Apple បង្ហោះរូបភាព និងវីដេអូ ផ្នែកខាងក្នុងស្អាតៗ ពីហាងអណ្ដែតទឹក Apple Store ដំបូងគេបង្អស់

ថ្មីៗនេះ​បណ្ដាញ​សង្គម​របស់ Apple ផ្លូវការ បាន​បង្ហោះ​រូបភាព និង​វីដេអូ ដែល​រៀបរាប់​ពី​ផ្នែក​ខាង​ក្នុងនៃ Apple Store នៅលើ​ទឹក​ដំបូង​គេ​បង្អស់ នៅ​ប្រទេស​សិង្ហ​បុរី និង​ជា​លើកដំបូង​គេ នៅលើ​ពិភពលោក​ផងដែរ។ នៅក្នុង​វី​ដេ​អួ​ខ្លី​នោះ ក៏​ជា​ការបើក​ឱ្យចូល​លើក​ទី1 ផងដែរ។ រីឯ​កាលបរិច្ឆេទ​បើក​ដំណើរការ​ផ្លូវការ គឺ​នៅ​ថ្ងៃទី10 កញ្ញា ឆ្នាំ2020។

ហាង អណ្ដែត​ទឹក Apple Store មួយ​នេះ ស្ថិតនៅ​ទល់នឹង​មុខ Marina Bay Sands ដែលជា​សណ្ឋាគារ​ដ៏​ល្បី​បំផុត​ប្រចាំ​ប្រទេស​សិង្ហ​បុរី។ រយៈពេល​នៃ​ការសាងសង់ គឺ​ប្រមាណ​ជា 2ឆ្នាំ​មកហើយ។ សូម​ជម្រាបជូន​ផងដែរ​ថា Apple Store បើក​ជា​លើកដំបូង​នៅ​ប្រទេស​សិង្ហ​បុរី ក្នុង​ឆ្នាំ2017 នៅលើ​វិថី Orchard Road បច្ចុប្បន្ន​កំពុងដំណើរកា​រ៕

សូម​ទស្សនា​វីដេអូខ្លីៗខាងក្រោម៖

Advertisement
Advertisement