Vsmart Aris 5G គឺជាទូរស័ព្ទដែលគាំទ្រប្រព័ន្ធទំនាក់ទំនង 5G ដំបូងគេបំផុតរបស់ ក្រុមហ៊ុន VinSmart ដែលជាក្រុមហ៊ុនបុត្រសម្ព័ន្ធរបស់ Vingroup ត្រូវបានក្រុមហ៊ុនប្រកាសថា ទទួលបានជោគជ័យលើការផលិតហើយ ហើយការប្រកាសនេះ ត្រូវបានធ្វើឡើងភ្លាមៗ ក្រោយពីបានដាក់ឱ្យធ្វើតេស្តល្បឿនជាសាធារណៈរួចមក។
លក្ខណសម្បតិ្តរបស់ស្មាតហ្វូន Vsmart Aris មាន 5G មានដូចតទៅ៖
– បំពាក់នូវបន្ទះឈីប Snapdragon 765G
– មានជម្រើស RAM ទំហំ 8GB និងអង្គផ្ទុក 128GB
– កាមេរ៉ា 3គ្រាប់នៅផ្នែកខាងក្រោយ
– កាមេរ៉ាមេ មានទំហំ 48MP និងកាមេរ៉ាមុខ 20MP
– អេក្រង់មានទំហំ 6.39អ៊ីញ ប្រើប្រាស់អេក្រង់ Super AMOLED
ថ្ងៃខែនៃការបញ្ចេញលក់ស្មាតហ្វូន 5G នេះនៅមិនទាន់បានប្រកាសឱ្យដឹងច្បាស់នៅឡើយ តែអាចនឹងក្នុងពេលឆាប់ៗខាងមុខនេះ។
គួរបញ្ជាក់ផងដែរថា ល្បឿន 5G លើស្មាតហ្វូន Vsmart នេះ គឺប្រើប្រាស់បច្ចេកវិទ្យា Sub6 ដែលមានល្បឿនលឿនជាង 4G ជិត 8ដងឯណោះ។
ល្បឿននេះអាចកាន់តែលឿន ប្រសិនបើ VinSmart អាចប្រើប្រាស់បច្ចេកវិទ្យា mmWave បានទៅថ្ងៃខាងមុខ៕
