មានអ្នកប្រើប្រាស់កម្មវិធី Facebook ជាច្រើនតែងមានការសង្ស័យថា អាចមានគេលួចចូលប្រើប្រាស់ (Hack) ខណៈដែលសង្កេតឃើញថា គណនីរបស់ខ្លួនមានភាពខុសប្រក្រតី ចម្លែកៗ អាចឈានដល់ការបិទគណនី និងមិនអាចចូលប្រើបានក៏មាន។ ហេតុនេះ ថ្ងៃនេះគេហទំព័រឡារ៉ែន សូមលើកយកនូវចំណុច 4 យ៉ាងដែលបញ្ជាក់ថា គណនី Facebook ដែលអាចត្រូវគេ Hack រួមនឹងវិធីសាស្ត្រដោះស្រាយមកជម្រាបជូនផងដែរ។
1/ គឺឈ្មោះ ថ្ងៃ ខែ ឆ្នាំកំណើត Email ឬ Password ត្រូវបានផ្លាស់ប្ដូរ ដោយលោកអ្នកមិនបានដឹង
2/ ផ្ញើ Friend Request ទៅកាន់អ្នកណាម្នាក់ ដោយលោកអ្នកមិនបានដឹង
3/ សារត្រូវបានផ្ញើចេញពីគណនី Facebook របស់លោកអ្នក ប៉ុន្តែខ្លួនលោកអ្នកមិនបានសរសេរ
4/ Post បង្ហាញឡើងលើ Timeline ដោយលោកអ្នកមិនមែនជាអ្នក Post
ចំណុចទាំង 4 ខាងលើនេះបញ្ជាក់ថា គណនី Facebook របស់អ្នកប្រាកដជាមានអ្នក Hack ចូលហើយ ក្នុងនោះសម្រាប់ដំណោះស្រាយ ប្រសិនបើលោកអ្នកសង្ស័យថា Facebook ត្រូវបានគេ Hack ចូលនោះ សូមធ្វើតាមដំណាក់កាលខាងក្រោម៖
1/ សូមចូលទៅកាន់ Facebook Help
2/ សូមចុចលើ I think my account was hacked or someone is using it without my permission
3/ ចុចលើ Secure You Account
4/ រួចធ្វើតាមការណែនាំរបស់ Facebook ជាការស្រេច៕
