Google នឹងបញ្ចេញមុខងារ Nearby Share ឆាប់ៗនេះ ដែលអាចជាគូប្រជែង AirDrop របស់ Apple

ថ្មីៗនេះ ស្រាប់តែ​លេចចេញ​មុខងារ “Nearby Share” ដែល​ប្រុង​នឹង​បញ្ចេញ​ឱ្យប្រើ​ប្រាស់​ក្នុងពេលឆាប់ៗនេះ ខណៈដែល​Google បានធ្វើការ​បញ្ជាក់​ជា​ផ្លូវការ​ថា មាន​អ្នក​ប្រើ Android មួយចំនួន​បាន​សាកល្បង​មុខងារ​នេះ​រួចមកហើយ។ មុខងារ “Nearby Share” នេះ​ទំនង​ជាមាន​លក្ខណៈ​ស្រដៀង​នឹង AirDrop របស់ Apple អ៊ីចឹង​ដែរ។

របៀប​ប្រើ​វា​សាមញ្ញ​ទេ មានន័យថា អ្នក​អាច​ប្រើប្រាស់​មុខងារ​នេះ​ដើម្បី​ផ្ទេរ​ឯកសារ​រវាង​ឧបករណ៍ Android បាន​ដោយ​រហ័ស និង​មិនបាច់​ប្រើ​ខ្សែ។

ចំណុច​លេចធ្លោ​របស់ Nearby Share គឺ​គេ​អាច​ប្រើប្រាស់​វា​ជាមួយ​ស្មា​ត​ហ្វូ​ន Android គ្រប់​ម៉ាក ចំណែក Quick Share បានត្រឹមតែ​ជាមួយ​ឧបករណ៍ Samsung ប៉ុណ្ណោះ។

Advertisement

Samsung ក៏បាន​បង្កើត​មុខងារ​ស្រដៀង​គ្នា​នេះ​ឈ្មោះថា Quick Share ដែល​អាចឱ្យ​លោកអ្នក​ផ្ទេរ​ឯកសារ​ក្នុង​ល្បឿន​លឿន​ទៅកាន់​ឧបករណ៍ Samsung ដទៃទៀត​បាន​រហូតដល់ 5ឧបករណ៍​ក្នុងពេល​តែមួយ៕

Advertisement