Ant Group​ របស់ ​Jack Ma​ ទើប​តែ​បាន ​IPO​ ដោយ​ជោគ​ជ័យ​ ប្រមូល​ទុន​បាន​ជាង​34​ពាន់​លាន​ដុល្លារ​ ខណៈ​តម្លៃ​ក្រុម​ហ៊ុន​ក៏​កើន​​ដល់​ជាង​300​ពាន់​លាន​ដុល្លារ

Ant Group របស់ Jack Ma ទើបតែបាន IPO ដោយជោគជ័យ ប្រមូលទុនបានជាង34ពាន់លានដុល្លារ ខណៈតម្លៃក្រុមហ៊ុនក៏កើន​ដល់ជាង300ពាន់លានដុល្លារ

ក្រុមហ៊ុន Ant Group របស់ Jack Ma ទើបតែបង្កើតបានករណី IPO ធំបំផុតក្នុងប្រវត្តិសាស្ត្រ ជាសញ្ញាមួយបញ្ជាក់បន្ថែមអំពីជោគជ័យដ៏កក្រើកមេឃរញ្ជួយដីរបស់មហាយក្សនៃប្រទេសចិន និងទីផ្សារមូលបត្ររបស់ប្រទេសនេះ។

ជាក់ស្ដែង ក្រុមហ៊ុន Ant Group បានធ្វើការបោះផ្សាយលក់មួលបត្រដំបូង (IPO) នៅផ្សារហ៊ុន Hong Kong និង Shanghai ក្នុងតម្លៃបន្តបន្ទាប់គឺ 10.32ដុល្លារ និង10.13ដុល្លារ/ហ៊ុន។

Advertisement

ប្រការនេះមានន័យថា ការធ្វើ IPO របស់ពួកគេនឹងប្រមូលទុនបាន 34.1ពាន់លានដុល្លារអាមេរិក ហើយតម្លៃរបស់ក្រុមហ៊ុននេះក៏កើនឡើងដល់310ពាន់លានដុល្លារផងដែរ។ ឯតទគ្គកម្មកន្លងមក បានទៅលើក្រុមហ៊ុនប្រេង Aramco ដោយព្រឹត្តិការណ៍ IPO របស់ក្រុមហ៊ុននេះ ប្រមូលទុនបាន 29.4ពាន់លានដុល្លារអាមេរិកកាលពីខែធ្នូ2019។

ជាផ្កាយដ៏ភ្លឺចែងចាំងនៅក្នុង “អាណាចក្រ” Alibaba ក្រុមហ៊ុន Ant បានប្រែក្លាយខ្លួនឯងឱ្យទៅជាមជ្ឈមណ្ឌលពាណិជ្ជកម្មអនឡាញពហុវិស័យ ចាប់ពីសេវាកម្មឥណទាន ទេសចរណ៍ រហូតដល់សេវាកម្មដឹកជញ្ជូនអាហារ ដើម្បីទាក់ទាញអតិថិជនរបស់ខ្លួនដែលបានធ្លាក់ទៅក្នុងដៃក្រុមហ៊ុន Tencent នាពេលកន្លង។ CEO របស់ក្រុមហ៊ុន Ant លោក Simon Hu បាននិយាយថា លោកចង់ឱ្យគ្រប់គ្នានឹកដល់ Alipay ឱ្យលើសពីសេវាកម្មហិរញ្ញវត្ថុ ដែលជាកម្មវិធីទូទាត់ប្រាក់សម្រាប់របស់ថ្នាលពាណិជ្ជកម្មអនឡាញធំបំផុតក្នុងពិភពលោក។ មួយផ្នែកនៃមហិច្ឆតានេះ នោះគឺការងើបឡើងរបស់ Ant នៅក្នុងទ្វីបអាស៊ី ជាកន្លែងដែលពួកគេកំពុងតែចរចាជាមួយនឹងបណ្ដាក្រុមហ៊ុនផ្ដល់សេវាកម្មទូទាត់បែបឌីជីថលនៅប្រទេសឥណ្ឌា និងប្រទេសថៃ។

Ant Group របស់ Jack Ma ទើបតែបាន IPO ដោយជោគជ័យ ប្រមូលទុនបានជាង34ពាន់លានដុល្លារ ខណៈតម្លៃក្រុមហ៊ុនក៏កើន​ដល់ជាង300ពាន់លានដុល្លារក្រុមហ៊ុន Ant ត្រូវបានកំណត់តម្លៃ 150ពាន់លានដុល្លារ នៅមុនដំណាក់កាល IPO ដែលរកបានចំណេញ2ពាន់លានដុល្លារក្នុង1ត្រីមាស។ ទិន្នន័យនេះត្រូវបានយោងទៅតាមឯកសាររបស់ Alibaba។

ដូចទៅនឹង Alibaba ក្រុមហ៊ុន Ant បានទទួលរងការខូចខាតច្រើនពីសង្គ្រាមពាណិជ្ជកម្មរវាងសហរដ្ឋអាមេរិក និងចិន។ កាលពីឆ្នាំ2018 លោក Jack Ma បាននិយាយថា ការសន្យារបស់លោកដែលថានឹងបង្កើតការងារចំនួន1លាននៅសហរដ្ឋអាមេរិក គឺមិនអាចទៅរួច ដោយសារតែសង្គ្រាមពាណិជ្ជកម្មរវាងប្រទេសទាំង2។

ជំនួសមកវិញ Ant ផ្ដោតទៅមហិច្ឆតាពង្រីកវត្តមានរបស់ខ្លួននៅក្នុងផ្នែកដែលនៅសេះសល់ក្នុងទីផ្សារអាស៊ី ជាកន្លែងដែលពួកគេកំពុងធ្វើការជាមួយក្រុមហ៊ុនថ្មីៗផ្នែកទូទាត់តាមអនឡាញចំនួន9 រួមមានទាំង Paytm នៅឥណ្ឌា និង Gcash នៅហ្វីលីពីនផងដែរ។ នៅក្នុងប្រទេសចិនវិញ Ant ក៏កំពុងតែពង្រីកទៅកាន់សេវាកម្មបច្ចេកវិទ្យា និងការលក់ទំនិញ។

ដំណោះស្រាយបច្ចេកវិទ្យារបស់ Ant រួមមានសេវាកម្មកុំព្យូទ័រពពក (Cloud computing) បញ្ញាសិប្បនិម្មិត រួមនឹង blokchain និងគ្រប់គ្រងហានិភ័យ។ គោលដៅរបស់ Ant គឺការជួយដល់ធនាគារនានាក្នុងការផ្ដល់ឥណទានដល់អតិថិជន និងសហការជាមួយបណ្ដាក្រុមហ៊ុនដូចជា KFC និង Marriot ជាដើម ដើម្បីទាក់ទាញ និងគ្រប់គ្រងអតិថិជន។

Ant Group របស់ Jack Ma ទើបតែបាន IPO ដោយជោគជ័យ ប្រមូលទុនបានជាង34ពាន់លានដុល្លារ ខណៈតម្លៃក្រុមហ៊ុនក៏កើន​ដល់ជាង300ពាន់លានដុល្លារលោក Hu អះអាងថា យុទ្ធសាស្ត្រនេះនឹងជួយឱ្យ Ant អាចរក្សាការពារការត្រួតត្រារបស់ខ្លួននៅក្នុងទីផ្សារទូទាត់ចល័តដែលមានតម្លៃ29ពាន់លានដុល្លាររបស់ប្រទេសចិន។ ចំណែកទីផ្សាររបស់ Alipay បានកើនឡើងជាបន្តបន្ទាប់ក្នុងរយៈពេល3ត្រីមាសកន្លង និងបានកើនឡើង55.1% នៅក្នុងត្រីមាសទី4នៃឆ្នាំ2019 ខណៈដែល Tencent កាន់កាប់ចំណែកទីផ្សារ ប្រមាណ38.9%។

ក្រុមហ៊ុននេះក៏បាននិងកំពុងធ្វើពិពិធកម្មទៅលើបណ្ដាផ្នែកពាណិជ្ជកម្មរបស់ខ្លួនដើម្បីកាត់បន្ថយការផ្ដោតទៅលើតែវិស័យដែលមានភាព “រសើប” បន្ទាប់ពីត្រូវបានក្រុមមន្ត្រីធ្វើការស៊ើបអង្កេត ដោយសារតែសកម្មភាពពង្រីកខ្លួនយ៉ាងខ្លាំងក្លានៅក្នុងវិស័យសេវាកម្មហិរញ្ញវត្ថុ និងផលិតផលក្នុងផ្ទះ។

ដើម្បីជាការសម្គាល់ទៅលើការប្ដូរផ្លាស់ Ant បានប្ដូរឈ្មោះពី Ant Financial Service ទៅជា Ant Group កាលពីចុងខែឧសភា2020៕

ប្រភព៖ CNN

Advertisement