WhatsApp​ នឹង​អនុញ្ញាត​ឱ្យ​អ្នកប្រើ​ កំណត់​ថា​ តើ​អ្នកណា​អាច​ចូល​ Group​ Chats​ បាន​

អ្នកប្រើ​ប្រាស់​ខ្លះ​មាន​ភាព​រីករាយ​ នៅពេល​ដែល​ពួកគេ​ត្រូវ​បាន​បញ្ចូល​ទៅ​ក្នុង​ Group​Chat​ ណាមួយ​ ព្រោះ​គេ​គិតថា​ ខ្លួន​គេ​អាច​ជា​មនុស្ស​សំខាន់​ម្នាក់​ក្នុង​កិច្ច​សន្ទនា​នោះ​ប៉ុន្តែ​សម្រាប់​អ្នកប្រើ​ប្រាស់​ខ្លះទៀត​ គេ​មិន​ត្រឹមតែ​ពុំ​ចូលចិត្ត​នោះ​ទេ​តែ​គេ​ថែមទាំង​មាន​អារម្មណ៍​ធុញទ្រាន់​ទៀតផង​។

ឥឡូវនេះ​ក្រុមហ៊ុន​ WhatsApp​ បាន​អនុញ្ញាត​ឱ្យ​អ្នកប្រើ​ប្រាស់​មាន​សិទ្ធិ​កំណត់​ថា​តើ​អ្នកណា​អាច​បញ្ចូលរូប​គេ​ទៅ​ក្នុង​ Group​ Chat​ បាន​ដោយធ្វើ​ការ​ជ្រើសរើស​យក​លក្ខខណ្ឌ1​ ក្នុងចំណោម​លក្ខខណ្ឌ3​ “nobody​គ្មាន​អ្នកណា​ម្នាក់​” និង​ “my​ contacts​ អ្នក​នៅក្នុង​បញ្ជី​ទំនាក់ទំនង​” ឬ “everyone​មនុស្ស​គ្រប់គ្នា​”។កម្មវិធី​នេះ​មាន​សារៈសំខាន់​ណាស់​ក្នុង​ការរារាំង​ការផ្សាយ​ពាណិជ្ជ​កម្ម​ផ្សេង​ៗ។

ប្រសិនបើ​អ្នកណា​ម្នាក់​ព្យាយាម​បញ្ចូល​ឈ្មោះ​លោកអ្នក​ចូល​ទៅ​ក្នុង​ក្រុម​ដែល​ផ្ទុយ​នឹង​លក្ខខណ្ឌ​ដែល​បាន​កំណត់​គេ​នឹង​តម្រូវ​ឱ្យ​ផ្ញើ​សារ​សុំ​ការអនុញ្ញាត​ពី​លោកអ្នក​ជាមុន​សិន​ហើយ​លោកអ្នក​មានឱកាស​ 72ម៉ោង​(3ថ្ងៃ​)ដើម្បី​ឆ្លើយតប​។

អ្នក​អាច​ប្រើប្រាស់​មុខងារ​កំណត់​ថ្មីនេះ​ដោយ​គ្រាន់តែ​ចូល​ទៅ​ Settings​ >​ Account​ > Privacy​ > Groups​ ប៉ុន្តែ​ដោយសារ​ក្រុមហ៊ុន​ WhatsApp ​តែងតែ​ដាក់​ឱ្យ​ប្រើប្រាស់​កម្មវិធី​តាម​តំបន់​ ដូចនេះ​សម្រាប់​ប្រទេសខ្មែរ​យើង​ប្រហែលជា​ត្រូវ​រង់ចាំ​យូរ​បន្តិច​ហើយ​មើលទៅ​…៕

Advertisement