Facebook Messenger នឹង​បន្ថែម​មុខងារ​បកប្រែ​ភាសា​ដោយ​ស្វ័យប្រវត្តិក្នុងពេលឆាប់ៗ

បច្ចុប្បន្ន​អាចនិយាយបាន​ថា Facebook Messenger គឺជា​កម្មវិធី​ផ្ញើ​សារ​ដ៏​ពេញនិយម និង​មាន​ប្រជាប្រិយភាព​មួយ ខណៈដែល​ចំនួន​អ្នកប្រើប្រាស់​បាន​កើនឡើង​ដល់ 1.9ពាន់​លាន​នាក់ ហើយ​ដើម្បីឱ្យ​កាន់តែ​ងាយស្រួល​ជាងនេះទៅទៀត​នោះ Facebook Messenger នឹងមាន​មុខងារ​បក​ប្រែភាសា (សារ) ដោយ​ស្វ័យប្រវត្តិ។

យោងតាមការចេញផ្សាយ​របស់សារព័ត៌មាន CNet បានឱ្យដឹងថា ក្រុមហ៊ុន Facebook បាននិងកំពុង​តែ​សាកល្បង​លើ​មុខងារ​ថ្មី គឺ​បកប្រែ​ភាសា រាល់​សារ​ទាំងអស់​ដែល​បាន​ផ្ញើ​តាមរយៈ​កម្មវិធី Facebook Messenger ដោយ​រាល់​សារ​ទាំងនោះ​នឹងត្រូវ​បកប្រែ​ដោយ​ស្វ័យប្រវត្តិ។

CNet បានបញ្ជាក់​បន្ថែមទៀត​ថា មុខងារ​នេះ​នឹងត្រូវ​ដាក់ឱ្យ​ប្រើ​នៅ​​អាមេរិក និងម៉ិ​ក​សិុកមុនគេ ហើយ​មុខងារនេះអាចនឹងត្រូវ​ប្រកាស​ដា​ក់​ឱ្យប្រើ​ជា​ផ្លូវការ​នៅក្នុង​ព្រឹត្តិការណ៍ F8 នៅក្នុង​ឆ្នាំនេះ។

Advertisement

ក្រុមអ្នកវិភាគ​បាន​យល់ឃើញថា បើសិនជា Facebook បន្ថែម​មុខងារ​នេះ​មែន នោះ​អ្នកប្រើប្រាស់​កាន់តែ​មាន​ភា​ព​ងាយស្រួល​ក្នុងការ​ទំនាក់ទំនង​គ្នា​ថែម​មួយកម្រិត​ទៀត ហើយ​វា​ក៏​ជា​វិធីសាស្ត្រ​មួយ​សម្រាប់​ទាក់ទាញ​អ្នកប្រើប្រាស់ផងដែរជាពិសេស​គឺ Facebook ក៏​កាន់តែ​ងាយស្រួល​ក្នុងការ​ទាញយក​ផលប្រយោជន៍​ពី Facebook Messenger នេះដែរ៕

Advertisement