សម្ទុះ​រីកចម្រើន​នៃ​វិស័យ​មូលបត្រ​ ឆ្នាំ2019​ នឹង​ជំរុញ​កំណើន​ក្រុមហ៊ុន​ចុះបញ្ជី​ក្នុង​ឆ្នាំនេះ​

សម្ទុះ​នៃ​ការ​រីក​ធំធាត់​របស់​វិស័យ​មូលបត្រ​នៅ​កម្ពុជា​នឹង​ជំរុញ​ឱ្យ​មានការ​ទាក់ទាញ​ក្រុមហ៊ុន​ជាច្រើន​បន្ថែម​ទៀត​មក​ចុះបញ្ជី​ ខណៈ​ឆ្នាំ2020​ នេះ​រំពឹង​នឹង​មាន​ក្រុមហ៊ុន​ចំនួន7​ នឹង​ឈានជើង​ចូលក្នុង​ទីផ្សារ​មូលបត្រ​កម្ពុជា​ ដែល​ក្នុង​នោះ​មាន​ក្រុមហ៊ុន​ចំនួន4​ នឹង​ចុះបញ្ជី​លក់​មូល​បត្រ​កម្ម​សិ​ទិ្ធ​ និង​ក្រុមហ៊ុន​ចំនួន3​ ចុះបញ្ជី​លក់​មូលបត្រ​បំណុល​។ នេះ​បើ​តាម​ការ​ថ្លែង​របស់​មន្ត្រី​ជាន់ខ្ពស់​នៃ​ផ្សារ​មូលបត្រ​កម្ពុជា​ (CSX​) នៅក្នុង​សន្និសីទ​សារព័ត៌មាន​ស្តី​ពី​ “ទស្សនវិស័យ​លើ​វិស័យ​មូលបត្រ​នៅ​កម្ពុជា​ក្នុង​ឆ្នាំ2020​”។

ឯកឧត្តម​ ហុង​ សុ​ហួរ​ អគ្គនាយក​ក្រុមហ៊ុន​ផ្សារ​មូលបត្រ​កម្ពុជា​ ឬផ.ម.ក​ បាន​មានប្រសាសន៍​ថា​៖“យ៉ាងហោចណាស់​ក៏​មាន​ក្រុមហ៊ុន​ចំនួន7​ ដែរ​ដែល​នឹង​ត្រូវ​ចុះបញ្ជី​នៅក្នុង​ផ្សារ​មូលបត្រ​ក្នុង​ស្រុកក្នុង​ឆ្នាំនេះ​ ដែល​ចំនួន​នេះ​ស្ទើរតែ​កើនឡើង​ទ្វេដង​នៃ​ចំនួន​ក្រុមហ៊ុន​បច្ចុប្បន្ន​ ដែល​បាន​ចុះបញ្ជី​នៅ​ផ្សារ​មូលបត្រ​ ហើយ​យើង​រំពឹង​ថា​ ការ​ហូរ​ចូល​យ៉ាង​ឆាប់រហ័ស​នេះ​ នឹង​ទាក់ទាញ​ចំណាប់​អារម្មណ៍​កាន់តែ​ច្រើន​ពីសា​ធារ​ណជន​ចំពោះ​ទីផ្សារ​មូលបត្រ​របស់​ប្រទេស​”។

ឯកឧត្តម​ សុ​ហួរ​ បាន​អះអាង​ថា​៖“កត្តា​ដែល​ធ្វើ​ឱ្យ​វិស័យ​មូលបត្រ​រីក​ធំធាត់​ គឺ​ដោយសារតែ​ក្នុង​ឆ្នាំ2019​ កន្លងទៅ​ វិស័យ​មូលបត្រ​បានសម្រេច​នូវ​កំណើន​ដ៏​ខ្ពស់​ ដោយ​កើន​ខ្ពស់​រហូតដល់​ 870.65​ពិន្ទុ​ ស្រប​ពេល​ដែល​មូល​ធននូ​បនី​យក​ម្ម​ទីផ្សារ​(តម្លៃ​ភាគហ៊ុន​ក្រុមហ៊ុន​ ចុះបញ្ជី​ក្នុង​ផ្សារ​មូលបត្រ​ទាំងអស់​) កើនឡើង​ខ្ពស់​បំផុត​ដល់​ 802លាន​ដុល្លារ​។ ទន្ទឹម​នឹង​នេះ​ទំហំ​នៃ​ការ​ជួញដូរ​ភាគហ៊ុន​បាន​ហក់​ឡើង​ខ្ពស់​បំផុត​រហូតដល់​ 30លាន​ដុល្លារ​ខណៈ​បរិមាណ​ជួញដូរ​ភាគហ៊ុន​មាន​ចំនួន​ 9.45លាន​ហ៊ុន​ ដែល​ជា​តួលេខ​ខ្ពស់​បំផុត​មិនធ្លាប់​មាន​ក្នុង​ផ្សារ​មូលបត្រ​កម្ពុជា​”។

ឯកឧត្តម​ ហុង​ សុ​ហួរ​ បាន​បញ្ជាក់​ថា​៖“កត្តា​ទាំងនេះ​បញ្ជាក់​ថា​ នេះ​ជា​ការ​ចាប់ផ្ដើម​រីក​ធំ​ធា​ត់​ឡើង​ៗនៃ​វិស័យ​មូលបត្រ​ ហើយក៏​ជា​ការ​ទាក់ទាញ​ក្រុមហ៊ុន​ឱ្យមក​ចុះបញ្ជី​ផង​ដែរ​។

ជាក់ស្ដែង​ក្នុង​ឆ្នាំ2020​ នេះ​ ជាមួយនឹង​លក្ខខណ្ឌ​អំណោយផល​ជាច្រើន​ ដូចជា​កំណើន​សេដ្ឋកិច្ច​នៅតែ​បន្ដ​កើនឡើង​ ការ​ផ្ដល់​ការ​លើកទឹកចិត្ត​រឿង​ពន្ធដារ​ក្នុង​វិស័យ​មូលបត្រ​ ការ​ស្ទុះ​ងើបឡើង​នៃ​ក្រុមហ៊ុន​ដែល​មានបំណង​ចុះបញ្ជី​ ការ​ឈានជើង​ចូល​ទីផ្សារ​របស់​ធនា​គារ​ធំៗ​ក្នុង​ស្រុក​ ក៏ដូចជា​សញ្ញា​វិជ្ជមាន​នៃ​ការចូលរួម​របស់​ប្រជាជន​កម្ពុជា​ក្នុង​ការ​វិនិយោគ​ដែរ​”។

សូម​បញ្ជាក់​ថា​ សន្និសីទ​ស្តី​ពី​“ទស្សនវិស័យ​នៃ​វិស័យ​មូលបត្រ​នៅ​កម្ពុជា​ឆ្នាំ2020​”ដែល​បាន​រៀបចំ​ឡើង​ដើម្បី​បង្ហាញ​ពី​សមិទ្ធផល​សំ​ខាន់​ៗរបស់​ផ្សារ​មូលបត្រ​នៅក្នុង​ឆ្នាំ2020​ ក៏ដូចជា​ចក្ខុវិស័យ​ និង​ទិសដៅ​យុទ្ធ​សា​ស្ដ្ររបស់​ផ្សារ​មូលបត្រ​ក្នុង​ឆ្នាំ2020​ នេះ​ គឺ​ក្នុង​គោលបំណង​លើកកម្ពស់​នូវ​ការ​អភិវឌ្ឍ​ទីផ្សារ​ប្រកបដោយ​ចីរភាព​ និង​វឌ្ឍនភាព​ និង​ដើម្បី​ជា​ធាតុ​ចូល​សម្រាប់​ការ​វិនិយោគ​ជាតិ​ និង​អន្ដរ​ជាតិ​ ស្ថាប័ន​ពាក់ព័ន្ធ​នានា​ ក៏ដូចជា​សាធារណជន​ទូទៅ​ប្រើប្រាស់​ក្នុង​គោលដៅ​នានា​។

លោក​ ហា​ ជុ​នវ៉ុន​ អ្នកយុទ្ធសាស្ត្រ​ទីផ្សារ​ និង​ជានា​យក​រង​នៅ​ផ្សារ​មូលបត្រ​កម្ពុជា​បាន​ចង្អុល​បង្ហាញថា​ មូលធននីយកម្ម​ទីផ្សារ​ក៏​ជួបប្រទះ​នូវ​ការ​កើនឡើង​គួរ​ឱ្យ​កត់សម្គាល់​ដែរ​។

គិត​ត្រឹម​ដំណាច់ឆ្នាំ2018​ មានត្រឹមតែ​ប្រមាណ​ 442.92លាន​ដុល្លារ​ប៉ុណ្ណោះ​ តែ​គិត​មក​ត្រឹម​ថ្ងៃទី31​ ខែធ្នូ​ ឆ្នាំ2019​ វា​បាន​កើនឡើង​ដល់​ 70.15លាន​ដុល្លារ​ ដែល​ជា​ការ​កើន​ឡើង​ 57,7​%បើ​ប្រៀបធៀប​នឹង​ឆ្នាំ2018​។ តម្លៃ​ជួញដូរ​ជាមធ្យម​ប្រចាំថ្ងៃ​ក្នុង​ឆ្នាំ2019​ គឺ​ 157,045​ដុល្លារ​ក្នុង​ 1ថ្ងៃ​។ បើ​ប្រៀបធៀប​ជាមួយ​ឆ្នាំ2018​ តួលេខ​នេះ​មានការ​កើនឡើង​ 4.9ដង​។ម្យ៉ាងវិញទៀត​

Advertisement