ចំណុច2យ៉ាងដែលធ្វើឱ្យយើងក្លាយជាបុគ្គលិកដែលគេត្រូវការ

ក្លាយជា​បុគ្គល​សំខាន់​សម្រាប់​ក្រុមហ៊ុន ឬ​ស្ថាប័ន​ជា​អ្វីដែល​មនុស្ស​ជាច្រើន​ចាប់អារម្មណ៍ តែ​កន្លងមក​មាន​កត្តា​ប្រឈម​ជាច្រើន​ដែល​រាំងស្ទះ​ដល់​ការអភិវឌ្ឍ​សមត្ថភាព​របស់​ពួកគេ ជា​ពិ​សេ​បញ្ហា​ផ្នត់គំនិត​ក្នុងការ​ចូលរួម​អភិវឌ្ឍ។

លោក ង៉ែត ជូ អ្នកជំនាញ​ហិរញ្ញវត្ថុ បាន​លើកឡើងថា បច្ចុប្បន្ននេះ មាន​យុវជន​ជាច្រើន​ចង់​ជោគជ័យ​តាមរយៈ​ការធ្វើ​ខ្លួន​ជា​សហគ្រិន​វ័យក្មេង។ យើង​ត្រូវ​ទទួលស្គាល់ថា​មនុស្ស​ទាំងអស់​មិនអាច​ក្លាយជា​សហគ្រិន​បានទេ។ ម្យ៉ា​វិញទៀត​បើទោះពីជា​យើង​ធ្វើការ​ឱ្យគេ​ក៏​អាច​ជោគជ័យ​បានដែរ​ឱ្យតែ​យើង​មាន​ស្មារតី​ជា​សហគ្រិន​ពិតប្រាកដ។

ចំនុចសំខាន់ៗចំនួន2 ដែល​អាចធ្វើឱ្យ​យើង​ក្លាយជា​បុគ្គល​សំខាន់​ក្នុង​ស្ថាប័ន​គឺ៖

1.ធ្វើជា​បុគ្គលិក​ដែលមាន​គំនិត​ផ្តួចផ្តើម និង​ទំនួល​ខុសត្រូវ​ខ្ពស់

ស្ថាប័ន​ឬ​ក្រុមហ៊ុន​មួយ​មានការ​រីកចំរើន​លុៈ​ត្រាតែ​មានគំនិតថ្មីៗ និង​អនុវត្ត​គំនិត​ទាំងនោះ​ប្រកបដោយ​ប្រសិទ្ធិភាព និង​ប្រសិទ្ធិ​ផល (effective and efficient)។ ការចូលរួម​ផ្តល់នូវ​គំនិត​ផ្តួចផ្តើម​ដែលនាំឱ្យ​ស្ថាប័ន​រីកចំរើន​នឹង​ទទួលបាន​ការឱ្យ​តម្លៃ​ពី​សំណាក់​និយោជក ហើយ​រឹតតែ​ទទួលបាន​ការឱ្យ​តម្លៃ​ទៀត​នោះ​គឺ​ការទទួលខុសត្រូវ​ក្នុងការ​បំពេញការងារ​របស់​បុគ្គលិកម្នាក់។

2. ចាត់ទុក​ខ្លួន​អ្នកជា​ផលិតផល​ដែល​ត្រូវ​អភិវឌ្ឍ​ជាប់​ជានិច្ច

បើទោះជា​អ្នក​ចេញពី​មហាវិទ្យាល័យ​មា​នស​ញ្ញាប​ត្រ័​បរិ​ញ្ញា2-3 និង​អនុបណ្ឌិត​ក៏​មិន​គ្រប់គ្រាន់​ដែរ។ អ្នក​ត្រូវ​រៀន​នូវ​ជំនាញខ្លីៗ និង​សិក្សា​ស្រាវជ្រាវ​ជាប់​ជាប្រចាំ​ដើម្បី​អភិវឌ្ឍ​សមត្ថភាព​ឱ្យ​ត្រូវ​នឹង​សម័យកាល និង​សេចក្តីត្រូវការ​របស់​និយោជក។ ពោលគឺ​ត្រូវធ្វើ​ខ្លួន​ជា​ទ្រព្យ​ដ៏​មានតម្លៃ​ឬ​ជា​គ្រាប់ពេជ្រ​ពិតប្រាកដ​សំរាប់​និយោជក៕

Advertisement