សិស្សានុសិស្ស អាច​ប្រើប្រាស់​ប័ណ្ណ​ចាក់​វ៉ាក់សាំង​ថតចម្លង ចៀសវាង​ការបាត់បង់​ច្បាប់ដើម

សារ​សំឡេង​ពិសេស​របស់ សម្ដេច​តេ​ជោ ហ៊ុន សែន ទាក់ទង​នឹង​ការប្រើ​ប័ណ្ណ​ចាក់​វ៉ាក់សាំង​ថតចម្លង​សម្រាប់​សិស្សានុសិស្ស​នេះ ត្រូវបាន​ធ្វើឡើង​នៅ​ថ្ងៃទី 2 ខែវិច្ឆិកា ឆ្នាំ 2021 បន្ទាប់ពី​មានការ​អនុញ្ញាតឱ្យ​បើក​ដំណើរការ​សាលារៀន​ឡើងវិញ​ក្រោយពី​យុទ្ធនា​ការចាក់​វ៉ាក់សាំង COVID-19 ជុំទីមួយ​ទទួលបាន​ជោគជ័យ។

នៅក្នុង​សារ​ជា​សំឡេង​នេះ ប្រមុខ​រដ្ឋាភិបាល បាន​ស្នើឱ្យ​រដ្ឋមន្ត្រីក្រសួង​អប់រំ រៀបចំ​អនុញ្ញាត​ឱ្យប្រើ​ប័ណ្ណ​ចាក់​វ៉ាក់សាំង​ថតចម្លង​សម្រាប់​សិស្សានុសិស្ស​យកទៅ​សាលារៀន​ដើម្បី​ការពារ​ការបាត់បង់ ឬ​ខូចខាត​ច្បាប់ដើម​នៃ​ប័ណ្ណ​ចាក់​វ៉ាក់សាំង។

ការចាក់វ៉ាក់សាំងនៅកម្ពុជា គិតត្រឹមថ្ងៃទី 1 ខែវិចិ្ឆកា ឆ្នាំ 2021​ រួម​មាន​៖

– អាយុ 6 ឆ្នាំ​ – 11 ឆ្នាំ = 101.46%
– អាយុ 12 – 17 ឆ្នាំ = 97.93%
– អាយុ 18 ឆ្នាំ ឡើងទៅ = 100.05%

 

Advertisement