គណនី Facebook របស់​អ្នក “Live” លក់ផលិតផល ដែល​បញ្ចេញអស់កេរ្តិ៍ខ្មាស នឹង​ត្រូវ​បាន​បិទ​មិនឱ្យ​ដំណើរ​ការ​

សម្តេចតេជោ​ ហ៊ុន​ សែន ក្នុង​នាម​ជា​អនុប្រធានកិត្តិយស “ក្រុមប្រឹក្សាជាតិដើម្បីស្ត្រី” និង​ជា​នាយក​រដ្ឋ​មន្ត្រី​កម្ពុជា​ បានបញ្ជាទៅក្រសួងប្រៃសនីយ និងទូរគមនាគមន៍ ឱ្យបិទគណនី Facebook ផ្សាយលក់ផលិតផលទាំង​ឡាយ​ណា​ដែលបញ្ចេញអស់កេរ្តិ៍ខ្មាស។

សម្ដេច​ ហ៊ុន សែន​ មានប្រសាសន៍ថា ការ “Live” លក់ផលិតផល​ដែលបញ្ចេញអស់កេរ្តិ៍ខ្មាសបែប​នេះហើយ នាំឱ្យមានការបំពានផ្លូវភេទ​ស្ត្រី​ក្នុងសង្គមនាពេលបច្ចុប្បន្ន និងអាចនាំឱ្យកើតមានករណីចាប់រំលោភផងដែរ។

បទបញ្ជានេះ​ ត្រូវ​បានធ្វើឡើងនៅក្នុងកិច្ចប្រជុំក្រុមប្រឹក្សាជាតិដើម្បីស្ត្រីនាព្រឹកនេះ​ (17កុម្ភៈ)។ សម្ដេច​តេជោ បញ្ជាក់​ថា គណនី​ Facebook ណា​ដែល​ “Live” លក់​ផលិត​ផល​ ប៉ុន្តែ មិនបាន​បញ្ចេញកេរ្តិ៍ខ្មាស នឹង​នៅ​តែ​អាច​បន្ត​មុខ​របរ​របស់​ពួក​គេ​បានធម្មតា៕

Advertisement