ប្រភេទ​រថយន្ត​ខ្នាត​តូច​ ជាប់​ឈ្មោះ​ក្នុង​លំដាប់​ Top​ 10​ ដែល​លក់ដាច់​បំផុត​នៅ​ជប៉ុន​

January 21, 2020​ ម៉ោង 11:28 am

រថយន្ត​ខ្នាត​តូច​ (Kei​ cars​) ឬហៅ​ថា​ microvans​ ឬរថយន្ត​ mini​ កំពុងតែ​គ្រប់គ្រង​ទីផ្សារ​រថយន្ត​នៅ​រាជាណាចក្រ​ជប៉ុន​នា​ពេល​បច្ចុប្បន្ន​។ យោង​តាម​សមាគម​អ្នកផ្គត់ផ្គង់​រថយន្ត​នៅ​ជប៉ុន​ មាន​ 5ក្នុងចំណោម​8 នៃ​ប្រភេទ​រថយន្ត​ដែល​លក់ដាច់​ជាងគេ​នៅ​ជប៉ុន​ក្នុង​ឆ្នាំ​2019​ នោះ​គឺ​រថយន្ត​ខ្នាត​តូច​ប្រភេទ​ Kei​។

ក្នុងចំណោម​ប្រភេទ​រថយន្ត​ខ្នាត​តូច​ដែល​មានឈ្មោះ​ក្នុង​បញ្ជី​ឈ្មោះ​រថយន្ត​ដែល​លក់ដាច់​ច្រើន​បំផុត​ Honda​ N-Box​ គឺជា​រថយន្ត​ដែល​ស្ថិត​ក្នុង​លំដាប់​ជួរមុខ​គេ​ ហើយ​ឆ្នាំ​2019​ គឺជា​ឆ្នាំទី3​ ហើយដែល​វា​ដណ្ដើម​បាន​ចំណាត់ថ្នាក់​លេខ1​ ដោយ​លក់​បាន​ចំនួន​ 250,500​ គ្រឿង​។ សម្រាប់​រថយន្ត​ N-Box​ នេះ​ រូបរាង​របស់​វា​ ស្រដៀង​ទៅ​នឹង​ឈ្មោះ​របស់​វា​ ពោល​គឺ​ វា​ដូចជា​ប្រអប់​មួយ​ដ៏​ស្រស់​ស្អាត​ ដើម្បី​កាត់បន្ថយ​ទំហំ​រថយន្ត​ និង​បង្កើន​ទំហំ​នៃ​ឧបករណ៍​ខាងក្នុង​រថយន្ត​។

ប្រភេទ​រថយន្ត​ខ្នាត​តូច​ ជាប់​ឈ្មោះ​ក្នុង​លំដាប់​ Top​ 10​ ដែល​លក់ដាច់​បំផុត​នៅ​ជប៉ុន​គេ​សង្កេតឃើញ​ថា​ រថយន្ត​ខ្នាត​តូច​ស្ទើរតែ​ទាំងអស់​ក្នុង​ពិភពលោក​ សុទ្ធតែ​ត្រូវ​បាន​ផលិត​ឡើង​ក្នុង​ប្រទេស​ជប៉ុន​។ រថយន្ត​ម៉ាក​ Daihatsu​ ចំនួន​ 2ប្រភេទ​គឺ​ Tanto​ និង​ Move​ ក៏​មានឈ្មោះ​ក្នុង​បញ្ជី​នៃ​រថយន្ត​ដែល​លក់ដាច់​បំផុត​ក្នុង​ឆ្នាំ​2019​ ដែរ​។ ចំណែក​រថយន្ត​ដែល​មិនមែន​ជា​ប្រភេទ​ Kei​ ក្នុង​ top​ 10​ ក៏​សុទ្ធតែ​ត្រូវ​បាន​ផលិត​ដោយក្រុម​ហ៊ុន​ Toyota​ ដែរ​។

ប្រភេទ​រថយន្ត​ខ្នាត​តូច​ ជាប់​ឈ្មោះ​ក្នុង​លំដាប់​ Top​ 10​ ដែល​លក់ដាច់​បំផុត​នៅ​ជប៉ុន​
រថយន្ត​ខ្នាត​តូច​ប្រភេទ​ Kei​ ជាទូទៅ​មាន​បណ្ដោយ​ប្រវែង​ 3.4​ម៉ែត្រ​ កម្ពស់​ 2ម៉ែត្រ​ និង​ទទឹង​1.48​ម៉ែត្រ​។ ទំហំ​នៃ​ម៉ាស៊ីន​ត្រូវ​បាន​កំណត់​ត្រឹម​ 0.66​លីត្រ​។ ប្រភេទ​រថយន្ត​ខាងលើ​នេះ​ បាន​ទទួលផល​ប្រយោជន៍​ច្រើន​ទាក់ទិន​នឹង​ការ​បង់ថ្លៃ​ពន្ធ​ និង​ធានារ៉ាប់រង​ល្អ​បំផុត​នៅ​ជប៉ុន​ ព្រោះថា​ ប្រទេស​នេះ​ចង់​កាត់បន្ថយ​ចំនួន​នៃ​ប្រភេទ​រថយន្ត​ខ្នាត​ធំ​ ដោយ​លើកទឹកចិត្ត​ពលរដ្ឋ​ឱ្យ​ងាក​មក​ប្រើ​រថយន្ត​ខ្នាត​តូច​វិញ​។

ប្រភេទ​រថយន្ត​ខ្នាត​តូច​ ជាប់​ឈ្មោះ​ក្នុង​លំដាប់​ Top​ 10​ ដែល​លក់ដាច់​បំផុត​នៅ​ជប៉ុន​ថ្វីបើ​រថយន្ត​ប្រភេទ​នេះ​ ត្រូវ​បាន​គេ​នាំចេញ​ទៅ​លក់​នៅ​ប្រទេស​ផ្សេង​ៗជាច្រើន​ ដូចជា​ឥណ្ឌា​ជាដើម​ក្ដី​ ប៉ុន្តែ​ វា​ហាក់​មិន​ទទួល​បានការ​គាំទ្រ​ច្រើន​ពី​អ្នកប្រើ​ប្រាស់​នៅក្នុង​ប្រទេស​ផ្សេង​ៗក្រៅតែ​ពីជ​ប៉ុន​ឡើយ​៕

ប្រភព​៖ សារព័ត៌មាន​បរទេស​