ក្រុមហ៊ុន SpaceX ដែលបានព្យាយាមសាកល្បងវិធីសាស្ត្រមួយ គឺធ្វើយ៉ាងណាឱ្យការបាញ់យានគំរូ ជាយានផ្ទុកមនុស្សបានទៅទីអវកាសហើយ ចុះចតលើផ្ទៃដីដោយជោគជ័យ។ គម្រោងនេះត្រូវបានដឹង និងតាមដានយ៉ាងយកចិត្តទុកដាក់ បន្ទាប់ពីការសាកល្បងអស់យានជាច្រើនគ្រឿង តាំងពី SN1 ដល់ SN9,SN10 សុទ្ធតែបរាជ័យ ដោយត្រូវផ្ទុះឆេះទាំងអស់។
ប្រធានវិស្វករនៃកម្មវិធីហោះហើររបស់ SpaceX លោក John Insprucker បានលើកឡើងពីការសប្បាយរីករាយចិត្តថា «យើងបានចុះចតវិញហើយ! Starship បានចុះចតហើយ»។
សូមរំឭកផងដែរថា យានគំរូ (Prototype) SN15 បានបញ្ចប់ការធ្វើតេស្តដោយរលូនជាលើកដំបូង ទាំងការហោះឡើង, ការបញ្ជាការហោះហើរលើរយៈកម្ពស់ខ្ពស់ និងការចុះចតត្រឡប់មកកាន់ ចំណុចដែលវាត្រូវចុះចតវិញ។
ការធ្វើតេស្តរបស់ SN15 គឺធ្វើឡើងនៅថ្ងៃទី៥ ខែឧសភា ឆ្នាំ២០២១ គាប់ជួនត្រូវចំឱកាសប្រារព្ធខួបទី ៦០ឆ្នាំ នៃការបញ្ជូនអវកាសយានិក អាមេរិកដំបូងគឺលោក Alan Shepard ឡើងទៅកាន់ទីអវកាស៕
សូមទស្សនាវីដេអូខាងក្រោម៖
