរបញ្ជាក់ផងដែរថា ការប្រកួតបាល់ទាត់បុរសកាលពីយបមិញ បានបង្កឱ្យមានការភ្ញាក់ផ្អើលយ៉ាងខ្លាំងនៅពេលដែលក្រុមយុវជនអាយុក្រោម 22ឆ្នាំកម្ពុជា ធ្វើបានត្រឹមស្មើនឹងក្រុមអន់បំផុតប្រចាំតំបន់អាស៊ានមួយនេះក្នុងលទ្ធផល 1ទល់នឹង1 ទោះបីជាកម្ពុជាបាននាំមុខក្រុមម្ចាស់ផ្ទះតាំងពីតង់ទី1 ហើយក្តី៕
