ដឹង​ថ្ងៃ​ប្រកាស​ចេញ​ ​Hongmeng​ ​OS​ ​ហើយ​!​

របាយការណ៍​ចុងក្រោយ​ ​ទើបតែ​បង្ហើប​ឱ្យ​ដឹងពី​កាលបរិច្ឆេទ​ប្រកាស​ប្រព័ន្ធ​ប្រតិបត្តិ​ការ​ ​HongMeng​ ​OS​ ​របស់​ ​Huawei​ ​ដែល​អាច​ធ្វើឡើង​នៅ​ថ្ងៃទី9​ ​ខែសីហា​ខាងមុខ​។​

​HongMeng​ ​OS​ ​មិន​ត្រឹមតែ​ជា​ប្រព័ន្ធ​ដំណើរការ​លើ​ស្មា​ត​ហ្វូ​ន​មួយ​មុខ​នោះ​ទេ​ ​ថែមទាំង​នឹងអាច​គាំទ្រ​ទាំង​នៅ​លើ​ថេប្​លិ​ត​ ​កុំព្យូទ័រ​ ​ទូរទស្សន៍​ឆ្លាតវៃ​ ​រថយន្ត​ ​និង​ឧបករណ៍​បច្ចេកវិទ្យា​ជាច្រើន​ទៀតផង​ដែរ​។​

​ប្រព័ន្ធ​ប្រតិបត្តិ​ការ​ ​OS​ ​ជំនាន់​ក្រោយនេះ​ ​នឹង​បង្ហាញមុខ​មាត់​ពិត​នៅចំពោះមុខ​អ្នកចូលរួម​ដែល​ជា​ ​Developer​ ​ជុំវិញ​សកលលោក​ច្រើនជាង​ ​5,000នាក់​ ​រួមបញ្ចូល​ទាំង​ដៃគូ​សហការ​ប្រមាណ​ ​1,500ស្ថាប័ន​ ​(​Huawei​ ​Global​ ​Developer​ ​Conference​)​ ​ដែល​រាប់បញ្ចូល​ជា​ព្រឹត្តិ​ការណ៍​ធំ​បំផុត​ក្នុង​វិស័យ​ឧស្សាហកម្ម​ស្មា​ត​ហ្វូ​នរ​បស់​ប្រទេស​ចិន​៕