ចិន បង្កើត App ដឹងពីចម្ងាយសម្រាប់អ្នកឆ្លងវីរុសកូរ៉ូណា ដើម្បីការពារខ្លួន

Close contact detector’ app ជា​កម្មវិធី​ថ្មីមួយសម្រាប់ទូរស័ព្ទ​ដៃ​​ ដែល​បាន​​ប្រកាស​ដាក់ចេញ​ឱ្យ​ប្រើប្រាស់​ជាផ្លូវការ​​​​នៅ​ក្នុង​ប្រទេស​ចិនកាលពីពេលថ្មីៗនេះ ក្នុង​យុទ្ធនាការ​ប្រយុទ្ធប្រឆាំង និងការពារ​ជំងឺរលាកសួតដោយមេរោគ​ CoVid-19 ដែលកំពុងឆ្លងរាលដាល​​យ៉ាងគួរឱ្យភ័យខ្លាច​នាពេលបច្ចុប្បន្ន។

មុខងារ​សំខាន់​ដែល​មាន​នៅ​ក្នុង​កម្មវិធី​នោះ ត្រូវ​បាន​គេ​ដឹង​ថា​ ​វា​នឹងផ្តល់​នូវ​ដំណឹង​លើ​អេក្រង់(Alert) ​ប្រសិន​បើ​​មានអ្នក​ផ្ទុក​វីរុស​កូរ៉ូណា​ស្ថិតនៅ​ក្បែរ ឬកំពុងចូលមកជិតខ្លួន​អ្នក​ ជាពិសេស​​អ្នក​ដែល​ទើប​នឹង​ឆ្លង​ថ្មីៗ។ របៀប​ប្រើ​ គឺ​តម្រូវ​ឱ្យ​អ្នក​ប្រើ ដាក់​លេខ​ទូរស័ព្ទ និង ID number និង​ស្គែន QR ស្រដៀង​កម្មវិធី Pay online ដែរ ​ដូចជា Alipay, WeChat ឬ QQ ជាដើម។ វា​ពិសេស​ត្រង់​ថា ​យើងអាច​ដឹងពី​សីតុណ្ហភាព​របស់មនុស្ស​ដែល​នៅ​ជិត​ៗយើង។

Advertisement

កម្មវិធី​ដ៏​មាន​សារៈ​សំខាន់​នេះ ត្រូវ​បាន​បង្កើត​ឡើងដោយ​គណៈកម្មការ​សុខភាព​ជាតិ និង​សាជីវកម្ម បច្ចេកវិទ្យា​អេឡិចត្រូនិក​រដ្ឋ​ចិន ដើម្បី​ទប់ស្កាត់​កុំ​ឱ្យ​រីក​រាលដាល​ដល់​​អ្នក​ដទៃ៕

Advertisement