ក្រសួងថាគ្មានការបន្ថូបន្ថយស្តង់ដាវិញ្ញាសារប្រឡងបាក់ឌុបដោយសារតែបញ្ហា Covid នោះទេ

នៅ​ឆ្នាំ 2020នេះ ក្រសួង​អប់រំ យុវជន និង​កីឡា បានប្រកាស​ពន្យារ​ការ​ប្រឡង​មធ្យមសិក្សា​ទុតិយភូមិ (បាក់​ឌុប) រហូតដល់​ចុងខែ​ធ្នូ ដោយសារតែ​បញ្ហា​វិបត្តិ​ជំងឺ Covid-19 ដែល​បានផ្តល់​ផលប៉ះពាល់​យ៉ាងច្រើន​ដល់​ការអប់រំ។

បើតាម​ការបញ្ជា​ក់រប​ស់​ក្រសួង​អប់រំ យុវជន និង​កីឡា បានឱ្យដឹងថា នៅ​ឆ្នាំនេះ ការប្រឡង​នឹង​ប្រព្រឹត្តទៅ​នៅ​ថ្ងៃទី 21និង22 ខែធ្នូ​ឆ្នាំ 2020 ដោយ​ក្នុងនោះ​មាន​បេក្ខជន​ដែល​បាន​ចុះឈ្មោះ​ប្រឡង​មាន​ចំនួន​សរុប 12ម៉ឺន​នាក់ មកពី​គ្រឹះស្ថានសិក្សា​រដ្ឋ និង​ឯកជន។

Advertisement

ឯកឧត្តម រស់ សុ​វាចា អ្នកនាំពាក្យ​ក្រសួង​អប់រំ យុវជន និង​កី​ឡ បាន​លើកឡើងថា ក្រសួង​អប់រំ​នៅតែ​រក្សា​ស្តង់ដា​វិញ្ញាសារ​ប្រឡង​ដដែល ហើយ​មិន​បន្ថយ​ស្តង់ដា​វិ​ញ្ញា​ដោយសារតែ​ហេតុផល​ជំងឺ Covid-19នោះទេ។ ក្រសួង​នៅតែ​រៀបចំ​ឱ្យ​ការប្រឡង​ដំណើរការ​ទៅដោយ​ភាពប្រក្រតី សណ្តាប់ធ្នាប់​របៀបរៀបរយ​ល្អ និង​ធានា​គោលការណ៍ ច្បាប់ យុត្តិធម៌ តម្លាភាព និង​លទ្ធផល​ទទួលយកបាន។

គួរ​បញ្ជាក់ថា កន្លងមក​មន្ត្រីជាន់ខ្ពស់​ក្រសួង​អប់រំ ក៏​ធ្លាប់​បានលើកឡើង​ផងដែរ​ថា សិស្ស​អាចមាន​ពេល​គ្រប់គ្រាន់​ចាប់ពីពេលនេះ​រហូតដល់​ថ្ងៃ​ប្រឡង​នៅ​ចុងឆ្នាំ ដើម្បី​ត្រៀមប្រឡង​មធ្យម​ស​ក្សា​ទុតិយភូមិ ហេតុនេះ​ក្រសួង​នៅតែ​រក្សា​ស្តង់ដា​វិញ្ញាសា​ដដែល៕

Advertisement