(ប្រទេសចិន)-ប្រព័ន្ធដងសន្ទូចខ្សែកាបដែលបង្កើតបានកំណត់ត្រាពិភពលោកចំនួន ២ កាលពីថ្ងៃទី ២៥ មេសា ត្រូវបានចាប់ផ្ដើមដោះចេញពីទំនប់វារីអគ្គិសនី Baihetan ក្រោយការប្រើប្រាស់បាន ៥ ឆ្នាំ។
ស្ថិតនៅត្រង់តំបន់ព្រំប្រទល់រវាងខេត្ត Sichuan និងខេត្ត Yannan ភាគនិរតីនៃ ប្រទេសចិន ក្រុមកម្មករនៅ ទំនប់វារីអគ្គិសនី Baihetan កាលពីថ្ងៃទី ២៥ មេសា បានចាប់ផ្ដើមដោះប្រព័ន្ធដងសន្ទូចខ្សែកាបខ្នាតយក្ស។
នេះគឺជាប្រព័ន្ធដងសន្ទូចធំបំផុត និងដំណើរការដោយសុវត្ថិភាពយូរបំផុតក្នុងពិភពលោក។ ប្រព័ន្ធនេះមានដងសន្ទូចខ្សែកាបចំនួន ៧ ក្នុងនោះ ដងសន្ទូចស្នូលនៅលើកំពូលទំនប់អាចលើកទម្ងន់បានរហូតដល់ ១០,០០០ kilonewton។
ប្រព័ន្ធដងសន្ទូចខ្សែកាបខ្នាតយក្សនេះ ត្រូវបានដាក់ឱ្យប្រើប្រាស់ចាប់តាំងពីខែមីនា ២០១៧ ហើយមកដល់បច្ចុប្បន្ន វាបានសម្រេចភារកិច្ចរយៈពេល ៥ ឆ្នាំ ជាស្ថាពរ។ ក្នុងដំណាក់កាលដំណើរការ វាបានលើកបេតុងសរុប ៨,២៧៩ លានម៉ែត្រគូប ដើម្បីបម្រើដល់ការសាងសង់ទំនប់ Baihetan។
